Saturday, September 09, 2006,9:56 PM
آخر ايام الصيفية.. وهلاوس
.
اهلا بسبتمبر وبداية الخريف اللي ملهوش اي معني في مصر لاننا يا صيف يا شتا .. يا ابيض يا اسود، انا كائن صيفي مش لان الصيف رائع بس لان غياب الشمس بيضايقني، غير ارتباط سبتمبر بالدراسة لما كنا طلبة ... جديدة لما كنا دي ، دة انا بقيت موظفة بجد!! ، مع ان سبتمبر نفسة مش برد بس بيفكرني ان في شتا جاي ، شتا عديم الشمس او باردها وانا من الناس اللي تصحي من النوم تلقاها مغيمة تنام تاني.. اخر ايام الصيفية بقي وهابدا البيات الشتوي
.
هيغيروا التوقيت الصيفي بدري علشان رمضان !! هو التوقيت دة متخلف اساسا بس الفايدة الوحيدة لة عندي اني باحتفظ بالشمس لحد الساعة 8 ،، السنة اللي جاية هتبقي كدة واللي بعديها واللي بعديه ،، نفكر نلغية بقي لا عـيـيـيـيـيـيـيب خليها لاخر لحظة
.
بما اني بحب امشي علي سطر واسيب سطر فمعبرتش حادثة القطر اللي فاتت ونكمل القطر اللي جاي مش هتأخر
هـيـيـيـيــيـة رمضان قرب يعني هناكل سوا وهروّح بدري من الشغل وهامسك اعصابي لما ماما تتفرج علي المسلسلات اهو ارحم من ساعة الكوكو اللي اسمها مني الشاذلي والاخ بتاع الاعشاب اللي ملا لنا البيت ورق شجر
امبارح ماما كانت بتسمع الجيران التليفزيون طوال ساعتين فسمعت كل البرامج علي دريم واكتشفت ان العصفورة البريئة نايمة ولا كأن في ناس بتصوت جنبها ،، المهم طلعت السادات كان بيصوت زي العادة والولد بتاع بني مزار طلع براءة !! يا سلاااام في حد عندنا بيتاخد امن دولة ويطلع براءة .. ما علينا احتمال يكون دة تليفزيون الهند مش قنوات مصرية
.
بقي عندي قط جديد ابيض دة خبر لوحدة
.
التهاب الاذن الوسطي دة مسلي جدا امبارح قاعدة لوحدي وماسكة ورقة وقلم ومركزة جدا واصوات ودوشة حواليا، .رفعت راسي وزعقت لناس وهمية بطلوا دوشة مش عارفة اركز.. ومفيش في البيت غيري انا والقط اللي اتاكد اني مجنونة وبقي بيتفاداني طول اليوم
.
هينقلوا الوزارات من التحرير والقصر العيني مش عارفة افرح ولا ازعل، حفاظ علي التراث المعماري والشكل العام - التعبيرين دول بييجوا ورا بعض دايما - وبهدلة للناس
.
بعد خمس ايام بالظبط هنتم سنة في الشغل يا شيري ، بنت يا شيري احنا مش زمايل شغل و8 ساعات يعدوا بالعافية هما بيعدوا بالعافية اة - بس انا بحبكم بجد وبقيتوا صحابي بجد
بنت يا مورو احنا بقالنا نفس السنة وشهرين زيادة - مرحلة ما قبل السلعوة - صحيح كانوا شهرين يجننوا وكنا مبسوطين هناك بس احنا اتصاحبنا بجد هنا،، من المنظور دة مرحلة السلعوة مش سيئة قوي كدة
.
 
Posted by saso | Permalink |


39 Comments:


  • At 1:23 AM, Blogger Mamdouh Dorrah

    الحمد لله انا لحقت اكون اول واحد يعدي هنا

    الصيف حلو كتير بس الشتا في اليكس روعة... كوباية نسكافيه و لسعة برد و شوية مطرة بيخبطوا علي الشباك الفجرية... اية رأيك؟

     

  • At 1:33 AM, Blogger saso

    هـيـيـيـيـية ممدوح اول حد يقوللي كومينت :)
    اليكس شتا اةة صيف لا.. نسيت حاجة اغنية لفيروز
    صح ؟

     

  • At 1:39 AM, Blogger Mamdouh Dorrah

    فيروز هي الخلفية اللي حاصل عليها كل ده

     

