Sunday, October 15, 2006,12:47 AM
ورقــة وقــلــم ومــرايــة
بالرغم من البدايات المبكرة للتنبه لمشكلة محو الأمية في مصر الا اننا حتي الآن وبعد مائة وعشرون عام من التوصيات والاقتراحات والتجريب لازلنا في وطن قرابة نصفة جاهل بمبادئ القراءة ذاتها
.
ربما البدايات كانت غير قانونية حتي استـُصدر أول قانون لمحو الامية منتصف الأربعينيات ومن هنا يفترض احتساب فترة مكافحة الأمية وتقييمها من هذا التاريخ
في البداية كان الموكل بتنفيذ ذلك المشروع هو وزارة الشئون الاجتماعية حتي تدخلت منظمة اليونسكو وعقدت اتفاقية مع الحكومة المصريه عام 52 وأنشيء المركز الإقليمي لتعليم الكبار بسرس الليان والذي ظل تابع لمنظمة اليونسكو منذ إنشائه وحتي عام 82 ثم صار هيئة عامه مصريه لها شخصيتها الإعتبارية وتتبع وزير التعليم تحت مسمي جديد هو : المركز الأقليمــى لتعليــم الكبــار.. الي هنا كانت المجهودات محدودة والامكانات كذلك ولكن المجهود ملموس
.
مجهود شبة فردي وفعّال للغاية من الرائع عبد البديع قمحاوي صاحب أضخم وأشهر برنامج إذاعي لمحو الأمية بالراديو علي مستوي مصر والعالم العربي بعنوان‏(‏ ياأهل بلدي ‏)‏ النصف الثاني من الستينيات ايام الهزيمه - اسم الدلع نكسة - والذي نال جائزة اليونسكو تلاها تقديم برنامج تليفزيوني بذات المضمون مع استخدام ابسط الوسائل الممكنة لربط الحروف ببيئة الدارس
.
ظل الحال كذلك بضعة سنوات مجهودات فردية ودعم اليونسكو ، حتي تدخلت الدولة بعد عشر سنوات وتأسست الهيئة العامة لمحو الأمية وتعليم الكبار.. وكانت فرصة رائعة لضم اغلب قيادات الجيش المحالة للتقاعد لقيادة هذا الجهاز الجديد التابع لمجلس الوزراء وقتها.. ولازلت لا افهم سر ارتباط الهيئة بلواءات أركان حرب بدءا من لواء صالح عبد العاطي يلية وصفي نور الدين .. وهو أهم رئيس للهيئة علي الإطلاق واكثرهم نشاطا علي الأقل اعلاميا !! يلية لواء حسين لقية وللأخير قصة لطيفه
فالرجل مدة رئاستة للهيئة لم تصل للسنة وخلالها ايضا لم يظهر اعلاميا وعطل برامج التدريب ولم يشارك في ايه مؤتمرات قدر استطاعتة فقط كان يريد التقاعد بهدووووووء.. والآن هي شبة مدنية تحت رئاسة د/ رأفت رضوان وهو ما هو كرئيس لمركز المعلومات بمجلس الوزراء ومصمم لمجموعة برامج مكتبية والمثير للسخرية ان الهيئة لا تملك موقعا رسميا علي الانترنت .. رغم انها انتقلت - في ظروف غامضة - لتتبع وزارة التربية والتعليم التي تنشر آلاف الصفحات
.
في بداية نشاط الهيئة اعتبر الجميع ان الاستفادة من خبرات عبد البديع قمحاوي أمراً مفروغا منه ولكن طبعا ما حدث كان التجاهل التام لتطبيقاته رغم انها الأقرب لطبيعة المصريين واثبتت نجاحها والتفاف الناس حولها..فالمنهج الذي استخدمة قمحاوي قام علي التشبيهات من البيئة المحيطة
بمقارنة بسيطة... وضح قمحاوي حرف الباء مثلا بطبق تحتة حبة أرز.. من لم يري بحياتة طبق.. من لم ير حبة ارز
الاسلوب المفروض علي الهيئة من قبل المشروع البريطاني - علي أساس ان اسلوب قمحاوي قائم علي التلقين والتحفيظ - اوصي بتدريس الكلمات لا الحروف
ازااااااااااااي
بمعني ان الدارس يتبع طريقة شامبليون يدرس كلمة ولتكن ( كتاب ) ثم كلمة ولتكن ( باب ) وعلية ان يكتشف وحدة صوت الكلمة ونطق الحروف وموضعها من النطق .. يا سلااااااااام
علي حد علمي الدارس لن يهتم لتلك الدرجة ولن يتفرغ للاستكشاف مهما حدث زد علي ذلك انشغالة بعمله وهمومه الشخصية وتربية أولاده الي آخره
النتيجة الحتمية لهذا الأسلوب هي ان يحفظ الدارس الكلمة - يعني تلقين وتحفيظ - بينما في الحالة الأولي سيحفظ شكل الحرف ومخرجة فقط .. لكن كلام البريطانين يمشي
الرجل تصور ان الطبيعي طالما استعانت بكتبه وابحاثه دولا كثيرة ان تطبق المناهج التي طورها واكسبها طابع مصري لكن بالطبع تم سلق ثلاث كتب وتدريسهم علي فترة سته اشهر نادرا ما يصل الدارس للمستوي الثالث.. وعلي اية حال فهي لا تزال تتحدث عن ابطال اكتوبر صائدي الدبابات ولا اعرف حقا كيف سيستكشف الدارس وحدة كلمة دبابة أو فيم سيستخدمها في حياتة اليوميه
.
لمجرد التنوية بيانات الجهاز المركزي للتعبئة والاحصاء تقول ان نسبة الأمية في مصر وصلت الي 27% تقريبا بينما كالعادة النسبة العالمية التي صدرت من تقارير اليونسكو والأمم المتحدة تحددها بحوالي 40%لان بيانات الحكومة ايضا تسقط من حسابها المتسربين من التعليم الاساسي علي اعتبار انهم بيفكوا الخط
طيب مادامت الشهادة - محو الأمية -وهي الشهادة الأولية تعادل الشهادة الإبتدائيه فلم اذن لا يحتسب من لم يحصل علي الابتدائية ضمن الأميين
للهيئة ستة وعشرون فرعا بالاضافة الي الديوان .. اذن هي تغطي كافه المحافظات وتعمل منذ اكثر من اربعة عشر عاما آخر نكتة استصدرتها الهيئة العام الماضي كانت محافظة دمياط متحررة من الأمية.. سافترض صحة ذلك البيان أربعة عشر عامل لتحرير محافظة واحدة.. اذن لازال امامنا ثلاثمائة وخمسون عاما آخرين لنحرر باقي المحافظات الخمس وعشرون.. هاااااااااااااانت
.
: عن تجربة شخصية
انجاح فصل محو الأمية خاصتك - هذا ان تهورت وفتحت واحد لاعتبارات الخدمة العامة - ببساطة مستحيل.. فلديك عائد مادي هزيل ومناهج معقده وتفتيش متواصل يمنعك انت ذاتك من التركيز وانت دوما متهم بشئ ما.. والدارس غير مهتم هو غالبا يريد الشهادة ليعمل سائق او فراش في مكان ما.. والأسوا ان تلك الشهادة تطبع مرتين في العام لدي الديوان وغالبا ما تضيع
في دارس بيحاول ياخد شهادتة من سنتين ادعولة تكون خلصت
بالنسبة للمدرب نفسة .. فترة التدريب التي لا تزيد عن اسبوعين يأخذ مقابلها مئة وعشرون جنية.. كويس الرقم دة؟؟
فتح الفصل - من عشرين دارس - يساوي نفس المئة وعشرون جنية بعد ستة اشهر تدريس ... لسه
اي دارس من العشرين يفشل في الاختبار يخصم من مكافأتك كمدرب ... للعلم مبلغ الخصم لا يساوي نصيب الدارس من المئة وعشرون طبعا يعني غالبا هتطلع مديون
الحل السحري
احضر الدورة التدريبية 14521 مرة أفضل من فتح فصل لانة مجزي أكثر دة الشعار المرفوع من المدربين رغم محاولات ضبط التدريب لمرتين علي الاكثر للمتدرب الواحد.. بس طبعا دي سهله
الخلاصة
مفيش دافع مادي - المئة وعشرون جنية - ولا حافز معنوي - احباط قمحاوي وتوحش الرقابة - للاهتمام الفردي بمحو الأمية، والاهتمام المؤسسي كما اسلفنا احتاج لاربعة عشر عام ليحرر دمياط وحدها .. مصطلح التحرير ذاتة عجيب
يبقي ان اذكر ان مشروع سوزان مبارك الذي اتبع ايضا منهج المشروع البريطاني - نفس عيوب المنهج والكتب الثلاثة عديمة الطابع - حقق نجاحا اكبر ربما لمرونة التنفيذ وزيادة العائد
مؤسسة ساويرس للتنميه الاجتماعية التي تعمل من سنوات خمس، بهبة من عائلة ساويرس - بغض النظر عن مصدر أموال تلكم الهبة - تتبع نظاما جيدا من تدريب عدد من خريجي الجامعات من أبناء الصم -المتكلمين طبعا - وإعدادهم كمدربين لمحو أمية الصم بالاضافة الي تدريب عدد من خريجي الجامعات في منهج لغة الإشارة وطرق تدريس منهج محو الأمية للصم
وطبعا بعض الجمعيات الأهلية وان كان مجهودها محدود لضعف الامكانات
هامش طويل شوية
ياللي اتحرمتوا من التعليم ... الفرصة لسه قدامكم
من غير م تدفعوا ولا مليم ... حكومتنا ناوية تعلمكم
بس اللى مطلوب منكم ... ورقة وقلم ومراية
وتخلى بالكوا معايا
دي كانت مقدمة البرنامج الأول لمحو الأمية ل عبد البديع قمحاوي

!! ما كنتش ناوية اكتب عن انجازات الهيئة لكن بوست نـحـو الأمـية عند الرائع قـلـم جـاف هو السبب
اسم الهيئة في ظروف غامضة أيضا تحول الي هيئة تعليم الكبار .. شالوا محو الأمية علشان تقريبا هي دي اللي كانت عاملة العكوسات
 
Posted by saso | Permalink |


113 Comments:


  • At 10:47 PM, Blogger مـحـمـد مـفـيـد

    مش ممكن تاني مره اكون انا الاول
    انتي كاتبه بوست رائع وموضوع اروع
    بس تحسي ان محو الاميه في مصر الموضوع هدي شويه ومبقاش بالاهتمام الكبير زي الاول ولا الدعايه الجامده اللي كانت في البدايه ومجهودات الدكنور قمحاوي اكثر من رائعه ولابد من تكريم ذلك الرجل الذي دخل كل بيت متعلمين قبل اميين

