Name: Saso
Location: Egypt
About me: If you are here then read it till the end. I'm an ordinary Egyptian girl, with lots of concederation of my country and my Dearest contenent Africa. I love million thing hate million thing wanna change million thing. This love-hate relationship is attending with me all over my life. I'm a GEMINI with all the cool sides, bad sides, funny sides and loony sides of a gemini
تلعبوا معانا
Finding Neverland
|
|
 |
 |
 |
الآن، بعدكِ... عند قافية مناسبةٍ
ومنفى، تُصلح الأشجارُ وقفتها وتضحك
إنه صيف الخريف... كعُطلةٍ في غير
موعدها، كثقبٍ في الزمان، وكانقطاعٍ
في نشيدِ
الآن، بعدك... عند قافية ملائمة
ومنفى... تُصلح الأشجارُ وقفتها وتضحك
أَشتهيك وأشتهيك وأنت تغتسلين
عن بعدٍ، بشمسك. إنه صيف الخريف
كعطلة في غير موعدها. سنعلم أنه
إنه صيف الخريف يجيء من وقت إضافيٍّ
فصلٌ يدافع عن ضرورته، وعن حُبّ
الآن، بعدك... عند قافية ملائمة
خرافيّ... سعيدِ
الشمس تضحكُ من حماقتنا وتضحك
لن أعود ولن تعودي
محمود درويش
sharing folder يمكن يبقي ذكري
الدستور المصري
انـي هـويـتـك قـد جـري نـهـر ولـسـوف يجري بـاسـمـك الـنـهـر ايـاك ان تـتـراجـعـي لا لـن يـجـدي الـتـراجـع فـالـهـوي ... قـهـر عـبـد الـعـزيـز شـرف
تصنيف البنك الدولي بان الحصول علي أقل من 765 دولار كمتوسط لنصيب الفرد من الدخل اي العيش باقل من دولارين في اليوم يعد فقرا .. لا يهمني في شئ فهذا ليس المضمون الشامل للفقر فالأسوا انعدام الخدمات الصحية في المقام الأول والتعليمية وانعدام الرأي السياسي والاجتماعي اي التهميش فهذا هو الفقر الحق
من قال ان الفقر نتاج - ثانوي او رئيسي لا يهمني - للنظم الإقتصادية والاجتماعية يقاس فقط بقوة الشراء الممنوحة للفرد / المدة
فنحن فقراء حين لا نحصل علي التعليم دون تكلفة مانعة له - التعليم المجاني العنقاء المفترضة لا ارغب في الحديث عنة - البيئة الصحية او علي الأقل القابلة للعيش فيها والحق القانوني والفعلي - لانفصالهما التام هنا - في التعبير عن الرأي أو الاعتداد بهذا الرأي في حال ابدائة
اقتصاديا
التهميش الاقتصادي آلية للإفقار، ليس للفقراء بالمعنى الكلاسيكي مثل العمال الصناعيين والزراعيين الأجراء وإنما لشرائح الطبقة الوسطى أيضا من الناجين من النظام التعليمي وأصحاب المشروعات الصغيرة. والبطالة آلية رئيسية للتهميش الاقتصادي لأنها تعني ببساطة حرمان القادرين على العمل سواء كانوا غير متعلمين أو من حملة الشهادات العليا وما بعد العليا فالمساواة هنا معترف بها - كلنا في الهم سواء - من كسب العيش بكرامة من خلال عملهم، بما يترتب على ذلك من دفع هؤلاء العاطلين إلى هوة الفقر والاعتماد على الغير.
.
كذلك فإن انتشار تحويل أموال عامة إلى أموال وشركات خاصة- اسم الدلع فساد - أو تحويل أموال خاصة إلى المحليات للحصول على الرخص أو تسهيل الإجراءات - اسم الدلع اكراميات - يساهم في توليد الفقر، لأن هذه الأموال العامة كان من المفترض أن تذهب للفقراء والطبقة الوسطى في الحالة الاولي او استخدام اموالهم في الوجهه الموجهه اليها في الحالة الثانية ، وبالتالي فإن حصول هؤلاء عليها يحرم هؤلاء الفقراء والطبقة الوسطى من الحصول على هذه الأموال في صورة أرباح موزعة للموظفين أو في صورة خدمات لو ذهبت هذه الأموال سالمة كإيرادات للموازنة العامة للدولة وانفقت بعد الوصول - فرضا - في مشروعات عامة
.