  • At 3:24 AM, Blogger مفلس افندى الرايق

    اخر ايام الصيف

    وهنستقبل الخريف

    ولازم بقى يا
    saso

    نعمل جو لطيف

    تيجوا نعمل رحله

    ل دنيا التخاريف



    مبروك على القط نو نو

    وشيكولاته جيرسى واكله الجو


    بم ان شغلك هيبتدى قريب هو انتى تربيه وتعليم بقى ؟؟؟ يعنى كادر خاص هههههههههه

     

  • At 10:45 AM, Blogger saso

    cortex

    اةة بس مش شط اسكندرية

    مفلس افندي

    انت مشكلة مبتعديش كلمة غير لما تعملها كدة :)
    بعد الشر تربية وتعليم اية بس احنا هنتم سنة كاملة في الشركة يعني ابتدي يطلع لنا سنان.. نونو بيقوللك ميرسي

     

  • At 10:53 AM, Blogger abderrahman

    على فكرة أنا بكره الفترة دي..
    يمكن عشان كانت بتفكرني بالمدارس.. كرهت الجوافة والبلح الرملي.. وريحة الورق المحروق اللي بيحرقوه في المدارس عشان النضافة يعني .
    :(
    **
    مبروك على القط الجديد
    هو شبه اللي في البروفايل ..؟
    :)

     

  • At 10:55 AM, Blogger saso

    beholder
    كورتكس بقي قاهري تقريبا استني علية حبة وهيستوطن هنا.. السلعوة بتسلم عليك واحتمال تسيب المقطم وتيجي اسكندرية تغير جو

     

  • At 11:10 AM, Blogger saso

    abdou basha
    اة وبداية حقبة البرتقال اللي بيبرد اصلا بس مفيش غيرة
    ريحة الجو بعد المطر،، تراب مبلول اية اللي حلو فية عمري ماحسيت بشاعرية الشتا اللي مزهقنني بيها،، فايدتة الوحيدة ان الواحد بياخد مساحة اكبر من الفراغ علشان الهدوم التقيلة
    :)
    لا يا عبدة انا المتشرد اللي ع البروفايل دة،، القط الجديد ملاك مهما كنت مستعجل يبصلك تقعد جنبة وتحطة علي رجلك وتحاوطة بكفك يتغطي كلة
    امبارح نمت علي الارض جنبة من غير ماحس

     

  • At 2:42 PM, Blogger MAKSOFA

    الصيف حلو لكن الشتا اجمل لأن برده بيحسسنا اننا محتاجين لدفء الحبايب

     

  • At 5:54 PM, Blogger Mamdouh Dorrah

    sasoo
    اية بقي حكاية السلعوة اللي هتيجي اسكندرية دي؟؟ كله الا كده... ده انا بخاف م الكلب..تتطلعلي سلعوة

    و بعدين انا ممكن اغني شط اسكندرية و انا واقف ع النيل في القاهرة بس و انا علي شط اسكندرية هاغني يا ريت انت و انا بالبيت.. اية رأيك؟؟؟

     

  • At 6:49 PM, Blogger قلم جاف

    1-افتكرت الأغنية دي مرة واحدة ، لما كنت من سنتين أو تلاتة باتمشى على شاطئ البحر في بورسعيد آخر أسبوع قبل الدراسة .. البحر كان فاضي طحن وما كانش فيه إلا اكشاك صغيرة فاتحة ومشغلة شوية أغاني من عينة أغنية كريم أبو زيد "ما كنتش أتصور" .. الصراحة مزيكتها حلوة!

    2-في الأوربت استضاف عمرو أديب مرة طلعت السادات ، معندكمش فكرة ضحكت ضحك هستيري .. الراجل دة يا جماعة مالهوش حل .. بيطلع كلام عادي زي اللي بنقوله بس بطريقة الواحد مبيقدرش يسيطر فيها على نفسه من الضحك .. في اليوم التالي الناس شكرت عمرو أديب وطالبته باستضافة طلعت السادات ما إن سنحت الفرصة لإننا محتاجين أوي أوي لضيوف زي دول!

    حقيقي طلعت السادات حيخلي مجلس الشعب مسلي جداً ، وأهو يعوضنا غياب البدري فرغلي قائد معركة تمثال الملك فؤاد في بورفؤاد!