     

  • At 11:44 PM, Blogger أحمــــــــدبــــــــــلال

    أ
    ب
    ت
    ث

    ياولاد بلدى أنا ليا رجاء عاوزين نقضى على الامية بل البصمة تكون
    أمضــــــــــــــــــاء


    أفتكرت الاعلان أول ماقرأت البوست
    على العموم بلد زى اليابان لما تحتفل بموت أخر واحد لا يجيد أستخدام الكمبيوتر
    تبقى حاجة تغيظ
    مش علشان فرحانين فى الراجل اللى مات لكن لأن ده معناه أن الامية الكتابية غير موجودة بالمرة عندهم

    بلاش اليابان
    الامارات لما تبقى دولة عربية زينا زيها و تحصل على لقب الدولة الالكترونية علشان هى الدولة الوحيدة اللى فى العالم اللى كل أهلها عندهم كمبيوترات
    و بتنافس على لقب الدولة السيبرية و تكون أول دولة كل أهلها بيستخدموا الانترنت


    حسبنا الله و نعم الوكيل

     

  • At 12:31 AM, Blogger saso

    مـحـمـد مـفـيـد
    شفت بقي حظي حلو ازاي
    :)
    ربنا يخليك دايما تيجي في بوستات طوييييييييييلة بس معلش بقي استحمل
    د/ رأفت بجد جميل جدا
    لا عاجبة المال السايب في الهيئة اللي بيتصرف علي الاعلام اللي هوا اصلا الحاجة الوحيده اللي ممكن تجيب نتيجة ولا عاجبة يرجع الاعتماد للدوله
    ولا عاجبة يحطه مشاركة ودعم في
    TOTأو CLE برامج
    متفهمش هوا عاوز اية

    عبد البديع قمحاوي الله يرحمة كفاية علية ان ناس اتعلمت تقرا الفاتحة علي ايده
    عمرك سمعت حتت من برنامجة علي اذاعة القران الكريم " تعلم الفاتحة " يعني كفاية ثوابها دي بتيجي في عيد ميلاد الاذاعة
    والفكرة تعلم الناس عن طريق القرآن

     

  • At 12:40 AM, Blogger saso

    احـمـد بلال
    اةة شعار أتعلم أتنور اللي منور علي اوتوبيسات الهيئة
    الشعار اتكلف كام الف جنية اصلا
    وطلع في الاخر ا ب ت ث
    يا سلااااام
    :)
    اةة فاكره انا شعار التسعينيات الاهبل بالقضاء علي الامية سنة الفين
    وبعدين بابا نويل امر بالقضاء عليها سنة 2009 ازاي معرفش

    بس الحقيقه د/ رأفت وعد
    شوف وعد.. بتخفيض نسبة الامية الي عشرة بالمئة فقط بحلول الفين وتسعة ده
    تقوللي كومبيوتر
    لا حول ولا قوة الا بالله
    بجد احنا نفرح

     

  • At 1:03 AM, Blogger Gbalawy

    موضوع محو الاميه موضوع انا شايفه زى اى موضع فى بلادنا الجميله
    هاختصرلك الكلام
    انتى بتقولى 120 جنيه ودى حقيقه
    واللى متعرفهوش ان الجيش دخل وبقى الجنود بيأدو فتره خدمتهم فى التعليم
    بيستعينوا بالجامعين منهم

    فى كمان حاجه اسمها الفصل الواحد وده موجود فى المدارس خاصه فى القرى

    بس انتى فكرى معايا
    ياترى احنا عندنا العقليه اللى تسيب القهوه وساعه الحظ اللى متتعوضش وتروح تتعلم؟؟
    احنا عندنا مبدأ بما اننا شعب من اصول فرعونيه
    العلم فى الراس مش فى فصول محو الاميه


    تحياتى لاهتمامك بأصل من اصول بلدك وهو التعليم

     

  • At 4:36 AM, Blogger Mamdouh Dorrah

    لقد فسد المصريون....افتكرت الجملة دي و أنا باقرا كلامك في البوست ده... الحقيقة مشكلة الامية مشكلة كبيرة... بس المشكلة الاكبر السؤال احنا هانتعلم اية والا اية؟؟؟ الامية من وجهة نظري مش امية قراية و كتابة بس..احنا اصبحنا شعب جاهل تماما... حتي المتعلمين تفتكري كام واحد فيهم بيقرا...يا شيخة انا اعرف ناس مؤهلات عليا ناوين ينافسوا ابو جهل في مسابقة الجهل الدولية... احنا محتاجين نتعلم حاجات كتير جنب القراية و الكتابة

    و بعدين بلاش سيرة بابا نويل علشان انتي عارفة انا عندي قرحة في معدتي و ممكن ارجع اللي في بطني بسهولة بعد ما باسمع اسمه

    و كمان في حاجة ظريفة خالص...بمناسبة اللواءات اللي بيمسكوا مناصب مدنية..أنا مش عارف صراحة هما بيمسكوا المناصب دي يعملوا فيها اية..هو ظابط الجيش ابو 50% في الثانوية العامة و اللي مش بيفهم اصلا في امور الجيش ... و مش مثقف بطبيعته الجهلية... و مش متمرد بيسعي لاصلاح المعوج بطبيعته الانبطاحية و مش حاسس بهموم الناس و لا حريص علي مصالحهم بطبيعته الانعزالية عن المجتمع ...نقدر نستني منه تقدم او تطوير... مش كفاية بابا نويل علينا...عايزين يعملولنا 100 بابا نويل تاني؟؟؟؟

     

  • At 8:27 AM, Blogger Adel

    ساسو حلو اوي الموضوع ده واضح انك من يوم ما غيرتي البلوزة الفوشية وربنا فتح عليكي بمواضيع تجنن انما مين د/رافت اللي انت كتبتي عنه ممكن اعرف ولو د/ رافت خالد بلغيه تحياتي الشخصية وعلى فكرة انا حاولت تطوعا اخوض تجربة نحن الامية وزهلت من دماغ الناس وللاسف كنت مبتكر طريق تعليم ولا اجمل ولا اسهل وعلمت 4 افراد كانوا نفسهم يتعلموا وبقية المجموع استفدت منهم في بياض شقتنا وشوية اشغال مالهاش علاقة بمحو الامية وانا عاتب عليكي لانك نسيتي الاستاذه عايدة شكري مخرجة المرنابج بتاع المرحوم عبديع القمحاوي اوعي تكوني فكرة ان دي غلطات املائية انما دي بس من باب التهكم على اللي بيحصل وسلمي لي على هيئة نحن الامية وتعليئ الكبار

     

  • At 8:44 AM, Blogger Adel

    ساسو على فكرة انا راجع اعلق تاني لان الاغنية بتاعه البرنامج عمالة تدندن في دماغي فقلت اكتبها لكم من باب الذكريات

    افتحوا الشبابيك لنور الشمس يللا
    افتحوا الشبابيك دي شمس العلم هلا

    لما نور العلم يدخل كل بيت - كل بيت
    مش هايبقى في القلوب كلمة ياريت - كلمة ياريت

    والمداين في السما تكبر وتعلا

    ياللي اتحرمتم م التعليم الفرصة لسه قدامكم
    من غير ما تغرموا ولا مليم إذاعتنا ناوية تعلمك

    بس اللي مطلوب منكم ....
    تتجمعوا هنا كلكم يومياتي و فنفس الميعاد
    وتحضروا من فضلكم ورقة وقلم ومراية
    وتخلوا بالكوا معاية يللا بقى سمع هس

     

  • At 10:50 AM, Blogger محمد أبو زيد

    هو فعلا بقي " نحو الأمية " أي الاتجاه نخو الأمية ، المشروع فشل لأن المدرسين أصلا يحتاجون لمحو أميتهم ، لأن التعليم فقد قيمته ، اسألي أي شخص الآن ، يقول لك أتعلم ليه ، إذا كان اللي معاهم الشهادات ما شتغلوش ، الأدهى أن الطلبة في المدارس عندهم نفس القناعة ، لذلك لا يهتمون بالتعليم ، ولهذا يتخرجون من دبلوماتهم ، او كلياتهم ، أو يتسربون وهم يحتاجون إلى محو أمية ، المشروع فشل لأنه تحول إلى سبوبة للحكومة ، ولأن اسم السيدة الفاضلة اتحط عليه ، وتحول الأمر لموضوع حكومي بيروقراطي بحت ، وإنجازات ، وكلام فاضي ، المشروع فشل لأنه تم القضاء على حلم عبد الناصر بمجانية التعليم ، الناس مش لاقية تاكل ، هتتعلم كمان ، الناس زمان كانت بتتعلم عشان تشتغل ، دلوقتي ما فيش شغل ، ما فيش تعليم ، ما فيش أي حاجة غير الأنجازات

     

  • At 2:41 PM, Blogger محمد أبو الفتوح

    عارفه
    أنا سألت نفسى سؤال بعد ماقريت البوست
    هو إحنا عاوزين الناس تتعلم ليه ؟
    علشان يعرفوا يقروا
    و بعدين؟
    يتثقفوا و يوعوا نفسهم
    و بعدين؟
    يثوروا على الغلط
    طب ليه اللى متعلمين مش بيثوروا على الغلط؟
    ممكن تجاوبينى

     

  • At 3:44 PM, Blogger admelmasry

    اه صح

    ممكن تجابي محمد ؟

    انا ممكن اجاوب

    لو المجتمع كله متعلم

    اكيد اكيد المجهود اللي بيبذلو المثقفين في توصيل فكرتهم للناس

    هيكون اقل


    وساعتها المجهود هيتضاعف



    مجهود المثقفين مش هيضيع
    دا غير مجهود الناس اللي اتعلمت

    وساعتها الصوت هيكون اقوي

    والصوت القوي
    غالبا ما بيكسر الحواجز

     

  • At 4:03 PM, Blogger sherif gharib

    كل اللى هنحتاجه قلم و كراس و شويه اخلاص
    يا ساسو انتى و الله على طول كده بحترم جدا اختياراتك للمواضيع
    بس الموضوع ده بالذات عايز و لا ميت بوست
    لانك بتتكلمى فى ضلع من 3 اضلاع لمثلث تخلف اى امه فى العالم و احنا لحد الان بنكابر و نقول ان احنا نسير نحو خطى ثابته للقضاء على هذة المشكله و انا شايف ان الدنيا كلها ماشيه فى ناحيه و احنا لسه بنفكر ازاى نقلل من نسبه الذين يستطيعون القراءه و الكتابه و الله ديه مسخره بس هنعمل ايه ما هو كل واحد بيرمى اللوم على اللى قبله انه ما علمهوش
    ارجو انه يكون فيه حلول جذريه لهذه المشكله
    تحياتى و مودتى