بمناسبة تقرير البنك الدولي تضمن تقرير سنة 2000 ان 43% من سكان مصر فقراء نقديا اي تحت حاجز ال 2 دولار في اليوم يعني نصف مصر فقراء .. نقديا ايضا لكن ان اشملنا تعريف الفقر باشتمال الرعاية والتعليم و التأثير اجتماعيا وسياسيا في المجتمع سنـُصنَف جميعا كفقراء
وإذا كانت الآليات الرئيسية للإفقار والتهميش الاقتصادي في مصر، تتمثل في عدم عدالة النظام الاقتصادي ،السياسي الاجتماعي والسيطرة المتزايدة لرأس المال على الحكم وجمود الحد الأدنى للأجور او تحريكة في حدود نسبة العلاوة السنوية - المنحة يا ريس - بما لا يتناسب و الزيادة الهائلة في تكاليف المعيشة مما جعل الملايين من العاملين في جهاز الدولة والقطاع الخاص فقراء بالفعل، وانتشار البطالة وانعدام مجانية التعليم والصحة ، وعدم وجود حد أدنى من بنية أساسية تسمح بنمو وانتعاش الأعمال الصغيرة في الكثير من المناطق الريفية والعشوائية
البطالة كآلية رئيسية للتهميش الاقتصادي والإفقار.. وهنا نعود لسخافة إلقاء مسئولية ضعف الأداء الاقتصادي وتزايد معدلات البطالة على معدلات الزيادة السكانية وما تنطوي عليه من زيادة في قوة العمل، رغم أن الزيادة في عدد السكان وقوة العمل في مصر تعتبر معتدلة وتقل عن المعدلات المناظرة في البلدان التي تدخل ضمن نفس الفئة الدخلية التي تقع فيها مصر
.
والأسوا الوضع المقلوب الذي تلتهم فيه النفقات الأمنية والعسكرية جانبا كبيرا من الإنفاق العام، خاصة إذا كانت الدولة لا تواجه تحديات عسكرية خارجية جدية، كنتيجة لسياسة البتاع دة ، وان كان الإنفاق الأمني علي اية حال موجها لقمع المعارضين السياسيين فلم علي ان اتحمل نفقاتة
| Permalink |
-
مـحـمـد مـفـيـد
هــيــيــية
اول مرة متقوليش جيت متأخر
وانا مبسوطة اوي انك اول كومينت
:)
والله البوست انت لو دخلت تاني مش هتعرفة
محدش هيستحمل يقراه من كبره فقصيت نصه
وكتبت حاجات تانية
عندك حق في التهميش النفسي.. ماحنا لما ميتاخدش رأينا من الحكومات اللي بننتخبها دة تهميش.. لما تتصرف فلوس مالهاش حصر علي بطولات وهمية لالعاب عجيبة والعلاج المجاني بس للفنانين يبقي تهميش ووجع نفسي
ميرسي يا محمد اوي -
ساسو
موضوعك جميل و مدعوم بإحصاءات دولية معتمدة تبرز للأسف الشديد تلك الحالة التي وصلنا إليها و تدعو مما لا يدع مجالا للشك إلى حاجة ملحة لإصلاح جدي في معظم المجالات..
أشكرك على زيارتك لمدونتي وأعذريني عن أنني لم أكتب شيئا فيها منذ مدة وذلك لإنشغالي الشديد بالدراسة في الفترة السابقة.. نبقى على تواصل إنشاء الله -
At 3:01 PM,
ayman_elgendyما كتبتيه يا ساسو ذكرني بجزء من تقرير برنامج التنمية للأمم المتحدة الخاص بالعالم العربي والتي تستند عليه امريكا لمناقشة مشروع الشرق الأوسط الكبير....وهاهي البومة الأمريكية كوندي تحوم في دول الخليج والاردن ومصر العراق لتفعيل المشروع الأمريكي الذي قسمنا الي اخيار واشرار....يتساءل احدهم....وماذا عن مصر؟؟...اهي من الاخيار ام الأشرار؟؟.....هي بالطبع من الاخيار مادامت تابعة للواء الامريكي وتظلها امريكا تحت ظلها في عالم لا ظل فيه سوي الظل الأمريكي وسرطانه الصهيوني
ستجتمع البومة الامريكية قريبا مع الدول الصناعية الثماني الكبري لمناقشة المشروع الشرق اوسطي الكبير...ويخشي بعض المحللين الاوربيين من ان تكون مضطرة الي شراكة مبهمة مع امريكا لتتحول لاداة للهيمنة الامريكية بعض رفضها الحرب علي العراق
واليكم بعض النقاط المروعة التي يتضمنها التقرير
* مجموع اجمالي الدخل المحلي لبلدان الجامعة العربية الـ22 هو اقل من نظيره في اسبانيا.
*حوالي 40 في المئة من العرب البالغين - 65 مليون شخص - اميون, وتشكل النساء ثلثي هذا العدد
* سيدخل اكثر من 50 مليوناً من الشباب سوق العمل بحلول 2010, وسيدخلها 100 مليون بحلول 2020. وهناك حاجة لخلق ما لا يقل عن 6 ملايين وظيفة جديدة لامتصاص هؤلاء الوافدين الجدد الى سوق العمل.
* اذا استمرت المعدلات الحالية للبطالة, سيبلغ معدل البطالة في المنطقة 25 مليوناً بحلول 2010.
يعيش ثلث المنطقة على اقل من دولارين في اليوم. ولتحسين مستويات المعيشة, يجب ان يزداد النمو الاقتصادي في المنطقة اكثر من الضعف من مستواه الحالي الذي هو دون 3 في المئة الى 6 في المئة على الاقل.
*في امكان 6,1 في المائة فقط من السكان استخدام الانترنت, وهو رقم اقل مما هو عليه في اي منطقة اخرى في العالم, بما في ذلك بلدان افريقيا جنوب الصحراء الكبرى.