    3-أنا مش شايف حاجة غلط في التوقيت الصيفي ، كفاية إن المغرب بيدن في يونية الساعة 8..

     

  • At 9:07 PM, Blogger saso

    maksofa
    يا جميلة الدفا احتياج يعني صيف و شتا :)

    cortex
    وانت زعلان لية دلوقتي مش النيل يعرفك هنا،، ركز مع كايرو وسيبني انظم المرور لما تبقي تروح علي اليكس هنسلمهالك علي البوابات

     

  • At 10:30 PM, Blogger saso

    قلم جاف
    اخر اسبوع قبل الدراسة ، الاسبوع اللي بتفتكر فية 142157 حاجة لسة معملتهاش :)اغنية كريم لحنها احمد مخلوف
    اللي عامل مش من حقك بتاعة السخيف حاتم فهمي واغنية بريئة كدة اسمها قلبي بيحلم

    في نفس الحلقة طلعت السادات ساب الموضوع بتاع الولد وفضل يتكلم عن موقف لية مع الامن وبيقول للمذيعة لو تحبي تشوفي التعويرة اللي ف رجلي منهم،، وفين لما ركز ورجع لموضوع المتهم كان عدي اكتر من 10 دقايق بيتكلم عن التعويرة

    التوقيت الصيفي زي ماقلت فايدتة الوحيدة اني باحتفظ بالشمس لحد الساعة 8 لكن موضوع توفير الطاقة والحاجات دي بتموتني من الضحك

     

  • At 10:32 PM, Blogger moorgen

    صافى
    انا عارفة انى جيت متأخر انت عارفه المواصلات فى الشركه بقت صعبه ومن مكتبى لمكتبك مشوار

    ثم ايه المواضيع الكتير اللى داخلة فى بعض وايه موضوع القط اللى غير سوده

    بصى هى عدت سنه مع بعض فى الشركة والله وانتى عارفة ان احلى حاجة اننا مع بعض
    وسيبك من اللى انا نفسى احقق حلمى فيه وان شاء الله حاققه يا صافى
    ثم اه افرحى يا صافى الحكومه راعت ظروفنا وهاتقدم توقيت الساعةاسبوع

    عقبال ما مسترك يراعى ظروفنا
    عارفه شكلى كدا جبت آخرى معاه وانتى عارفانى يا بطاطس

    يلا بقى كفايه كدا عشان السيرة دى بتعصبى وانتى عارفة انتوا اللى مصبرنى
    اااااااااااااف
    بس والله بحبكو

     

  • At 10:55 PM, Blogger sherefins

    يا ساسو انا مش هاقولك خير حاجه واحده فيه اغنيه لفيروز مش بتفرق فيها بين الصيف والشتاء ايد انت عارفها

     

  • At 12:23 AM, Blogger محمد أبو الفتوح

    هيييييييه
    مش عارف على إيه
    بس هييييييييه
    :)
    على فكره أنا بقى بموت فى الجو المغيم و لما بصحى على شمس غايبه و ريحة مطر فى الجو مطّر أو لسه هيمطّر بيبقى مزاجى أعلى من السحاب شوفتى حد كده قبل كده
    لأ طبعا فههههههههههيه
    أنا مش عارف إنتى جايبه الأسلوب الساحر ده فى الكتابه منين
    أنا كأنى فى رمضان فعلا فكرتينى بكل الحاجات الحلوه
    فههههههيه
    آه أنتى جبتى قطه و أنا عملت حوض سمك و عندى تلاتين سمكه
    هييييييييه
    بعد موقف الأذن الوسطى ممكن ترتبى ليه مقابله مع القطه عايز أعرف وجهة نظرها إيه أكيد هتقولى هييييييه
    بجد بجد بقى أنا فرحان بصداقتكوا يمكن أكتر منكوا
    و أحلى سلاااااااااااام
    هي عليكى واحد :)

     