     

  • At 5:19 PM, Blogger saso

    Gbalawy
    لا والله موضوع محو الامية كخدمة في الجيش عارفاة
    وخدمة عامة للبنات كمان

    بص علشان كده اتكلمت بالمنطق المادي.. مادام لا الدارس لاقي عائد ولا المدرب كمان هيتعاونوا ليه ؟
    القهوة احسن فعلا وقتها
    المشكلة ان الناس دي بتفترض توفر الرغبة الشديدة عند الاتنين وبدون مقابل .. طيب ماوقتها نقفل الهيئة وتبقي جمعيات اهلية وبس

    علي رايك
    العلم فى الراس مش فى فصول محو الاميه
    :)

     

  • At 6:01 PM, Blogger saso

    cortex
    انا كنت باتكلم عن الاساس اللي هيا مبادئ القراءة لما 40% منا اصلا مش بيعرف يقرا ناقص ايه
    الي بتتكلم عنه يا ممدوح كارثة اكبر
    لا نقرا وان نقرا لا نستوعب وان استوعبنا ليس لدينا حق النقاش.. فعلينا ان ننسي ما قرأناه

    خلاص خلاص بلاش بابا نويل اصلي بقالي كتير ماجبتش سيرتة
    سلامتك

    احم احم .. ظابط جيش اية بس اللي بخمسين في الميه.. دي شرطة كانت بتاخد من ستين وبعدين بابا قاعد ودي تاني مره تدخل غلط .. الراجل كده هيتعقد منك
    ما علينا سيادتك ظابط الجيش بيتقاعد بدل ما يزهق يجيبوله اكاديمية خاصة او هيئة حكومية او مشروع معونة يلعب بيه.. الفراغ وحش زي مانت عارف

    بس بقي كفاية كلام عن بابا نويل ...انا معنديش قرحة بس تعبت برضة

     

  • At 6:34 PM, Blogger saso

    المزاجنجي
    ولو ان المرحومه كانت روز مش فوشيا بس مش مهم
    وقتها كنت كاتبه 3 بوستات انجليزي وقبلهم بوستين عن بابا نويل
    وفي ناس عندها قرحة زي ممدوح اللي معلق قبل حضرتك علي طول
    فكان لازم اخفف الموضوع شوية واهرج

    ميرسي يا جميل
    لا ده د/ رأفت رضوان اللي كان واجع دماغنا بالثورة المعلوماتية ورئيس مركز المعلومات ودعم واتخاذ القرار في مجلس الوزراء
    ومصمم برنامج للمكتبات اعتقد اسمة أليس.. المهم انه ناوي يقفل الهيئة وكلمتة المأثورة انا اخر رئيس هيئة هاجي
    طيب بامارة اية؟؟ فين الاميين اللي قضيتوا عليهم .. ماهو صعب يقضوا علي الامية غالبا هيقضوا علي الأميين نفسهم

     

  • At 6:40 PM, Blogger saso

    المزاجنجي تاني
    !! ابتكرت طريقه تعليم
    فكرتني بايام المثالية لما حاولت أدرّس.. بس الحمد لله رجعت في كلامي بعد عاشر تعقيد وقلت كفاية كده
    اسفة اني مكتبتش اسم المخرجة .. بس ولله دورت علي معلومات لما مت ومفيش فايده.. السايت بتاع قمحاوي نفسة مش جايب سيره ولا اسم برنامجه.. معترف بالراديو بس
    ميرسي ميرسي انك كملتلي الأغنية الجزء اللي تحت بس هوا اللي فاكراه

     

  • At 7:05 PM, Anonymous Anonymous

    أهلا...أعتقد أن موضوع "نحو الأمية " ناجح جدا في توصيل هدفه...هما عايزين ناس بتعرف تقرأ بس ما بتعرفش تفكر..وفعلا هما قدروا يوصلوا لده...عن تجربة شخصية أنا حضرت مرة فصل من فصول "نحو الأمية" علشان أشوف ايه اللي بيحصل ...طبعا بعد حوالي ساعة من الأنتظار علشان سيادة الأستاذ يجي والناس تقعد مكانها وكله يكمل ..وبعد كده مهازل ...شرح عبيط والراجل جاي يؤدي واجب وخلاص ومش مقتنع باللي بيعمله وبيعامل الناس بطريقة مش كويسة...يمكن في أماكن تانية يكون الحال غير كده بس اللي ..عموما الواقع هو اللي بيحكم المسألة...والتعليم عندنا في مصر- وأقصد تعليم الكبار-بس علشان يخلوا الناس تعرف تفك الخط..أنا فاكر زمان في الأعلانات السخيفة أيام هوجة التعليم أن الغرض الأساسي للتعليم عند الحكومة أنه تطلع واحد يعرف يمضى بدل ما يبصم...يا سلاااام..لأ وأيه علشان تخلي الواحدة تقرأ جوابات جوزها اللي مسافر الخليج...أو يقرأ أعلان بيقول "أحترس خطر" وحاجات طبعا في منتهى السخافة...لكن علشان تطلع واحد بيفكر ...طبعا لأ
    كان فيه زمان مقولة بتقول "ابقى قابلني وهات فرافيرو"

     

  • At 7:25 PM, Blogger saso

    مـحـمـد ابـو زيـد
    المشروع فاشل من يوم ما بقي هيئة و27 فرع وموظفين وتعيينات .. وجيش وواسطة ومجاملات الولد اتخرج نشغلة بعقد- مع ان مفيش عقود - والباقي انت عارفه
    لا جدوي من التعليم اللي اتخرجوا اخدوا اية
    فعلا عندك حق مادام ده اللي واصللهم هيتعلموا ليه
    بس علي فكرة اسم سوزان مبارك علي مشروع منفصل بيطبق منهج المشروع البريطاني بغباء.. لكن نشاط الهيئة مش تبع حد.. وغالبا محدش بيعرف عنهم حاجة

    حظي بقي من سنتين كنت في المكتبة بتاعه الهيئة في منفاها الجديد في جسر السويس بعد نقلها من قطاع الكتب
    الكتب هناك قسمين حبه كتب عن الدنيا والاكلات العجيبه وكتب علم الادارة وروايتين تلاته
    والباقي كله عن منجزات الهيئة
    :)

    بعد 4 ساعات في المكتبة اكتشفت ايه.. اغلب الكتب منقولة من بعضها وعليها اسماء مختلفة
    مش بيزعلوا من بعض بجد حلوين.. نفس اللي تقراه هنا هتقراه هنا

     

  • At 7:49 PM, Blogger saso

    محمد ابو الفتوح
    آدم جاوبك اسكت انا بقي
    :)
    المتعلمين مش بيثوروا.. علشان لوحدهم يمكن.. علشان تعليمنا كلنا موجة زي مانت عارف،علشان ملاحقيننا دايما
    التعليم نفسة بقي إلهاء
    قريت كام كتاب السنة دي مالوش علاقة بالطب؟
    يمكن لما يبقي في اساس التفكير يتغير.. اسهل انك تستغل الجاهل ولا تستغل المتعلم ؟ بلاش علي الاقل نبقي سهلين

     

  • At 8:00 PM, Blogger saso

    آدم
    ميرسي يا جميل انك رديت
    .
    ..
    بس كده

     

  • At 8:22 PM, Blogger saso

    sherif
    ميرسي يا جميل اوي
    عندك حق عاوز مية بوست.. بس الكلام ده ممكن يعمل نتيجة اصلا؟؟
    لو قصدك اننا بنلف حوالين نقطة يفترض انها النقطة صفر .. ماشي مش مشكلة
    بس نوصللها حني
    ده احنا حتي نقطة الصفر - التعليم الأساسي - لسة بنحاول نوصللها
    تحياتي يا شريف

     

  • At 9:49 PM, Blogger saso

    the m
    مرحبا.. ده نُص المتعلمين صح ؟؟
    ماشفتش اماكن الحال فيها غير كده
    طبعا انت عارف انا لفيت كام محافظة في موضوع التدريب ده لما طلعت روحي

    في مرة كانت الدورة مقسومه علي مدرستين.. شفنا الناس وطلبولنا سم فيران علشان يمشونا واخدنا الحضور والغياب اختك طبعا مركزه في بنت رضيعة وباباها ومامتها قاعدين في الدوره اقول ياربي لما يفتحوا فصول هيعملوا اية في البنت
    اروح المدرسه التانية كوباية سم فيران وحضور وغياب.. سبحان الله نفس المتدربين ونفس البنت وباباها ومامتها !!! والباقيين برضة يعني نفس الناس اللي هنا جريوا سبقونا وراحوا المبني التاني
    فلوس مالهاش صاحب
    ونفس الناس دي مقيدة اسمهما مقدما في كشوف التدريب الجديده

    بدل البصمة تكون امضاء
    :)
    معلش اي حاجة بس يقروا والباقي امرة صعب برضة بس اهون

    اجيبلك فرافيرو من فين دلوقتي.. انت عارف الساعة كام؟ مافيش ولا فرافيرو تلقاة صاحي دلوقتي

     

  • At 10:40 PM, Blogger مفلس افندى الرايق

    تعالوا نمحو الاميه

    وتكون بلدنا علميه

    ونخلى ولادنا افكارهم

    افكار جديده وعمليه

    وننشل ولادنا من وحل الجهل

    لنور العلم والحريه


    ازيك يا صــــــــــــافى؟؟؟

     

  • At 11:09 PM, Blogger mariam

    احييك على الموضوع الهادف دة. بس متهيألى محدش مهتم بجد بمحو الأمية و المسؤلين بيستخدموه من قبل الدعاية فقط لا غير. و الموضوع محتاج همة اكتر شوية لأنه مش سهل
    تحياتى

     

  • At 1:39 AM, Blogger rony

    سبحان الله
    هاتقوليلى محو الاميه او نحو الاميه هاقولك فعلا زى اللى قاله الاخ محمد ابو الفتوح لو كانت الثوره على الظلم بتتطلب متعلمين ما احنا اهو عملنا ايه
    بس ارجع تانى واقول وهو اللى اتعلمناه ده كان تعليم ولا كان تعذيب
    انا قعدت اربع سنين طبعا فى كليه تجاره وفاكره منها ايه...اسماء المواد بالعافيه وبطلوع الروح مع انى فاكره بالتفصيل احداث رويات وكتب كتير قريتها بس سبحان الله مفيش اى حاجه علقت معايا فى التعليم اللى اتعلمته اللهم انى بقيت الحمد لله متعلمه
    حاجه تانى لو فضلنا نبص للعائد المادى لاى حاجه فى البلد يبقى هنموت ناقصين عمر ...علشان كده قررت وبلا فخر اى حاجه هاعملها لوجه الله بس ولا عائد ولا معائدش
    نيجى بقى للكلام الكبير دايما بسال نفسى الكبار اللى عايزين نعلمهم كانوا احسن مننا فى كل حاجه بخبراتهم مش بتعليمهم واحنا فشلنا كل الفشل بتعليمنا لان مفيش خبرات ...تفتكرى العيب فينا ولا فيهم ولا فى التعليم
    اقولك انا العيب فى الدكتور...ضحى بالاب والام والجنين علشان الريس يعيش
    انا جالى اكتئاب وبرى برى تنصحينى اعمل ايه؟