* لا تشغل النساء سوى 5,3 في المائة فقط من المقاعد البرلمانية في البلدان العربية, بالمقارنة, على سبيل المثال, مع 4,8 في المئة في افريقيا جنوب الصحراء الكبرى.
*عبّر 51 في المائة من الشبان العرب الاكبر سناً عن رغبتهم في الهجرة الى بلدان اخرى, وفقاً لتقرير التنمية البشرية العربية للعام 2002, والهدف المفضل لديهم هو البلدان الاوروبية.
عذراً للأطالة
وللحديث بقية
مودتي -
At 3:06 PM,
ayman_elgendy -
ayman
باشكرك علي التقرير لاني فعلا ماكتبتش غير عن مصر بس
طبعا من الأخيار مادام سياسة البتاع دة في الطالع .. واعمل نووي حاضر وقف النووي حاضر هيلاقوا فين احسن من كده
استكمالا للتقارير المسلية
اكمل انا كلام عن مصر بس في شوية نقط
:-
بيانات البنك الدولي بتقول ان 3.1% من السكان في مصر عام 2000، ( حوالي 2 مليون إنسان) كانوا يعيشون بأقل من دولار للفرد يوميا، و نحو 43.9% من السكان، ( حوالي 28 مليون نسمة ) يعيشون بأقل من 2 دولار للفرد يوميا
معدل البطالة، بلغ 9.9% في العام المالي 2003/2004 ، ووصل في بداية العام الماضي إلى 10.6%.وهنا التزييف الرسمي لحجم ومعدل البطالة يبلغ مداة من تعريف للعاطل بأنه من لا يوجد له مصدر للرزق، بما يعني استبعاد من لهم مورد رزق ناجم عن ميراث أو نتاج عمل سابق حتى لو كانوا مؤهلين وقادرين على العمل وراغبين فيه ولا يجدون عملا عند مستويات الأجور السائدة!! طيب انا عندي ميراث ومش لاقي شغل تصنفوني غير عاطل ازاي؟
وهذا تعريف مخالف تماما للتعريف المعمول به في كل الدنيا والذي يحدد العاطل بأنه القادر والمؤهل للعمل والذي يطلب العمل عند مستويات الأجور السائدة ولا يجد عملا. ويخرج التعريف الحكومي أعدادا كبيرة من العاطلين فعليا من تصنيف العاطلين فعليا.
تزييف رسمي آخر لبيانات العاطلين بالقول بأن قوة العمل المصرية لا تزيد عن 20.7 مليون نسمة في منتصف عام 2004، في حين تشير بيانات البنك الدولي في تقريره عن مؤشرات التنمية في العالم العام الماضي ، إلى أن تعدادها بلغ (26.7) مليون نسمة في عام 2003، بما يزيد بمقدار 6 ملايين نسمة عن تعدادها الرسمي في مصر، وهذه الزيادة يمكن أن تضاف بالكامل إلى الرقم الرسمي للعاطلين البالغ 2 مليون عاطل لتصل بعدد العاطلين في مصر إلى 8 ملايين عاطل وبمعدل البطالة إلى نحو 30% من قوة العمل المصرية.
بيانات الجهاز المركزي للتعبئة العامة والإحصاء في مصر مسلية جدا بتقول ان المتعلمين يشكلون نحو 93% من المتعطلين في مصر، يعني مش حكاية تعليم وتعليم فني وتدريب وحمي الكورسات اللي الناس بتتسابق فيها طول الاجازة متوهمة انها بتتاهل للعمل -
بداية أحييكي على نقطة في غاية الأهمية ..
نقص الخدمات كماً وكيفاً في صلب تعريف الفقر.. بشكله الجديد ..
دعونا نفكر بصوت عالي جداً..نطلع اللي في دماغنا صح أو غلط وبعد كدة "نفنطه" ونغربله براحتنا ..
1-في الأول كانت الحكومة هي كل حاجة ، المصنع الأوحد والتاجر الأوحد وكل حاجة الأوحد في مصر .. كانت الوجاهة الطبقية من نصيب البيروقراط اللي مسيطرين على المؤسسات الإنتاجية الكبيرة في البلد ، لحد ما ظهرت مجموعة من الناس في السبعينيات بدأت تعتمد على "مهاراتها الخاصة" بشكل مشروع أو غير مشروع في الإثراء ، واتغير فيها مفهوم الوجاهة الاجتماعية والطبقية وبقى على أساس الفلوس وبس .. وبالتالي بقى فيه عندنا تلات فئات ، كبار البيروقراط اللي احتفظوا بشيء من وضعهم الاجتماعي -نتيجة للنفوذ بتاعهم -في ظل "الرأسماكية" التي نتبعها – اقتصاد رأسمالي بمؤسسات اشتراكية زي ما سمعت في الكلية- وأثرياء انفتاحيين ، وطبقة وسطى تشمل صغار الموظفين وخريجي الجامعات من اللي ما شبطوش في أتوبيس قاف عين والناس اللي حصلت على تعليم متوسط ، وظهر بعد كدة الفقراء الجدد اللي ما سمحلهمش التعليم ولا المهارات بشغل "محترم وعليه القيمة" في قلب المدينة فسكنوا حواليها وكونوا اللي اتسمى بعد كدة "المناطق العشوائية"..