  • At 12:31 AM, Blogger هيثم محفوظ

    أولا أجمل فصل فى مصر هو الخريف و يمكن بقى له سنتين بيجى متأخر بس لما بيجى بيبقى بجد هو الربيع
    أنا زيك فى موضوع حب الصيف
    بجد ليل الشتا الطويل حاجه خنقه جدا
    تنام الضهر و الدنيا نور يدوب هيه ساعه و تقومى تلاقيها ضلمت
    إنتى عندك إلتهاب فى الأذن الوسطى و بتسمعى ناس و أنا نظرى ضعيف و أوقات بشوف أشباح و بعدين سطر إيه اللى بتسيبيه و تمشى على التانى يا أستاذه
    حصلت حادثة قطر من كام يوم فى نفس مكان الحادثه الأولانيه و قبلها وابور ولع بي الحمد لله ده لحقوه
    ع العموم زى مانتى عارفه (مصر بخير) و (شعب مصر بخير) و (حزبيا الله و نعم الوكيل)
    بالمناسبه سلمي لى على شريين مادام بتشوفيها
    أه صحيح رمضان قرب!!
    كل سنه و أنتى على خيرت الله
    باى باى يا شموسه

     

  • At 10:56 AM, Blogger saso

    moorgen
    شـيـري مش احنا اتفقنا ندخل مشروع التوك توك،، هازورك متقلقيش ولو ان العنبر بتاعكم بقي كئيب
    وانا من امتي بتكلم في حاجة واحدة مانتي عارفةالموزاييك، دة القط الابيض اللي محمود سماة مودي هبقي احكيلك يقرب اية لباقي القطط علشان الحاجات دي بتطوّل
    بنت انتي لسة بتحلمي بالحلم اياة ؟ خدي بالك من الحلوة علشان دي شرسة وانا عارفاها
    عارفاكي يا عاقلة، يا نفضل سوا يانمشي سوا انتي بس اديني خبر وانتي عارفة انا مبصدق

    sherefins
    اكيد انا
    عارفاها يا جميل :)

     

  • At 11:12 AM, Blogger saso

    مـحـمـد ابـو الـفـتـوح
    هـيــيــيــية دة السلوجان بتاعي :) البلوجز دي موصلة علي بعضها ولا اية

    بتموت في الجو المغيم طيب استمتع بقي قصادك لحد مارس ،، ميرسي ياجميل بس عاوزة اقولك حاجة
    قطتي بتسلم عليك وبتقولك انها جعانة تبرع ولو بسمكة
    سودة - القط بتاعي - بقي مش طايقني الصبح بقوللة هاي بص حوالية وبعدين سابني ومشي !!! الولد اتعقد
    اةة انت عارف البلوج دة لما عملتة فضلت معلقاة لحد الربيع
    وانا فرحانة بيهم اوي :) واضح ان انت كدة مع هيثم صح؟ والعيال جنبي اهم بيقولولك ميرسي

     

  • At 11:29 AM, Blogger saso

    هـيـثـم
    الخريف دة كام يوم مبخدش بالي منة ويخلص وتلقي الشتا مستعجل والضلمة من الساعة 5 لحد تسعة الصبح
    فاكرة ايام الامتحانات كنت بنام الساعة7 علشان اشوف الشمس لاني هاصحي القاها روّحت ويبقي شهر الامتحانات كلة ليل ؟؟؟

    حلو اوي يعني انا واخدة العفاريت
    AVIاوديو وانت واخدها
    كل قطر وانت طيب شيري انطلقت ،،راحت العنبر بتاعها وبتعمللك كومينت اصلها تحب المزيكا الحزينة زي عينيها

     

  • At 2:34 PM, Blogger مفلس افندى الرايق

    اسمك لمحته مره ف تعليق

    صافى ده اسم رقيق

    وشيرين كاتبلك سورى

    اتاخرت ف الطريق

    سلام خاص للقط

    اصل بينى وبينه لغه ماتفهاميهاش

    اصلى طبيب بيطرى

    وفاهمه من النظره وحتى م الاحساس

    لو عوزتى اى خدمه

    او داده لقطه

    اجيلك جرى ياختى

    وكله ببلاش


    ههههههههه سلام مربع

     

  • At 4:00 PM, Anonymous Anonymous

    مبروووووك القط الجديد
    دة الخبر اللى يستاهل بجد..مش تقوليلى مجمع تحرير وفطر وبطيخ اقرع؟؟

    انتى بتشتغلى انتى كمان؟؟
    يبقا الحقد الاجتماعى من الحنفيات حيزيد على ودنه علينا
    كل واحدة يتدون يلاقوها بتشتغل
    --------
    عاوزين نتبخر
    اموووة حبيبتشى

     