     

  • At 12:01 PM, Blogger Diyaa'

    بصراحة أنتي تعبتي نفسك جدا
    و بعدين مهو اللواءات دول تعبوا و لازم ينهبولهم شوية لحد ما يتكلوا خالص أو يسلموا نمر ومتنفعش معاهم عمرة
    و كمان الحكومة هتطلع تقولك شعبنا متعب و مش بيستجيب لمحو الأمية
    وأنا أعرف في الحي اللي انا فيه ييجي 20 ولا 30 عيل سابوا التعليم
    من الأخر الفقر اللي أحنا فيه ده هيفضل جايبنا لورا ولتحيا حكومة رجال الأعمال و ليستمر مسلسل النهب و السرقة
    بس عكوسات ايه مش فاهم ؟!
    و عايز أقول لروني حاجة
    في حد يحب جيمي و يجيله اكتئاب و بري بري ؟!
    يا شيخة خلي صورته منورة قلبك و أنتي هتبقي زي الحصان
    المفروض اللي يحبه ده يجيله كام مليون و يحتكر كام سلعة مش يحب ببلاش كده
    ولا ايه ؟

     

  • At 4:07 PM, Blogger tota

    ساسو الجميلة
    موضوع عميق ومتعدد الابعاد جدا
    اولا نعود الى منشأ الامية لنضع يدينا على السبب الرئيسى وباقصائه يمكننا التغلب على جذور المشكلة ثم نعود لنقضى على ما تبقى من فروعها

    جزء من الامية راجع لعزوف الاشخاص عن التعليم وهذا واضح جدا فى الوسط الريفى حيث يتم توفير مجهود العلم لمصلحة الارض هذا فى حالة الذكور اما فى حالة الاناث فحدث ولا حرج عن عدم رغبة الكثيرات منهن فى التعليم

    جزء فى الاوساط المدنية وذلك لعدم ترغيب الجهات التعليمية للاطفال منذ النشئة فى العلم بل اصبح التعليم نوع من انواع العقاب اليومى بالذهاب الى المدارس الحكومية سيئة التعليم
    وسيئة الجو وسيئة المدرسين وبالتالى الهروب من المدارس

    ارتفاع المصاريف والدروس التى من دونها لا ينجح احد بسهولة والتكاليف المصاحبة من زى مدرسى وكتب وما الى ذلك التى قد تفوق فى مجملها مرتب موظف وخاصة لو كان له من الاطفال الكثير

    مع استمرار جذور المشكلة تستمر شجرة الامية فى طرح نتاجها للمجتمع فلزم قطع الجذور اولا عن طريق تعاون جهات كثيرة وليست الحكومة فقط ولو انها صاحبةالدور الاول بالطبع

    الجزء الثانى بالطبع هو الاميين الموجودين حاليا والتى باءت معظم الطرق التقليدية والغير تقليدية فى مساعدتهم ولم يتبقى غير شىء واحد الارغام والعقاب

    وهو المثال الناجح مع الشعب المصرى فى اغلب الاحيان
    على الحكومة الزام كل من يتقدم لشغر اى وظيفة اى ان كانت ان يستطيع القراءة والكتابة وكذلك المواطنين اصحاب الاعمال الخاصة
    وعلى الحكومة ايضا رفض الاختام والبصمات من كل سجلاتها ويلتزم كل مواطن بكتابة اسمه
    وكلما اتيحت فرصة الزام وجب اتباعها فالاقناع للشعب المصرى لا يصلح غالبا وعذرا على هذا الرأى الذى يؤلمنى فعلا
    مساعدة جدية لكل من يرغب فى التعليم ولا يعرف وسيلة المساعدة من جميع فئات الشعب
    محو امية الامن المركزى او محو الامن المركزى كله

    وده احد الاحلام
    تحياتى يا جميلة

     

  • At 4:33 PM, Blogger saso

    مفلس الرايق
    حمد الله علي السلامة
    ألّفت شعار جديد.. فكرتني بالشعار الرهيب
    يلا بينا نمحي الامية... مالقاش حاجة يقفل بيها اضطر يكتب
    ونعيش بقي عيشة هنية
    شفت هنية دي...:) انا كويسة خااااالص
    انت عامل اية بقي؟

     

  • At 4:39 PM, Blogger saso

    mano
    ميرسي يا جميلة
    والله عندك حق كل اول موسم يفتكروا محو الامية وانجازات الهيئة وبعد كده يهدوا خاااالص ويسيبوا الجمعيات الاهلية تقوم بالشغل
    mano تحياتي يا

     

  • At 4:50 PM, Blogger saso

    rony
    :)
    وهو احنا متعلمين يا روني.. احنا ملقنين يمكن بنحاول نقرا كلمتين في وسط الدراسة لو عرفنا لكن اكتر من كده مفيش
    بصي يا زميلة.. اصلي كلية تجارة برضة :) اسامي المواد نفسها ماكنتش باركز فيها برضه مع اني مش بانسي ولا حرف قريتة وعجبني.. لاننا ببساطة بندرس حاجات لمجرد التخرج .. وباتعلم من الاول في شغلي .. بقالي سنة باتعلم كل اللي مالوش علاقة بالكلية
    ما علينا
    ممم لا هما عندهم خبرة حياتيه اوك بس مش هيبقي احسن لو بطلنا رمز الهلال والكوب.. والاعتماد علي التليفزيون للابد صعب
    ماتعمليش حاجة انتي مش خلصتي كلية
    ابدأي رحلة الشغل واتعلمي من الاول وسامحي في الاربع سنين اللي فاتوا
    يااااااة فكرتيني بالمرحوم

     

  • At 6:01 PM, Blogger saso

    diyaa'
    معلش بقي مانا كنت هادية طول رمضان
    :)
    طبعا يعني اللواءات يطلعوا معاش يسيبوا غيرهم يشتغل.. ماتجيش ،، اللطيف بقي انه تلقاة معاش ومحتفظ باللقب
    لو ندهتله بلقب تاني مش ممكن

    الشعب هوا اللي متعب اةة طبعا هتنكر بقي عملوا كل اللي عليهم وجابوا كارتون خايب وبرامج موجهه واعلانات سخيفة عن الست اللي مش عارفة تقرا الجواب .. مفيش فايدة
    دي بقي العكوسات..افترضوا ان الخطأ في كلمة امية تقريبا الكلمة دي وحشة بتزعل نفسية الدارس
    راحوا شالوها - نجرب -وكمان 10 سنين هنقيم نتائج التجربه.. ربنا يديلنا طولة العمر
    روني ترد عليك بقي يا ضياء انا عن نفسي ولا متضايقة ولا متغاظه ولا هاطق ولا حاجة ابداً

     

  • At 9:53 PM, Blogger قلم جاف

    أشكرك أولاً على الاستشهاد بتدوينة لي ، وثانياً كلمة رائع كتيرة وكبيرة فعلاً عليا .. أخجلتي تواضعي يا ساسو..

    المدهش في الموضوع إن القائم على هيئة محو الأمية أو نحوها مفرقتش كتير راجل مبرمج كمبيوتر ، والبرمجة بتفترض الوعي بالغاية لتحديد الوسيلة ..

    المبرمج المحترف عقله منظم بيضع الهدف نصب عينه ، وبيشوف يوصل له إزاي .. قادر على التخطيط لأبعد زمن ممكن واضعاً في جمجمته كل الاحتمالات حتى المستحيلة منها..

    المدهش إن دة هو عكس اللي بيحصل في الهيئة اللي لا شفنالها خطة ولا هدف ولا تصور .. بس قناة لمحو الأمية على النايل سات.. وزغرطي يا اللي ما نتيش غرمانة!

    وإذا فكرتي تواجهي أي من الباتاوات (جمع باتا) بالحقيقة دي .. حيطلعولك الدليل الشافي والجواب الكافي اللي يدبوه في عين التخين .. البامفليت .. وما أدراك ما البامفليت!

    إنه البتاع اللي بتطلعه الهيئة في نهاية كل سنة علشان يتناول أهم الإنجازات الوهمية اللي تحققت خلال عام كامل ، وبتتحجر منه نسخة للمستر بريزيدنت لما بيعمل زيارة مفاجئة للهيئة ..

    أما عن فكرة التطوع لمحو الأمية بالمكافأة.. دي بقى الكوميديا الكبيرة..

    أول حاجة الموضوع حيتكلفت علشان البيه المعلم الفاضل يقبض.. وأهي ورقة بياخدها الطالب علشان تنفعه في الشغل..

    ثانياً .. تضمن لي لو فكرت في الموضوع دة إنك تدربني بشكل وافي واحترافي على تعليم الناس دي القراءة والكتابة؟ ولا هو نوع من أنواع "الفكر الاستعباطي الجديد" اللي يقضي بتشييل الشعب حاجات تشيلها الحكومة من غير ما تقوم الحكومة بدورها الرقابي الحقيقي..

    وكما قالت تيتة نادية الجندي : سلملي ع البتنجان ..