الحكومات منذ الستينيات ولغاية دلوقت برضه متمسكة بدور اللاعب الأوحد حتى ولو كان مصاب وعامل عمليتين في ركبته ، حتى لوهيبتها قلت ، والبيروقراطية المزمنة عششت فيها ، والأداء بشكل عام "ضربه السلك" ، النتيجة كفاءة أقل في النظام التعليمي والخدمي .. يعني مليارات بتتصرف والنتيجة صفر مربع فبتحط الحكومة ميزانية أكبر بمليارات أكثر تؤدي إلى صفر مكعب..ودة في النهاية بيتسبب في إن يكون لدينا فقراء أكثر..
2-كانوا بيشتغلونا في التعليم متفاخرين برخص الأيدي العاملة المصرية ، ولما كبرت عرفت الحقيقة المرة ..
الأيدي العاملة المصرية برخص التراب لأنها في معظمها مش مؤهل فنياً ولا تقنياً .. ولو كانت مؤهلة فنياً لطالبت بمرتبات أعلى .. الأمر اللي بيخلي بعض الناس هواة نظرية المؤامرة يقولوا بالفم المليان ..
3-حسبة التهميش الاجتماعي عندي مختلفة برضه .. كنا في الجامعة عبارة عن شلل ومجموعات ، كل مجموعة بتقفل على نفسها ، وفي الآخر بتفضل شوية ناس متناثرين همة اللي "لم يصبهم الدور" وعليه بيكونوا همة مجموعة لواحدهم .. قيسي على دة الطبقات في المجتمع.. -
At 5:15 PM,
أهلا ....بوست هايل كالعادة...بس حاسس أنك سبتي نقطة المفروض كانت تيجي في أول الكلام..بخصوص التعليم...وأعتقد لو أن التعليم في مصر كويس ...أو الأهتمام بالتعليم واخد حقه شوية مش الهجص اللي بيحصل ..كان ممكن يحصل حاجة كويسة في بقيت المجالات...الناس لسه مقتنعة بالعفريت وناس كتير حياتهم قايمة على الموضوع ده...ثم أنت بتكلمي عن التهميش بالنسبة للفقراء...ما الراجل كل شوية يجي يقولك لامساس بالفقراء ومحدودي الدخل...ويروح يغلي البنزين...لامساس بالعاملين في القطاع العام...وخصخص عمر أفندي وأبقى قابلني لو حد أشتغل..في النفس أنت جايبة نموذج لماليزيا (مش دي من النمور الأسيوية بتاعت أعدادي) البلد دي قعدت حوالي عشر سنين تصرف على التعليم بس وحتي تحت مسمى التععليم ده خمسميت خط علشان يحصل نهضة...وبالفعل الموضوع تم وحققت نمو أقتصادي خرافي..كفاية يعني أن موضوع السياحة في ماليزيا وأنت أدرى مني طبعا حاجة جامدة جدا ...في نفس الوقت انت بتقولي ان تقرير مصري بيقول أن نسبة البطالة 9% في الفترة ما بين 200 إلى 2002...أنتوا بتضحكوا على مين؟... لأ وفي نفس الوقت الحكومة بتوفر مصانع بس مصانع أيه...مصانع غزل...وكام فرصة عمل؟!! السيد الوزير بيقول 24 ألف فرصة عمل ...يعني محدش عنده حجة..هتروح تشتغل بتاع سجاجيد وممكن موكيت...وبعض الأوقات كليم بتاع الصعايدة علشان محدش يزعل ...وأبقى قابلني لو حد عمل حاجة
-
قـلـم جـاف
ميرسي
نفكر بصوت عال
انغلاق وانفتاح الستينات والسبعينات.. فاهماك
وكناتج فرعي للمحافظة علي اسلوب الوجاهة لدي كبار الموظفين ابتدت تسطع الاكراميات كبديل عن مرتب الحكومة اللي مش بياكل اي حاجه مش عيش بس
تفكيك الطبقات نتاج اسوأ لنفس الظروف
الحكومة متمسكة بدور اللاعب الاوحد المطلوب منها الحد الادني للتدخل علي الطريقة الكينزية .. وليس التدخل الكامل.. مش يعني اقتصاد سوق نشيل ادينا خالص لكن انت عارف عندنا كل شئ او لا شئ علي الاطلاق
العمالة المصرية غير مؤهلة هنرجع لدوشة برامج التدريب الهلامية
كان في جزء كامل عن الموضوع دة بس شيلتة لكبر البوست احنا بندي برامج تدريب مكثفة في واد بينما برامج التعليم الممتدة في واد اخر مادي لخبطة بزيادة
التهميش الاجتماعي كما ذكرت اختيار..ما بين الطبقات لو كان لسة في فروق واضحة ما بين الطبقات اللي اتفتفتت فعلا
بس التهميش في علاقتك بدولتك مالوش اختيار فنحن - يفترض - اننا ناتي بالحكومة ونحاسبها
انا نفسي اشوف تقرير حصيلة بيع ترخيص شركة المحمول وتقرير مصنع كيما اللي مفتوح وبيخسر وتقرير بيع بنوك الحكومة وعمر افندي قبل ما اموت -
the m
كالعادة دي قويه
:)
معلش يا محمود اصلي اتكلمت في موضوع التعليم قبل كده اكتر من مرة.. طبعا غباء اني افترض ان اللي بيقرا قرا اللي قلتة بس معلش بقي.. انت عارف اني باكلم نفسي لما باكتب اوقات
عندك حق ان الاصلاح لازم يبدأ بالتعليم.. اللي هو آخر حاجة بتتصلح
اصلا
لا مساس دي ميراث مصري تحس ان الوزير بيستلمها قبل حلف اليمين ويسلمها علي باب الوزارة بعد عمر طويل