  • At 4:16 PM, Blogger saso

    مفلس افندي

    في وسط الشغل قريتها صوتي علي وانا باضحك
    انت مشكلة :):) عارف انت لو دكتور بيطري بجد هتلقاني جاية ازورك بكرة ومعايا قطط 11 أخ وأخت ،فرصة بقي مادام مجانا

    red ghost
    علشان ماغلسش - اصلي مبصدق ازعل- هاعمل نفسي مشفتش السطر الأخير !!! ماشي؟

    موضوع الفضائيين دة عادي كتير بقولها مش بقوللكم البلوجات دي موصلة علي بعضها.. ما علينا
    شفت ربنا عاوز تلغي البلوج بتاعي اهو البلوج بتاعك مش راضي يفتح،، اللي ييجي ع القطط مش بيكسب

    شهرزاد
    يا بنتي بلاش سيرة البخور في الشركة دي دة العفاريت طفشت من ريحة البخور
    قاعدين في الحضرة طول النهار
    هبعتلك حبة بخور وعفريتين مجانا

     

  • At 4:58 PM, Blogger مفلس افندى الرايق

    اه ياختى للاسف بجد انا دكتور بيطرى اعمل ايه ف التنسيق يلا نصيب

    مكتب التنسيق ودانى على بيطرى

    قولت يا لاهوى ياخويا شيلت الهم بدرى

    بدل ماتروح الجامعه تقف مع القمارات

    هتقف ف شكشن زحمه وكله حيوانات

    ماتفكرنيش بحاول انسى

    وبقيت طبيب بيطرى وكل شئ قسمه

     

  • At 5:23 PM, Blogger saso

    مفلس افندي
    دة كدة احسن علي الاقل الحيوانات مش هتدعي عليك لما توجعها ولا هترفع عليك قضية لما تغلط في التشخيص
    اساسا القطط اللي عالجتها من 14125مرض كانوا بياخدوا نفس الاقراص البني الكئيبة دي
    هوا مفيش الوان تانية ؟
    ابقي تعالي صيف عندنا في تجارة ولو اني مكنتش بروحها كتير بس فاكراها طشاش كانت كويسة
    زي ماتفقنا بقي هتعالجهم مجانا

     

  • At 5:38 PM, Blogger مفلس افندى الرايق

    مجانا وعلى اتفقنا انتى حددى المكان والزمان يا معلمه وانا هاجيلك على حماره عرجه فى اسرع وقت

    ولا تحبى وسيلة اتصال بينا تانيه؟؟؟

    شوفتى دكتور طيب كده

     

  • At 5:39 PM, Blogger مـحـمـد مـفـيـد

    باين عليا جيت متاخر اوي المهم
    فعلا يا صيف يا شتا مفيش غيرهم
    بلوج مليئ بالتعليقات لكني وجدتك لا تحبين مني الشاذلي علي الرغم من انها افضل مذيعه علي الاطلاق؟
    ومبروك للقط الجديد بتاعك

     

  • At 9:51 PM, Blogger saso

    مفلس افندي
    انا بقيت معلمة خلاص ؟ ماشي يا دكتور نحدد بقي منك للقطط انتوا تعرفوا لغة بعض،، انا مبعرفش قططي كفاية بتتكتب من اليمين للشمال زي العربي دي؟

    اة شفت دكتور طيب كدة
    انا شفت دكتور ،،، لا هابقي احكيلكم عنة بعدين

     

  • At 9:56 PM, Blogger saso

    مـحـمـد مـفـيـد
    مستنيينك من وقت ما اتكتب :) واللة مني كانت حلوة وكتكوتة علي دريم بس طبيعي انها معندهاش اللي يغطي كل يوم زي ساعة الكوكو ،، تطلعلنا لمدة ساعتين من الردح وهيا مش عارفة تسكتهم ولا تسمع كلام المعد ولا تتكلم فزهقت منها
    ميرسي والقط بيقولك ميرسي برضة :) ماتبقاش تتأخر بقي

     

  • At 11:34 PM, Blogger moro

    هاى سوسو انتى عارفة باخد وقت اده اهه على شان اكتب عربى ما انتى عارفنى متفوقة
    على فكرة انا فرحان غن الشتاء حاى مش كل يوم الشمس بتطلع فى بيبقى حلو ، أحلى حاجة المشى تحت المطر و انتى بتاكلى إيس كريم ذى ما كورتكس قالك بس انا زعلانة منه على شان و لابيعبرنى دى و لاحتى لبانة و بالمناسبة انا عايزة استكور بموتر فى الشركة بدل التكتكو بوصى مش عارفة اكتبوا و بجد السلعوة خلاص خنقنى بي والهى حاسة إنها ادرودت و لو مفيش أمل فيها و لافى الشوكولاتة نسربها على اليكس و اخد بالك يا.........