     

  • At 11:43 PM, Anonymous Anonymous

    عدد الاميين فى هذه البلد صعف عدد المتعلمين ثلاث مرات او اكتر ومحدش يصدق الاحصائيات الكدابه لانها صادره عن حكومه كدابه

     

  • At 2:41 AM, Blogger Fantastic Logos

    مساء الخيرات ساسو
    او تقدري تقولي صباح الخير لان الساعه دلوقت 2 باليل

    بصي انا عن نفسي مش مستوعب الفكرة
    موش عارف ليه حاسس ان الموضوع صعب جدا جدا جدا جدا
    بالرغم من انا شخصيا واثق بل متأكد
    مليون في الميه ان مفيش مستحيل
    وما توفيق الا بالله
    لكن احنا في مصر عندنا هرجله في كل حاجة
    وبلطجة وعشوائيات
    وبطاله وفقر وبلاوي ما يعلم بيها غير ربنا
    مش معني كدة ان كل حاجة وحشه
    (الخير في وفي امتى الى يوم الدين)صدق رسول الله
    بس الفكرة ان احنا عاوزين معجزة عشان نمحي حجات كتير موش بس الاميه

    فكرتيني بفكرة خطرت على بالي
    تخيلت مرة ان فضوا مصر من كل حاجة وخلونا نسكن بعيد شويه
    وهدوا كل حاجة واعادوا اعمار مصر من جديد
    مباني جديدة وتخطيط صح
    وبيت لكل واحد وشوارع واسعه جدا وكل حاجة متنظمه على الاخر يعني هنرجعلها وهيا احلى بلد في العالم

    فا رد عليا واحد صحبي وقالي الناس هتبوظها تاني :-)

    قلتله طب والحل

    قالي احنا نجمع الشباب والبنات
    وبس
    ونسفرهم بره مصر خالص
    ويتجوزا ويجيبوا اطفال خالين من كل المشاكل والامراض بعون الله
    ويشموا هوا نضيف ويتربوا حلو خالص

    وفي الجانب الاخر مصر يعني نولع في البلد كلها
    بالي فيها
    ونبنيها من جديد
    ولما كله يبقى تمام هيكون الاطفال دول كبروا وجاهزين انهم يعمروا مصر الحديثة
    يرجعوا بلدهم
    ومن هنا نبدا على نضافه
    وبكدة موش هنكون عاوزين محو اميه ولا حاجة
    :-))))))

    طبعا تهريج الي انا بقوله دا

    مصر دي احلى بلد في الدنيا
    الموضوع دا كبير اوي
    معلش طولت عليكي
    اسيبك على خير وتحياتي

     

  • At 12:56 PM, Blogger سندباد مصري

    ساسو

    اه ضيعت نفسك بلاش

    وكتبت عن الرعب

    كتبت عن المصيبه الكبيره

    كتبت عن الجهل

    بالزمه ده عقل برضه

    مش عارف حاسس انك لما أخترت الزاويه ديه من الكلام عن الجهل

    محو الميه يعني

    حسيت إن فيها سنه تريقه

    وحيث أنك فتحت الموضوع

    فأنا طبعا متطر ارمي الجردل بتاعي في النهر بتاع المناقشه

    مش يمكن اطلع بسمكه

    هوا كالعاده معايا اليومين دول

    الموضوع كبير كبير

    والجهل ببساطه مش في القرائه والنيله الكتابه

    افتكرت دلوقت إن اليابان احتفلت بأخر امي لها في الكمبيوتر عام 98

    وطبعا لما واحد جاهل زيي سئل يعني ايه أمي في الكمبيوتر

    قولوله يأختي

    إنه علي الأقل يعرف لغتين برمجه

    سيبك من الخبر كله

    طبعا أنا اتصدرت وقلت اشمعني يعني لغتين برمجه

    طبعا الناس ضحكت

    بس الحقيقه إن اي أنسان يعرف لغه واحده للبرمجه أو للتفكير يعني

    غالبا بيعتبر جاهل

    ايه ده ينهار اسود انا كتبت كل الكلام ده

    طيب كفايه كده

    سلام

     

  • At 5:01 PM, Blogger saso

    tota
    الجميلة جدا اللي لازم اقف حبه قبل ما أرد عليها.. بتتكلمي عن الأميه كسبب
    اوافقك تماما في ان تسرب اطفال دون العاشرة من التعليم اخطر من مواجهة الامية للبالغين
    انا مثلك اري توفير تلكم الاموال الموجهه لمحو الامية لإزاله اسباب تسرب الدارسين وتغيير نظرتهم للتعليم بمقارنتة بالعمل الحر
    فحين اريد استئصال لعنصر متجدد .. فلنتنبة للسبب اولا
    لكننا عدنا للحرث في الماء .. يتعلم فرد ويخلي مكانة لعشرات اخرين قرروا الا جدوي من التعليم.. فنتقدم للخلف
    كذلك تحديد السن الموجه له برنامج محو الامية.. فاخيرا بعد اكثر من عشر سنوات تحدد الي سن الخامسة والثلاثون.. فانا للاسف لا اري جدوي من تمويل برنامج لمن تعدوا هذا السن.. من حقه ان يتعلم ولكن فلتختص بهذا الجمعيات الاهلية .. مع توحيد الامتحان واستخراج الشهادة - التي تضيع غالبا -
    فكما تعرفين نشاط الهيئة والجمعيات الاهلية منفصل تماما واحيانا متعارض

    القسم الثاني اوجعني ايضا .. لكن هل تعلمين ان سبب تدهور الحال اكثر هو اجبار السائقين علي استخراج الشهادة كشرط للحصول علي الرخصه.. مما ادي لتأخير طبع الشهادات وتزييف اسماء الدارسين .. في فوضي مشابهة لفوضي المحليات

     

  • At 5:19 PM, Blogger saso

    قـلـم جـاف
    لتاني مرة رد عندك يخليني اكتب اول مرة كان بوست تمانينات

    رائع طبعا .. مفيهاش كلام
    :)
    أولا.. النهاردة الاربعاء حفل افطار الساده موظفي الهيئة وتكريم المحالين للمعاش ومناقشة بعض خطط التطوير وتقييم لمنجزات الهيئة
    ثانيا.. بالنسبة ل د/ رأفت فأول ما جه طلّع التصريح الثوري بتاع انا آخر رئيس للهيئة وانه الهيئة هتتحل خلال العام القادم الفين وسبعة ازاي معرفش
    بعدها اجتمع بالعاملين ووصلهم الاتي
    الاعتماد المالي للهيئة متضخم وزايد عن الحاجة وعلية هيتم رجوعة للوزارة - مش المجلس بقي تبع وزارة التعليم - وطبعا ماركزش ان الاعتماد ده مش للديوان ده لبرامج التدريب.. فالنتيجة توقفت برامج التدريب لفترة .. والاسوأ المشروعات الصغيرة - مشغل التريكو الله يرحمة وقف - اللي كانت حافز للمتحرر كما تحلو تسميتة لايجاد دخل ثابت

    نتيجة لفكرة الواعي اللي اتكلمت عنة
    كعادة الحكومة استبدل الدعم ببرامج التدريب ودورات تدريبية هلامية.. للعاملين اللي ملهمش علاقة اساسا بالتدريس الموظفين الاداريين يعني

    المضحك اكثر برنامج سي ال اي .. بيتعارض في تطبيقة مع برنامج التي او تي .. بس ليس هناك قانون يمنع دراسة الاثنين لنفس الموظف وهو كلة تدريب !!

    عن التدريب فانا اضمنلك رقابة دائمة واتهام دائم بانك تتلاعب باي شئ تتلاعب وبس.. دي مش رقابة ده تطفيش.. وعلي فرض انك علمت الدارسين الشهادات بتطلع او مابتطلعش دي حاجة بتعتمد علي الحظ.. واي كانت محافظتك الشهادة تستلم من فرع الهيئة في جسر السويس
    اللي انا نفسي مبعرفش اروحها
    علي فكرة الاعتماد دلوقتي مابيرجعش... والتدريب وتشغيل ما بعد الامية متوقف تفتكر لـيـيـيـيـيـيـيـيـه

     

  • At 5:23 PM, Blogger saso

    واحد من الناس
    يعني 25% :75% ؟؟
    معرفش النسبه المعتمده من اليونسكو نسبة غير حكومية 40% نتيجة مخيفة برضة
    طبعا الرقم الحكومي 26.7% ده من باب الترفية

     

  • At 6:59 PM, Blogger saso

    lion king
    مساء النور يا جميل..علشان انا باكتب بعد الفطار
    عندك حق.. لخبطة وهرجله وتضارب
    ونعمل خطط كويسة اوي ونسحبها ونطبق غيرها ونسحبها
    .
    ..
    يا خبر ايه اللي انت قلته ده.. مين نمشيهم فين وليه كل ده
    :)
    خليهم قاعدين بلاش الحل الجذري ده واحدة واحدة
    بس تخيل كده .. لو جالنا امر تهجير بكره والبلد تفضي كلها ..الله
    طيب ينفع ساعتها انا اقعد مامشيش ؟؟

     

  • At 7:47 PM, Blogger Fantastic Logos

    مساء الورد يا باشا
    افطار سعيد ان شاء الله
    لا طبعا ما تمشيش
    امال مين الي هيكتبلنا المواضيع الحلوة دي
    :-)
    انا عن نفسي مش همشي
    عشان هعمر معاهم واحاول اصلح
    على قد ما اقدر

     

  • At 7:53 PM, Blogger saso

    lion king
    ميرسي يا احمد
    :)
    حلو يعني انت كمان مش هتمشي
    انا هاخد الوجة البحري علشان الحر
    ابقي تعالي سلم عيا هناك
    :)

     

  • At 8:20 PM, Blogger Fantastic Logos

    ههههههههه
    بس على فكرة انا حافظ الوجه البحري
    حته حته انا عيشت فيه ١١ سنه
    دراستي كانت هناك
    :-)
    يبقى مين الي هيجي يسلم على التاني

     

  • At 9:18 PM, Blogger قلم جاف

    في عدد جريدة الدستور اليوم صورة تغني عن كثير من البيان .. تخص هيئة محو الأمية المزعومة!

     

  • At 10:07 PM, Blogger saso

    lion king
    خلاص خلاص
    يعني هتسيبني في وجه قبلي ماشي
    مش مشكلة هاقعد العب مع التماثيل وممكن التماسيح برضة
    مالكش دعوة بتماسيحي بقي اتفقنا؟

     

  • At 11:06 PM, Blogger Fantastic Logos

    ههههه
    لا انا مقولتش كدة
    بس افهم من كدة انك عاوزا تعرفيني
    انك مبتخفيش من التامسيح
    شكلك كدة ميتخفش عليكي
    بس على فكرة احنا ممكن نعمل حل جميل
    ان نعمل توصيله بين قبلي وبحري
    وبكدة مش هيكون في حد احسن من حد
    وهيكون كل الجو معتدل وجميل
    ومتخفيش مش هاجي جنب تماسيحك
    :-)

     

  • At 11:10 PM, Blogger مـحـمـد مـفـيـد

    بصي يا ستي مفيش حاجه اسمها بوست طويل وبوست قصير في حاجه اسمها بوست هيضيفلك شي وبوست متتلعيش منه غير بضياع الوقت

    والله الناس الممتازه الرائعه دي مهمشه من التكريم فكم من رجال قدموا واعطوا لهذا الوطن الهزيل ولم يلقوا التكريم المناسب وذهبوا بتكريم من هم اشباه النجم او الخرافات التي ابتدعوها

     

  • At 1:41 AM, Blogger saso

    lion king
    :)
    اة طبعا انا متعقده من الكلاب صحيح بس التماسيح مش مشكلة
    هتوصل قبلي وبحري ازاي يعني.. مترو انفاق برضة؟

     