من ايام أحمد الجويلي الله يسامحة بقي وانا باسمعها
انا حطيت مثال ماليزيا بس علشان السخافة بتاعة النمو السكاني عامل طردي وأوحد للبطالة ماهم بينموا اكتر مننا ومع كدة البطالة بتقل سبحان الله
بلاش نقول الصين نفس الحكاية يبقي العيب عندنا احنا سياحيا بلاش اتكلم علشان احنا في رمضان... كفاية البوست بتاعة المرة اللي فاتت
تقرير البطالة زي ماقلتلك ان فية استبعاد لكل وارث او كان لدية عمل.. مش مهم متعطل او لا سبحان الله والاحلي مخبيين ستة مليون علي اساس خطأ في التعداد كلهم برضة في سن العمل سبحان الله
كلها صدف طبعا
مش لازم سجاد وموكيت يا محمود في عربيات بتلات عجلات بتبيع خضار وفواكه.. وفي مشاريع صغيرة بتدخل السجن لما انتوا عاوزين تعليم فني وبس ما تشغلوا بتوع التعليم الفني بدل ماتلواا رقبة التعليم العالي - مش عارفة لية التعليم الفني مش بيعتبروة عالي - وتعلموة من الاول مش اسهل تاخدوا اللي درسه
ما علينا بكرة نكبر ونعرف -
At 3:59 AM,
سندباد مصريعارفه يا ساسو
كان نفسي
انا كمان اعلق تعليق طويل ويتناسب وطول البوست ودقته
بس مش عارف ليه انا حاسس اني تعبان
عقلي معاندني أني اكتب اي حاجه
البوست بتاعك ادام عنيا
والجرايد الوحسه ادامي
والتقارير المهببه في المكتبه
والنت عليه فضايح
حتي الناس في الشارع وفي الشغل
بيتكلموا نفس الكلام
انا معاك في كل كلمه
انت قولتيها انا عندي اكتر بكتير
مشكله مصر مش الفساد مشكله مصر هي الجهل
الفساد مرتبط بنفوس البشر
موجود في كل مكان
اما الجهل
الي انت كتبتيه رائع وناس كتير هتتعلم منه
بس
بس
انا تعبان
جدا
والسلام -
At 5:30 AM,
يا مصر اكتب إليكي رسائليالأخت العزيزة
برافواا حقيقي النقاش بالطريقة دي برافوووو ، وعايز اقول حاجة بخصوص تصنيف البطالة:
انتباهك إلى أن التصنيف للبطالة قد نحى من لهم دخل عن طريق اخر غير العمل هو أهم ما لفت نظري ..
كما اعتقد ان الأعداد التى تدعم الاحصائيات تؤخذ كذلك من قوائم المسجلين لدى وزارة القوى العاملة ... فهل لهذه الورزاة وجود حقيقي وما مدى تأثيرها وتفاعلها .. فهل تم ابضا ادراج من لا يعلمون من الأساس ان هناك وزارة بهذا الأسم وأيضا من لا يتعتمدون عليها .. فهذه ارقام أخرى أختى العزيزة ارجو محاولة التوعية بها. وفقك الله وكل عام وانتم بخير -
At 3:06 PM,
وانا اقوول ليييه لحد دلوقتى مش عارفة اشترى الجذمة؟؟
يا بنتى انتى مدرتيش؟؟
مش اكتر من ثلثين مصر تحت خط الفقر بمية ميل؟؟
طول ما بقينا دولة مستهلكة
ومعندناش اى حاجة ننتجها
اللهم الا شوية سمنة و زيت من بتوع كفر الزيات وسوقهم واقف كمان
------
طول ما بيبقا دبلوم الصنايع رئيس مهندس بماجستير فى العمل
طول ما خريج الخدمة الاجتماعية يشتغل مهندس انشائى
طول ما خريج السياسة والاقتصاد وحاصل على ماجستير بيشتغل جامع للقمامة على عربية بحمار
--------
الفقر فى مصر ليس فقرا ماديا ولا اجتماعيا ولا سياسيا فقط
انه فقر عقلى
فقر اخلاقى
فقر دينى
وللاسف
الناس مبسوطة وراضية وقانعة
وبتبرر كدة بقولها
احنا احسن من غيرنا
غيرنا مش لاقى اللقمة
طيب ما احنا فى ايدينا نحسن اللقمة؟؟
نخليها بالصلصة مثلا
معلش بقا
البلد دى
مفيش فايدة فيها
هى قططك عاملة اية؟
صايمين ولا مش بيقدروا؟؟
كل سنة وانتى طيبة يا جميلة -
يا مصر اكتب اليك رسائلي
ميرسي بجد
:)
المشكلة فعلا في دقه البيانات المسجله وهنا نرجع لمشكلة رهاب التعداد الناس بتخبي عدد الافراد خوفا من اية معرفش يمكن الحسد
وبنخبي عدد الموظفين علشان ضرايب النشاط
وبنخبي الولاد لو بيشتغلوا علشان بطاقات التموين وعلشان القوي العاملة قال يعني في قوي عاملة
فالنتيجة البيانات عشوائية وافتراضية
قولك: فهل تم ابضا ادراج من لا يعلمون من الأساس ان هناك وزارة بهذا الأسم
ان كنت تقصد المناطق المتطرفة كالنوبة والهوارة فلا اعتقد طبعا
وان كنت تقصد المهمشين والعشوائيين كما يحلو لهم التسمية فاحتمال ضعيف جدا ادراجهم او افتراض انهم احياء -
شهروزة
يا جميلة مش كنتي استلفتي وجبتيها ؟؟ حصل اية تاني
يا بنتي احنا بنشتغل علشان ناخد فلوس نروح بيها الشغل
متفكرينيش انا باحاول انسي
...