    اهه صح يا ولاد عايزين نحتفل بالسنوية و يا شيرى يا عبيطة ما تزعليش منى انتى عارفىة أنى مش بفكر فى الكلام يالابقى كفاية كده نا زهقت ساسو خفى على سودة ده مش اديك باى

     

  • At 7:06 PM, Blogger مـحـمـد مـفـيـد

    والله يا ساسو انا مشغول شويه اليومين دول بروح اسكندريه وارجع كل يوم بس خلاص هانت
    انا شايف ان العاشره مساءا من انجح البرامج بس المشكله انه يومي وساعات يكون يوم فوق ويوم تحت
    انما بالنسبه للقطه قوللها اني بسلم عليها وهجيبلها معايا من الاسكندريه هريسه

     

  • At 11:01 PM, Blogger saso

    loca
    مورو بتكتب عربي يابنتي دة انجاز
    عارفة انك بتحبي الشتا بس بلاش مطرة اللة يخليكي شكل الشوارع والعربيات نصها اليمين بلون الطين بيجيبلي
    اكتئاب
    يعني رايك نغير مشروع التوك توك لسكوتر لكل مواطن ؟ حاضر موافقة
    لو زهقانة من السلعوة في باولة العصفورة البريئة واللة وحشني :) العبوا مع بعض يا اطفال ماتتقمصوش من بعض

     

  • At 11:12 PM, Blogger saso

    محمد مفيد
    يااااة كل يوم .. ربنا معاك دي صعب اوي
    لو يخلوة مرة في الاسبوع هيتحضر صح وهنترحم من سكتاتها الطويلة لما الاير بيس تفصل ومحدش يلحقها بفاصل
    خلاص مستنية الهريسة بس دي قطة يعني لو علبة تونة يكون احسن:)

     

  • At 1:29 AM, Blogger moro

    حاضر يا سوسو بالش مطرة و على فكرة الايام دى فى تومى يالا بمناسبة الشتاء و المولد الجديد بس برده لو مافيش شيكولاتة هنسرب السلعوة على اليكس و لا انت اه رأيك يا كورتكس

     

  • At 11:04 AM, Blogger saso

    loca
    يادي الشوكولاتة
    يا بنتي حاضر فضحتيني في كل حتة هجيبلك خلاص

     

  • At 3:41 PM, Blogger NoOR

    ساسو : انا اساسا بعشق الاغنيه دي والالذ اني من الناس المجانين اللي بيجلهم اكتئاب مزمن بسبب الشتا بس ايه حكايه بني مزار فعلا الواد خد براءه ده كده اقلق واروح اتاكد اننا في مصر .........

     

  • At 4:39 PM, Blogger saso

    noor
    انا اخدتها من محمود :) معرفش جابها ازاي دورت عليها كتير
    هـيـيـيـة
    بقينا اتنين مجانين يلا استعد للبيات الشتوي
    اةةة تصور ؟ انا قلقانة واللة ،، ناقص يفرجوا عن المعتقلين من مظاهرات السنة اللي فاتت

     

  • At 4:24 PM, Blogger كراكيب نـهـى مـحمود

    انا كمان بموت في الصيف وشمسه
    حلقتك جننتني تفاصيلها لذيذة وكلها خفه دم وابداع
    وبمناسبة ان الخريف والمدارس والحاجات دي جايه احب اقولكم بيت شعر كتبتوا لحد معرفوش
    بحبك وبحب كل الحاجات التانية
    الشمس مثلا بس مش شمس شهر ثمانية
    كراكيب كركوبة

     

  • At 5:03 PM, Blogger saso

    كراكيب
    الـلـة،،مش شمس شهر تمانية دي عسولة
    ميرسي يا جميلة

     
Post a Comment ~ back home
Cheer Up It's Spring Time is dedicated and designed by ferekico Special thanks and real appreciation for ferekico