  • At 1:48 AM, Blogger saso

    سـنـدبـاد
    :(
    ايه
    طيب اعمل ايه
    امسح البوست
    انت خليتني اسيب اللي فات.. امسح ده بداله؟
    بص يا سندباد.. بقالي فترة باحوم حوالين الموضوع.. قلت ادخل فيه لقيتها فعلا جت بتريقة علي الجهل الواضح .. له اسم أمية.. طيب وجهل ما بعد التخرج.. هنسمية تأخر وقصور تعليمي

    .
    ..
    طيب.. وجهل ما بعد القراءة والاختلاط
    ده نسمية ايه... نسمية ... ولا بلاش نسمية
    البرمجة والكومبيوتر هاعتبرهم رفاهية مؤقتا.. لحد مانعرف بس
    ليه احنا كده
    كده ازاي؟
    مانا قلت مش هنسميها

     

  • At 2:09 AM, Blogger Fantastic Logos

    مفتكرش مترو الانفاق هيكون فكرة عمليه
    ان عارفا حوادث القطارات اليومين دول بالهبل
    وخصوصا انا بسافر كتير بالقطار فا ربنا يستر
    انما ممكن نفكر في حل عملي اكتر
    مممممممم
    مثلا مواسير كبيرة تنقل الهوا السخن من الجنوب للشمال
    وفي المقابل مواسير تانيه تنقل الهوا الحلو من بحري لقبلي
    ونعملها نزلات زي نزله كوبري سته اكتوبر كدة
    بس نزلات علي المدن والقري الي في الطريق
    بصي الموضوع دا محتاج دراسه ومخمخه
    سبيني افكر
    :-))
    وسلام يا باشا

     

  • At 6:06 AM, Blogger Gid-Do - جدو

    saso

    سامحينى اذا كان تعليقى خارج الموضوع وعزرى الوحيد انى جاى اقولك كل سنة وانت طيبة بمناسبة العيد ـ ارجو من الله ان يكون عيدا سعيدا علينا جميعا ـ تحياتى

     

  • At 12:56 PM, Blogger يا مصر اكتب إليكي رسائلي

    باجي هنا اتمتع واقف في الطابور عشان الاقي كلمة اقولها بعد ما غطيتي الموضوع من جميع النواحي ، ووصلتي لأمنية الإفراج عن ميزانيته ، والنهارده اهو واقف كالتلميذ مستني من الاستاذة انها تسمعني وتلاحظ اني رافع ايدي اقول انا انا انا عارف يا استاذه الجهل دا نسمية ايه ..هوووووووبس ،لالالا ههههههه بس والله بردة والله ما هافدر اقول .. بس انا لما جيت اقرا اخر التعليقات والموضوع وصل لفين لأني من اول تعليق وانا متابع ،،، ضحكت في سري لما لقيتك كاتبه .. ما اناقلت مش ها نسميها .. ربنا يوفقك ويعزك.

     

  • At 4:33 PM, Anonymous Anonymous

    ساسوو
    احب ابشرك ان الموضوع دة بقا كلة منصب نحو الامية
    على راى تيتا لما كانت بتنطقها
    عرفت دلوقتى انها كلمة صحيحة مية فى المية
    المهم بقا يا ساسو
    ان الامية لم تعد امية ورقة وقلم و أ -ب-ت-ث
    لاااء
    اصبحت امية عقول
    وامية مبادىء
    وامية قلوب

    يعنى بالضبط زى عمى القلوب

    من مصلحة الحكومة ان الشعب يظل امى ومتخلف وراجع لورا
    علشان تلاقى معونات للمتخلفين دول
    تعرف تنهب منها على كيفها
    وعلشان تلاقى مشاريع فاشلة لمحو الامية
    تصرف عليها ميزانيات خرافية وهمية
    وعلشان يلاقوا اعلانات ينزلوها فة كل مكان فى مصر
    علشان محو الامية
    وعلشان كل اللى عاوز ينهب حد او ينصب عليه يعرف ينصب بضمير مرتاح وبدون اى مجهود


    جاتنا نيلة
    دة انا فكرت مرة اعمل محو امية
    لقيتنى حأتعدى منهم
    وحاخرج من الصف متأخرة مية سنة لورا
    قال انا اللى حاصرف على الصف كله من جيبى
    والف على كل واحد اجيبه من بيته يحضر الصف
    يختتتتى يا ساسو
    قلت ينحرقوا على بعض
    هم مش خايفين على مصلحتهم
    اخاف انا عليهم؟؟
    ربنا يطلعنا منها على خير

     

  • At 7:03 PM, Blogger saso

    قلم جاف
    مش عارفة حاولت ادخل علي موقع الجريده لقيت الدومان اكسبيرد
    لو ينفع تقوللي كان عن ايه الخبر

     

  • At 7:09 PM, Blogger saso

    محمد مفيد
    طيب يارب البوست ده يكون منهم
    :)
    فتحت موضوع التكريم... الحكايه دي قاصرة علي الممثلين والمخرجين وبس
    طيب بلاش تكرموه.. بلاش تشككوا في منهجة وطريقتة بالسخافة دي
    متهيألي النتايج اللي وصللها لوحده.. وبدون مساعده كافية لاثبات انه انجح من طرق مستورده بنطبقها من سنين ومالهاش فايده

     

  • At 7:57 PM, Blogger saso

    lion king
    لا بلاش قطورات.. مالة مشروع التوك توك
    بيعمل حوادث بنفس الكفاءة ومش بيكلف بنزين

    ربنا معاك في حكاية القطورات دي.. تصور انا عمري ما ركبت قطر
    احسن طبعا
    عاجبني موضوع المواسير الممتده جدا
    وهتبقي حل كويس اوي بما اننا هنتعب في المواصلات فنستخدمها في نقل الاكل
    هابقي ابعتلك قصب سكر كتير
    مانا في وجه قبلي بقي

     

  • At 8:00 PM, Blogger saso

    gid-do
    كل سنة وانت طيب وميرسي جدا جدا جدا جدا جدا
    :)
    سلملي علي ياسمين

     

  • At 8:17 PM, Blogger Fantastic Logos

    :-)

     

  • At 9:33 PM, Blogger Fantastic Logos

    بس على فكرة السفر بالقطار ممتع
    وخصوصا وقت الشروق
    فاتك كتير يا ساسو

     

  • At 10:01 PM, Blogger saso

    lion king
    معلش بقي مانت فاتك ركوب التوك توك
    :)
    ايام موضوع محو الامية ده ركب حاجات مش هتتخيلها
    مكانش بينها القطر وده الغريب

     

  • At 10:21 PM, Blogger Fantastic Logos

    :-)
    طب ايه رأيك بقى انا ركبت التوك توك اكتر
    منك
    :-)

    وركبت البحر وركبت الهوى
    واساسا بركب الهوى
    وركبت المراجيح
    :-)))

    مش فاضلي غير الجمل
    واكون خلصت كل حاجة بتتركب

    شفتي بقى

     

  • At 10:28 PM, Blogger saso

    يا مصر اكتب إليكي رسائلي
    :)
    :) :)
    انا انا كل ده.. ميرسي
    رافع معنوياتي دي تاني مرة احب التعليقات اكتر من البوست زي ما حصل في تمانينات
    بجد بجد ربنا يخليك.. فرحتني اوي

     

  • At 10:36 PM, Blogger Fantastic Logos

    :-)
    طب ايه رأيك بقى انا ركبت التوك توك اكتر
    منك
    :-)

    وركبت البحر وركبت الهوى
    واساسا بركب الهوى
    وركبت المراجيح
    :-)))

    مش فاضلي غير الجمل
    واكون خلصت كل حاجة بتتركب

    شفتي بقى

     

  • At 10:45 PM, Blogger saso

    lion king
    خلاص مش هنتخانق علشان توك توك
    جمل ؟ هاجيبلك واحد في عيد ميلادك بسيطة
    ولو ان الجزء الشرقي تبعك انا واخدة قبلي بس
    مش مشكله استوردلك واحد

    بس مافتكرش ركبت بوكس قبل كده
    :)
    بلاش الافكار دي ده كان عرض لتوصيلنا لاقرب قريه لاقرب مركز يرجعنا القاهرة .. مكانش فية توك توك ايامها
    مفيش داعي اقولك ركبنا فين بالعقل كده صح :)

     

  • At 10:59 PM, Blogger Fantastic Logos

    مرسي يا ساسو انت كلك زوق والله
    ايه دا هتجبيلي جمل
    :-)
    انا قبلت الهديه
    بس هتلفيه ازاي دا
    :))
    بس انا ما ركبتش بوكس قبل كدة
    موش قصدق صندوق يعني
    :))

     

  • At 11:11 PM, Blogger saso

    lion king
    انت تؤمر بس
    لا لف ايه .. مش هالفة هارسم عليه من بره
    بـسـيـطـه

    اةة قصدي صندوق بيركبة قدام عساكر وورا حرامية واحيانا من باب الترفية بيحصل العكس
    انا ركبت ورا ومش عاوزة تلميحات
    :)

     

  • At 12:16 AM, Blogger saso

    شهروزة
    ازيك يا جميلة ..طبعا دي التسمية الصحيحة
    زي ما قال محمد ابو زيد.. الاتجاة نحو الأمية
    طيب والله يا بنتي ده اللي بيحصل
    الجمعيات الاهلية كانت بتتعامل وشايلة الموقف.. من ساعة ماخد الموضوع ختم النسر وهوا باظ
    عارفة الموظفين بيقولوا اية
    الاميين لو خلصوا.. الهيئة هتتحل.. الموظفين هتتوزع.. مرتبات الوزارة وحشة مش زي مجلس الوزرا.. يبقي يارب كل امي يخلفلنا قد تلات اربع اميين صغيرين نلعب بيهم

    وطبعا طبقي المبدأ ده علي كل المستفيدين

    طيب انتي فتحتيه انا معرفتش اصلا
    بس لاجل الحق عند ماما نويل الموضوع اسهل كتير.. بس انا كنت قفلت بقي

    مش عاملة حاجة هاعلم العيال الصغيرة بتوع المدارس ماهم اميين برضة.. رابعة ابتدائي ومش بيعرف يكتب اسمة اعمل فية اية ده

     

  • At 11:52 AM, Blogger ayman_elgendy

    مع فصل جديد من فصول الأنحدار نستمر في الصراخ والعويل عن الجهل والأمية والفقر والمرض والفساد السياسي والأداري والمؤسسي وتلك الدائرة المفرغة التي صارت آلة للتوليد الذاتي للتخلف....العقل...قبل ان نقف لعلاج اي داء اجتماعي في اي بقعة من بقاع الأرض فمن الضروري ان نبحث في أصول عقل تلك الأمة...كيف صرنا نفكر؟؟....حتي وان كان لبعض الموءسسات نية سليمة وليست خداعية في مشاريع محو الأمية.....هل الأمييون علي أستعداد للتعليم؟؟...أم ان هناك أولويات أخري امامهم منهها حصد المال و السفر والعمل من أجل جمع قوت يومه....هنا يصير التعليم رفاهية في ظل غياب أحتياجات أساسية عن حياة الفرد العادي...وتصير غير اساسية احيانا ولكنها تنتشر بفعل المد الأجتماعي خصوصا مع شعوب تعشق الفشخرة بالوراثة مثل انتشار اجهزة الجوال