من فضلك سمنة وزيت وكنتالوب بصراحة محصول الكنتالوب ايه حاجة تفرح
..
فكرتيني ببنوتة صاحبتي اخصائية نفسية في مدرسة- لسة جديد - اتصلت بيا تسالني ازاي تعمل كشف مرتبات !!! سبحان الله
...
في فايدة منها انشاء الله .. بس احنا يدينا طول العمر.. قطط اية يافندم دول متشردين طول النهار عايشين دور الطيبين وانا احطلهم اكل ييجي معاد الفطار يتخانقوا علي كرسي السفرة اللي فاضل ويضحكوا عليا انا وبابا علشان طيب وياكلوا اكلنا
:) سيبك كل سنة واحنا طيبين -
At 8:51 PM,
ayman_elgendyاخي سندباد
مشكلة مصر مش الفساد بس مشكلة مصر الجهل
آلمتني عبارتك وذكرتني بالمثلث الستينات الشهير...الفقر والجهل والمرض
اشاركك الرأي في ان الفساد هو واحد من مئات المشاكل التي تجابهنا للفواق من كبوتنا الحضارية...الجهل بالطبه هو احداها وتحت بند الجهل نستطيع ان نضع مئات البنود الاخري التي تحتاج منا لتحليل مطول لنفسية المجتمع المصري علي وجه الخصوص والمجتمع العربي علي وجه العموم لتحليل العديد من الأسئلة منها
لماذا لا نقرأ؟؟
لماذا نكره بطبيعتنا الثقافة ؟؟
لماذا نهتم بقرآة الكتب المختصة بلامور الدينية ولا نلتفت لقرآة الكتب الثقافية والعلمية والفلسفية؟؟
و لماذا عدد الكتب المترجمة عن اللغات الاخري في الوطن العربي كله لا تعادل واحد علي خمسة من عدد الكتب المترجمة في دولة ربع متقدمة كاليونان ولست اقارننا مثلا باليابان او المانيا ؟؟
لماذا ولماذا ولماذا ...؟؟؟
نحتاج لتفكيك وتحليل اعمق لقضاينا الفكرية علي مشتوي الانسان اكثر من احتياجنا لنقد انظمة حكم فاسدة....الأنسان اولاً
مودتي للجميع -
At 8:54 PM,
sherif gharibsaso
مدى اعجابى بهذا الموضوع الرائع اللى اتحفتينا بيه
بس اللى انا عايز اقولهولك ان ديه حال البلد اللى احنا عايشين فيها
الكل بيقول ان ده نفص امكانيات و الاليات و الكلام الكبير اللى كلنا عارفينه ده
مع ان انا شايف ان البلد ديه اغنى و ارقى من اى بلد تانيه بس تقولى ايه بقى فى اللى ناهبيت خيرها كله
من اجل ان تكون ملاعب الجولف لا تطل على احد يعكر صفوهم
و المهم ان يكون ابنائهم هم الحاصلون على كل الحق فى الرعايه و التعليم الاجنبى حتى و لو كان خارج هذه البلد
اما الباقون فلهم الفتات
و لا عجب فى ذلك فهم الحاكمون القادمون
تحياتى على هذا البوست الرائع -
sherif
ميرسي يا جميل
عندك حق اي حاجة يتقال زيادة سكان ماليزيا معدل نموها اعلي
نقص موارد طبيعية ؟ الصين واليابان مواردهم الطبيعية اضعف.. ثم اثيوبيا والقرن الافريقي عندهم موارد عملوها بيها ايه
بس لازم يبقي في حاجة نعلق عليها السبب ما عدا السبب الحقيقي طبعا
بمناسبة الجولف عرفت سعر المتر في اعمار - محمد شفيق جبر - وصل لكام؟
تحياتي ليك -
At 9:20 PM,
sherif gharib -
ابدا انت عارف ان الاستاذ جبر طبعا عايش معانا في مصر ومقرب من الطبقات المسكينه اللي بتركب عربيات سكودا - بتاعته- وبتشرب مارلوبورو - بتاعته - وبتقرا كليو - بتاعته- فعمل اسكان كدة في اب تاون كايرو سعر المتر فيها 5.500 جنية وفي المقطم حيث السلعوة ياريتها مكان حلو
ولما تقدم ماتنساش السي في علشان في لجنة اختيار علي أساسها تسمحلك او لا انك تنضم الي .. ولا بلاش تنضم وخلاص
:)
شفت الناس
تحياتي -
At 6:17 AM,
Gid-Do - جدوSaso العزيزة
انا الحقيقة محتار ـ لان الاحصائيات ارقام وجداول تكرارية ومقارنات وطبعا دة علم مبنى على حقائق ولو المعلومات اللى بنى عليها التقرير غير دقيقة يبقى كل النتائج غير دقيقة ـ مش معنى كلامى ان التقرير غير صحيح ـ اللى محيرنى مين المسئول ؟ من السهل اننا نقول الحكومات من اول حكومة بعد الثورة الى اخر حكومة فى الحكم لكن اليس الشعب مسئول ايضا الانفلات فى كل شئ القيم اللى وصلت تحت الصفر ان مفيش حد بيتقى الله فى اللى بيعملة رغم موجة التدين اللى عمر مصر ما شافت زيها الناس بثصلى الظهر لغاية العصر ومعطلين مصالح ناس زيهم ـ لية اسرائيل ـ ومش حقول دول اوربا او امريكا ـ اللى هيا دولة بدون موارد متفوقة واحنا لاء لازم فية عندهم شئ مش موجود عندناـ الفساد عندنا وعند كل الدول ـ ورغم كدة بيتقدموا واحنا بنرجع لورا وبنحدار شديدـ دة سبب حيرتى وغلبى كمان -
At 6:34 AM,
LAMIA MAHMOUD -
At 3:15 PM,
admelmasry -
Gid- do
ما قصدتة هنا هو تماما ما قلت حضرتك
معظم الارقام غير موضوعية، كما ذكرت عن كيفية القياس التي تستثني نصف المتعطلين بدعوي وجود مصدر اخر للرزق غير ناتج عن عمل
مجموعة الارقام الاخري كانت عن كذبة الارتباط المطلق بين زيادة السكان والبطاله.. الغريب ان الهرم السكاني لدينا يعتمد علي الفئة العمرية في سن العمل والمفترض ان هذة مزية لكننا حولناها لعيب خطير
لهذا فقط وضعت الارقام
اما عن المسئولية فوافقك تماما لذا تحدثت عن حمي التدريب للخريجين الجدد.. والمشاريع الصغيرة التي تؤدي عادة للسجن بسبب فوائد القروض
المسئولية الفردية هنا لن تجدي.. فانا حين احاول في مشروع ما لا اطلب تمويلا لكن علي الاقل دعما ما.. ولو لتشجيع التجريب
اشكرك جدا علي تعليقك الرائع -
At 8:23 PM,
محمد أبو زيدالمشكلة ليست في الفقر يا ساسو ، فمصر ، بحسب معلوماتي الضئيلة ، ليست فقيرة موارديا ، بمعنى أن عندها الكثير من الموارد الطبيعية ، بالاضفة إلى الموارد البشرية التي يمكن أن توظف بشكل يساهم في البناء ، إشكالية هذه البلد هو الفساد ، آفة هذه البلد ساستها ، بالمثل العامي عندما يتحول حاميها إلى حراميها ، فكيف سيحافظ على فقرائها ، عندما تنجح الدولة في القضاء على الطبقة المتوسطة ، هذه الطبقة التي كانت تعبر بمصر خط الفقر الأزلى أو على الأقل تتأرجح فوقه ، ولا تقبع تحته ،
إعادة بناء طبقة متوسطة جديدة أعتقد لوتحول لدينا لهم مبدئي ، كما كان لدى دولة عبد الناصر ، يمكننا أن نعبر من دولة الفقر، ولو خطوة واحدة ، لا يهم ، المهم أن نعبر -
ساسو الجميلة
بعد قراءة البوست والتعليقات الاكثر من رائعة للعديد من المدونين والتى تدل على ان الفقر الفكرى والتهميش
لم يمتد كليا لعقول الكثير من الشباب
شبهة تعمد التهميش التى فرضت على الامم العربية وبدون الرجوع الى شماعة المؤامرة هى واقع متعمد فيه تضليل الفكر وتعتيم العقول وبمعنى اخر ضرب نقاط التركيز وتشتيت الاذهان ومن ثم الوصول الى عمقه والامساك بلجامه وبعدها يقاد حيثما يشاء القائد وليس حسب ارادة الشعب كما يشاع فى الدول الديموقراطية
عزيزتى لا نحتاج الى احصائيات لنرى حال المواطن المصرى فى الشارع وفى اغلب احياء مصر الشعبية كيف يعيش وفى محافظات بهية ومراكزها وقراها
يذكر ان هناك قرى حتى وقتنا هذا لم تصلها الكهرباء ولا المياه النقية ونحن فى القرن الواحد والعشرون ورحلات الفضاء التنزهية فى النصف الاخر من الكرة الارضية
اى هراء يحدث فى هذا العالم نصفه يموت من المجاعات والجفاف فى القارة السوداء واقل من خط الفقر بات امل منشود لهم