    البحث في عمق اي قضية اجتماعية مرتبط أشد الأرتباط بطبيعة العلاقة بين الفرد وعقله من جهة واصحاب القرار وعقليتهم من جهة أخري....ومع غياب عقل الأول عن مشكلاته و تعمد أصحاب القرار ترييح عقولهم بدلاً من اجهادها ببعض المشاريع والقرارات التي في ظاهرها أعلامية بحتة ولكن علي ارض الواقع مليئة بالبيروقراطية البغيضة التي تمنع من تنفيذها هذا ان كان هناك نية مخلصة اساساً لتنفيذها

    نستطيع ان نحلل هذا الموضوع في صفحات طويلة نظراً لتشابك المشكلات والعقبات التي تجعل من الرؤية أمراً صعباً للتحديد والتساؤل.....ما هي مشكلة مصر؟؟......ما هي مشكلة النفسية المصرية المثبطة عن النهوض؟؟.....حكام ام محكومين ام كلاهما ام......؟؟

    خالص مودتي

     

  • At 1:17 PM, Blogger قلم جاف

    الصورة كانت ليافطة على أرض فضاء مكتوب عليها مبنى أو فصل لمحو الأمية يتبع الهيئة العامة لمحو الأمية بتمويل من الصندوق الاجتماعي للتنمية على ما أذكر ، لكن اللي أذكره كويس قوي إن الأرض كانت فضاء ، وجنب اليافطة "حمار كبير" بياخد قيلولة الظهيرة!

     

  • At 4:24 PM, Blogger Mody Rap

    ياه
    انت لسه فاكره مواضيع محو الاميه ؟
    انا فاكر اني كنت بشوف الاعلان بتاع محو الاميه في التلفزيون ايام اعدادي .
    بس مجهودات الدولة العظيمه اكيد في طريقها لأزالة الامية .. مهو احنا مشاريعنا علي طول ناجحه زي اعمار الصحرا و الغاز و اخبار مشروع توشكي ايه دلوقت ؟؟
    اكيد ناجح هو كمان
    موضوع زي ده لازم يندرج تحت نظرية - ما علينا - الشهيره اللي بتثبت اهميتها في كل مره يتم تطبيقها و انا بفكر جديا اطرح الموضوع ده اغنيه راب بس ابقو اتوصو بقي بالعيش و الحلاوه عشان مفيش اكل حلو في المعتقل

    ما علينا

     

  • At 4:58 PM, Blogger يا مصر اكتب إليكي رسائلي

    يشرفني ان اتقدم بخالص التهاني وأطيب التمنيات القلبية بمناسبة عيد الفطر المبارك اعادة الله علينا وعليكم وعلى مصرنا الحبيبة بكل خير .. مع خالص تحياتي وكل عام وانتم والأسرة الكريمة في أسعد حال

     

  • At 5:04 PM, Blogger كراكيب نـهـى مـحمود

    نحو الأمية في اتجاه رايح جاي مصر اسكندرية الصحراوي مفيش فايدة يا بلد

     

  • At 8:40 PM, Anonymous Anonymous

    انا حاولت اقترح علي واحد مابيعرفش يكتب ويقري انه يتعلم عارفه رده كان ايه هو بعد ماشاب ودوه الكتاب ورفض الفكرة من اساسها

     

  • At 12:55 PM, Blogger sherefins

    اولا انا عارف المعلومات دي كلها جايها منين ويا خوفي من ان اللي انت جايبه منه المعلومات دي يبهت عليكي هتكون مشكله وعلي العموم احنا في مصر هنا لسه بنحارب اميه القرايه والكتايه و شوفي لسه كام سنه قدمنا علي ما نقضي عليها وبعد كده نبداء ندور علي ازاي نمحي اميه المتعلم الجاهل اللي بيتعلم عشان الامتحان وبعد المتحان تساليه في اي سؤال يرد عليكي الرد المتعارف عليه (يفتحه فمه ويبرقلك ويقوله هاهاها مش عارف وهو بيهزدماغه)
    وربنا يجعله عامر علي راي الاخبار

     

  • At 4:53 PM, Blogger saso

    ayman
    ده كان المقصود
    الجهل اسوأ ضلع فيهم .. وان كنت لا اري الحل في محو امية الكبار كفروع واوراق بينما الوريقات النابتة تتجة للجهل سواء الصريح او المقنع تحت قناع التعليم المجاني
    نعود لنقطة الدافع.. كيف نوجد دافع للدارس وان عدنا لفكرة الاجبار والقسر التي اشارت اليها توتة.. كيف نضمن حينها عدم التحايل
    اوافقك كلية علي النصف الثاني من التعليق ان لم اجد ردا لتلك التساؤلات ولا قدرة علي الرد عليها
    تحياتي

     

  • At 5:01 PM, Blogger saso

    قـلـم جـاف
    :))
    عندك حق صورة معبرة عن الحال.. المهم ميحاولوش يمحو اميتة هوا نفسه

    اشكرك جدا جدا علي ردك

     

  • At 5:08 PM, Blogger saso

    mody rap
    وانا كنت باتفرج عليه في ابتدائي التيتر يعني
    :)
    اعمار الصحرا عديها .. بس ماله الغاز ماهو واصل لحد الاردن وولاد عمنا الكتاكيت.. مع انه مش داخل في وسط البلد
    انت ناسي في حرب لبنان كانت عندنا النية لقطع انابيب الغاز عن اسرائيل.. النية بس
    ما علينا.. توشكي اتباع اللي عرفنا نبيعة والباقي خلية اكيد هيبقالة لازمة يعني عادي

    ما علينا دي اكثر النظريات تطبيقا واكثرها اختصارا صح؟
    لو عملت اغنية قوللي
    عــيــب حلاوة ايه بس احنا في رمضان هجيبلك بلح ماتقلقش.. بس متبقاش تجيب سيرتي خاااالص
    مبحبش البلح
    :)

     

  • At 5:10 PM, Blogger saso

    يا مصر اكتب اليكي رسائلي
    دايما انت كده بتسبق بالتحية والتهنئة
    مع اني كنت ناوية اسبق انا في العيد
    :)
    كل سنة وانت طيب

     

  • At 6:21 PM, Blogger Tamer Nabil Moussa

    فعلاا التعليم الطريق الى التقدم لاغنى عنة بس الاول نعمل محو امية للمتعلمين

    ثم ندور على الباقى

    لان التعليم الان فى مصر لعب عيال

    تحياتى

     

  • At 6:36 PM, Blogger saso

    كراكيب
    لا بس كده يا جميلة في فايدة اكيد
    بس هيا البدايات دايما كده صعب

     

  • At 6:55 PM, Blogger saso

    Anonymous
    فكرتني بمنطق احبطني بجد
    واحد وانا باعرض عليه الموضوع قاللي ايه بقي
    اتعلم لية علشان اشتغل ؟ طيب مانا باشتغل
    علشان اتجوز واربي ولادي.. متجوز وعيالي في المدارس
    انتخب.. اسمي في الكشف وقايمين بالواجب بدالي
    يبقي اتعلم لــيــيــيــيــيه

     

  • At 7:02 PM, Blogger saso

    sherefins
    ولو اني مش عارفة هوا مين بس حاضر مش هاخليه يبهت عليا
    هاخد بالي الغسلة اللي جاية

    وبعدين بقي هوا انا مكشوفه اوي كده
    كنت عاوزه اخدها واحده واحده.. عن الجهل المطلق وجهل المتعلمين والمجانية المفترضة
    جهل المتعليمن اسوأ ومحبط أكتر من غير تعليم جاهل وبيه جاهل برضة؟
    وسلم لي.. علي راي نفس الجورنال
    :)

     

  • At 9:32 PM, Anonymous Anonymous

    كل سنه وانت طيبه على فكره انتى معزومه على عيد ميلادى

     

  • At 9:52 PM, Blogger saso

    tamer
    ايــوه
    محو امية المتعلمين اهم وتعليم الصغيرين بجد مش تلقين
    وبعدين نفكر في الكبار

    تحياتي:)

     

  • At 9:53 PM, Blogger saso

    واحد من الناس
    تصدق لسه بادور علي اللينك بتاعك
    كل سنة وانت طيب
    :)
    انا جايه حالا

     

  • At 10:04 PM, Blogger moro

    انا عارفة انى فانتى كتيرة أوى .....
    بس انتى عارفة حتى الان فى اميين كتيرة أوى فى القرى و الاماكن النائية عن العواصم ، البلاد بتقددم و إحنا لسى عندنا امية.
    الاهم من كده الجهل البنات و الشباب بيخلصوا 17 سنة خدمة فى ثانوية و الكلية و يخرجوا ذى البطيخة بجد يا جماعة عايزين نطور فى تعاليمناو أساليبنا مش كلو دح و العيال يطلعوا يا مواليا كما خلقتنى.
    أنتى عارفة فى الصين الطفل اللى عنده 10 سنين بيعمل فوانيس أطفالنا بتلعب بيها لية أطفالنا ما تعملهاش و بعد كده تلعب بيهم عيبنا كل سايح على بعضوا.

    كل سنة و أنتى طيبة و عيد سعيد 24/10 مش بيفكرك بحاجة غير أنو عيد

     

  • At 10:09 PM, Blogger moro

    اه صح العنوان تحفة

    قلم على شان نكتب بى

    ورقة نكتب عليها

    مراية على شان نرى أنفسنا يا ترى إحنا راضين على اللى إحنا فى !

     

  • At 11:35 PM, Blogger ody911

    واللهى يا ساسو
    أنا مش عارف أقول إيه
    بس هوة دة حال البلد دى
    وعادى بقة
    أودى

     

  • At 1:15 AM, Blogger saso

    loca
    24/10
    ؟؟؟
    ولا بيفكرني بحاجة
    :)) ياااي عليكي بقيتي مادية
    بس ايه الروعة دي..برضة رجعنا لنفس النقطه أميه الجاهل وجهل المتعلم
    بلاش موضوع الصين انا بقيت باعاملهم بعداء من غير سبب بس متغاظة منهم
    شفتي الاهرام النهارده ؟ منزلين كحك العيد
    بجد حاجة تغيظ

    تصوري كنت بافكر في موضوع المرايا ده..برافو عليكي
    بس برضة مش فاكرة 24/10 ده خاااااالص

     

  • At 1:17 AM, Blogger saso

    ody911
    علي رايك يا أودي
    له في خلقة شئون

     

  • At 11:41 AM, Blogger MAKSOFA

    كل سنه
    وانت طيبه
    ياقطه

     

  • At 11:53 AM, Blogger بين الأمل و اليأس

    بجد موضوع حله هو عندنا قبل مايكون عند المسؤولين نطول ماحنا ماشيين ورا الهموم والمشاكل مش هايكون عندنا فرصة للتعليم، وكمان حتى المسؤولين كل واحد يقول اهم جهله مش عارفين حاجه وتلاقيهم بيعلموا اي حاجه في اي حاجه والاواحد من دول تلاقيه طالع فرحان بقه يعرف يكتب اسمه وهو ولا عارف يفك الخط ولا بتاع ربنا يرحمنا ويساعدنا في حل مشكلة الأميه ،بس خدي بالك احنا في شعب اللي لو واجهته مشكله يحب يعملها زي الشمعه تاخد وقتها وتنطفي ولا حد عرف راحت فين ولا نتيجتها ايه

     

  • At 12:12 PM, Blogger abderrahman

    فيه حاجة اسمها الوظائف المحجوزة.. دي بتحجزها الحكومة لمتحدي الإعاقة .
    وكمان لضباط الجيش والشرطة عشان ميتلموش على بعض ويبتدوا يعملوا قلق.
    وكل ده بييجي في المشروعات دي
    ..
    المهم إنك كتبتي عن تجربة جميلة ومعلومات جديدة عليا .
    وأعتقد إنه مادام الجامعة نفسها مجرد شهادة وروتين، يبقى فيه مشكلة في البلد نفسها وفي أفكار الناس لازم تتغير الأول .
    بس دي مهمة مين ..؟
    الله أعلم .

     

  • At 1:23 PM, Blogger عازفة الكمان

    هي دي الجكومه المصريه ..... اجدع ناس وكل سنه وانت طيبه

     

  • At 1:31 PM, Anonymous Anonymous

    انا جاي اقول
    كل ثنه وانتي طيبه

    معلش اصلي لسه في فصول محو الامية
    نيهاهاهاها

     

  • At 1:50 PM, Blogger Fantastic Logos

    ربنا يخليكي يا قطة
    بس ازاي هترمسي على الجمل
    دا هتعملي للجمل تاتو
    :) :) :)

    كل سنه وانت طيبه
    وعيد سعيد عليكي ان شاء الله
    وربنا يتقبل منك رمضان
    وماتنسيش ذكاة الفطر
    ;)
    يلا سلام

     

  • At 2:20 PM, Blogger كلبوزة لكن سمباتيك

    اللهم ان لي احبة قد قصرت بحقهم و انشغلت عن وصلهم فعطر ايامهم بالايمان و تقبل منهم و منا صالح الاعمال ..امين يا رب العالمين و كل عيد و انتم من السعداء المغفور لهم
    تحياتي

     

  • At 5:08 PM, Blogger الأميره أوسه

    قطتى الحلوه ساسو
    كل سنه وأنتى طيبه
    نونونونو
    ممكن أدخل فصل نــحو الأميه
    أنا نسيت اللى درسته خلاص
    أبجد هاووز حطوا كالمون

     

  • At 6:16 PM, Blogger Gid-Do - جدو

    saso
    عرضتى مشكلة تؤرقنى دائما ـ كنت وما زالت اسال نفسى كيف نتقدم واكثر من ربع السكان يجهل القراءة والكتابة

    اتذكر الاستاذ الرائع عبد البديع قمحاوى وبرنامجة الذى كان مقررا علىّ حينما كنت اعمل طبيب فى قرى محافظة اسوان فقد كانت موجات اذاعة الشعب تنضم الى اذاعة البرنامج العام واجدنى استمع الى برنامج محو الامية غصب عنى ـ وبعد فترة اعجبت به واصبحت انتظرة من اعجابى بالاستاذ قمحاوى ـ

    بعد غزوة بدر طلب رسول الله صلى الله علية وسلم ممن يريد فك اسرة من اسرى قريش وكان يعرف القراءة والكتابة ان يعلم عشرة من المسلمين وتصبح هذة فديتة

    فلماذا لايكون عمل مثل هذا بديلا للتجنيد بالنسبة للذكورـ كل من يمحو امية عشرة ذكور يحصل على شهادة اداء الخدمة العسكرية ـ وكل من تمحو امية عشر اناث تحصل على شهادة باداء الخدمة العامة ويكون العائد المادى هو نفس مرتب المجند ـ اليس هذا اجدى من تسكع الخرجين ـ تحياتى واشكر عرضك للموضوع

     

  • At 8:54 PM, Blogger saso

    maksofa
    وانتي طيبة يا احلي مكسوفة

     

  • At 9:12 PM, Blogger saso

    بين الامل واليأس
    يمكن انت صح.. الحاجات عندنا ياما نار وكلنا لازم نتعاون وحالة طوارئ.. يا اما بال طويل واللي مايتعملش النهاردة يتعمل بكره

    الجزء التاني فاهمة تعليم القشور الأسوأ من الجهل نفسة الاكتفاء بالتعريفات والسطور المحفوظة ومبادئ كل علم من غير تعمق

    وده اللي كنت عاوزة اكتبه لقيت الحكاية قلبت لكده

     

  • At 1:54 AM, Blogger saso

    Abdou Basha
    طيب خلينا في الاعاقة.. دي نسبتها 5%من مجموع العاملين في اي هيئة حكومية او شركة انتاج
    حلو النسبة دي مش بتتحقق..وان اتحققت بيدوهم المرتب الاساسي وبس وطبعا الحل السحري قانون حاجة العمل لا تسمح

    ماعلينا
    الوظائف لمتقاعدي الجيش.. بتبقي من خلال طلب وظيفة من شئون الضباط يعني مش تكليف بس هما مصرين يكملوا شغل للنهاية
    بابا مش قاعد جنبي فباكتب براحتي
    :)
    مش عارفة مهمة مين بس والله حاولت واتعقدت.. احاول تاني؟

     

  • At 4:12 AM, Blogger أحمــــــــدبــــــــــلال

    ما كفاية محو أمية بقى البوست نازل عليه أكتر من ميت تعليق اللهم لا حسد

    بس على العموم


    عيـــــــــــــد
    سعيـــــــــــــــــد

     

  • At 9:02 PM, Blogger قلم جاف

    This comment has been removed by a blog administrator.

     

  • At 9:06 PM, Blogger قلم جاف

    أضم صوتي لصوت بلال ، مبروك عليكي المئوية وكل عام أنتِ والجميع بخير..

    أتفق مع جدو في حكاية إن الفتيات يقمن بمحو أمية الفتيات كبديل للخدمة العامة ، أما حكاية إن الشبان يمحوا أمية مكان الجيش ، دي حترجعنا لقصة البدلية..

    زمااااان .. قوي..قبل الثورة حسب معلوماتي المتواضعة جداً.. كان حفظ القرآن الكريم كاملاً يعفي من التجنيد.. دة شجع ناس كتيرة على حفظ القرآن لا تدبراً لمعانيه لكن هرباً من شظف الجندية في ذلك الوقت!

    يا خوفي لمحو الأمية بالطريقة دي يقلب بدلية جديدة!

     

  • At 10:10 PM, Blogger saso

    rasha
    اجدع ناس طبعا يا رشا
    انا اقدر اقول حاجة تاني؟
    :)
    وانتي طيبة يا جميلة

     

  • At 10:17 PM, Blogger saso

    shoowbash
    كل ثنة وانت طيب برضه
    اخرج من الفصل حالا قبل باقي الحروف ماتبوظ

     

  • At 10:21 PM, Blogger saso

    lion king
    وانت طيب يا جميل
    لا مش هانسي ان شاء الله
    :)
    من اخر اسبوع في رمضان وانا عمالة اقول زكاة الفطر زكاة الفطر

     

  • At 10:26 PM, Blogger saso

    سمباتيك
    كل سنة وانتي طيبة يا جميلة

     

  • At 10:33 PM, Blogger saso

    Aoossa
    مياووو
    لا مش ممكن .. أمال مين اللي هيعلم الناس ده انا معتمده عليكي
    طيب اقولك من تسعة لانتناشر محو.. ومن اتناشر لتلاتة بري

    كل سنة وانتي طيبة يا احلي بنوتة

     

  • At 1:16 AM, Blogger saso

    Gid-Do - جدو
    للاسف يمكن اكتر من الربع ..ده غير المتعلم غير المتعلم
    :)
    تسجيلات أ/ قمحاوي سمعتها متسجلة غلط يمكن من برنامجه عندنا وسط حاجات قديمة

    نعم الاستشهاد .. قلم جاف رد علي فكرة الاستبدال .. بالنسبة للفتيات فمعمول بالفكره.. لكن لنكن واقعيين الجيش إجباري لكن الخدمة العامه اختيار لمن يرغب في العمل في الوظائف الحكومية وبما ان مفيش وظائف حكومية فمفيش خدمة عامة
    بس في فصول محو امية وتعليم ذوي الاحتياجات الخاصة ورعاية مسنين.. في الخدمة العامه
    وفي في الجيش زي ماذكر جبلاوي.. بس معرفش اختيار ولا بناء علي ايه

    بجد لو مفيش اتهام دائم بعدم الجدية او عدم الصلاحية او إقتناع بعدم الجدوي ومقابل مادي احسن قليلا هيختلف الوضع
    اشكرك جدا .. ردك فعلا اسعدني
    تحياتي

     

  • At 1:36 AM, Blogger saso

    احمد بلال
    زهقت منه ؟ والله وانا
    تؤ تؤ تؤ
    ليه كده بقي .. ميه وحداشر من فضلك
    :)
    كل سنة وانت طيب يا احمد

     

  • At 3:04 AM, Blogger saso

    قلم جاف
    تضم صوتك لبلال زهق من البوست ؟
    بقالة 8 ايام بحالهم طول قوي
    :)
    ميرسي كفايه انه فيه منك 4 تعليقات ده مفرحني اوي
    كل سنة وانت طيب

    كخدمة عامة اوافق طبعا لـيـيـيـه
    لانها مش اجبار اللي عاوز يشتغل في الحكومة يستحمل
    اتفق في جزء الجندية معك.. بس ماتقلقش دي زيها زي الخدمة في نادي الجلاء وباقي النوادي.. بالحجز علشان اخف من التجنيد الحقيقي
    يعني واسطة يعني محجوزه

     

  • At 10:54 AM, Anonymous Anonymous

    I think this is one of the most important information for me. And i am glad reading your article. But should remark on few general things, The website style is perfect, the articles is really nice

     
Post a Comment ~ back home
Cheer Up It's Spring Time is dedicated and designed by ferekico Special thanks and real appreciation for ferekico