القطب الواحد والهيمنة هى الهدف الذى من اجله سقطنا فى هوية التهميش والفقر المالى والثقافى والمعنوى والفكرى
الطف ما فى تعليقك هو افتراضك اختيار
حكومتك واعضاء المجالس التشريعية ؟
هو حقا افتراض ابعد ما يكون عن كونه امر واقع
مؤلم جدا احساس العجز عندما نرى احكام المصائد على الفرائس وهى منقادة برغم علمها للنهاية المحتومة
تحياتى على فتح باب النقاش لهذا البوست العميق -
مـحـمـد ابـو زيـد
اوافقك وده الي بنتكلم عنه دايما
لما مفيش فقر امكانات.. ولا فقر مورد بشري.. يبقي بننحدر ليه
فـسـاد
ناصر بني طبقة متوسطة تفتت الآن لشرائح متشابهة واختلافات طفيفه.. بس ايام ناصر كان في هدف يمكن تجميع الناس حوله
غير الاتفاق علي ان الحرب تجمع الناس
دلوقتي مفيش هدف ولا ينفع يبقي في حرب
محتاجين شعار وفكر جاذب للقوي كلها وده صعب
بس اتمني طبعا -
tota الجميلة
واقع متعمد . وشاركنا فيه وانسقنا له.. وصار هو اللجام فالمهمش لا خطر منة اذ يستشعر عدم جدوي الثورة فيعيش كما اريد له العيش من قبل محيديه متوهما الا حلول اخري
تتحدثي عن قري ويؤلمني وجود منازل او لنقل مخابئ بالقاهره ذاتها لم ولن تصل لها المرافق.. واسطورة الغاز الطبيعي الممتد انابيبه لجيراننا ولم تكتمل خطوطة لدينا نحن بعد
اعذريني في افتراضي فمنذ شهور احاول الوصول لتقارير عادية ولا من مجيب - انتظري النشر - وان لم تنشر أليس من حقي طلب تقارير ليست بالسرية في شئ ؟
اعذريني لاني اتحدث عن المفترض لاني ان اقتنعت بعدم جدواه ساتبني منهج ألا جدوي هنالك واكون مهمشه..وبعدها لن يعنيني الامر علي الاطلاق
ميرسي يا جميلة -
At 9:49 PM,
هيثم محفوظيا جميل يا جميل يا جميل
يا جماعه التهميش الحقيقى هو خنقة القادرين عن الفعل مش سكان الصفيح
التهميش خنقة الدماغ خنقة الرغبه و حتى خنقة الأمل
التهميش الفعلى فى قتل الطبقه المتوسطه اللى هيا الشريان الحقيقى الباقى لبلدنا
متهيألى شاب خريج جامعه و بتفوق لما هيقعد على قهوه تهميش و دى أسوء صوره
أما عن سكان الصفيح و القبور فدول هما المعدمين و أعتقد لو إستمرت الحال على كده معظم الناس هتسكن جنبهم
مش قادر أختم كلامى على شكرك مره تانيه
بجد التعليقات اللى وصلتك عن الأغنيه و عنى مخليانى فى حاله مش قادر أوصفها و بصراحه مديون لك بمعظمها
قولى لكل اللى فاكرين إنى ممكن أزعل منهم عشان عملوا لينك ع الأغنيه أو بعتوها لأصحابهم عيب كده هيثم ما بيزعلش أو الزعل مش ع الحاجات دى يعنى
و سلام يا شموسه -
أنا عندى كام كلمه
لما يكون أبويا بيشتغل دكتور و عنده عياده و أمى موظفه فى المحافظه و أحس إنى بقيت فقير ده يبقى إسمه إيه
لما الواد اللى أبوه قعد ست ألاف سنه فى الخليج يروح و يجى من الكليه بعربيه فخمه و أنا أستنى تاكسى تلات ساعات و معايا واحد صاحبى بيتلوى من وجع المغص الكلوى ده يبقى إسمه إيه
لما أدخل مدرج كلية طب(كليه عمليه) لأول مره و احس إنى إتبلعت ف وسط ألف و خمسمية طالب و سكشن (عملى) هيتوقف عليه حياة البشر اللى هاعالجهم بعد ماتخرج يكون 80 طالب سايحين ف بعض
ده يبقى إسمه إيه
لما الدكتور يسيب نص المحاضره و يقعد يقنعنا بمبدأ غريب جدا و هو إن المتعه ضد السعاده و ميسمحليش أرد عليه
و كمان يعد يمارس علينا دوره الهتلرى فى إن دى أحسن طريقه للمذاكره و أقفلوا الكتب و إسمعونى و أنا الرب و أنا الإله و أنا اللى عندى برانويا
نعمل إيه
أآآآآآآآآآآآآآآآآآآآآآآآآآه
أحلى سلاااااااااااااااااااام
أنا هيثم
ماهو يا أبو الفتوح يا صحبى كل اللى بتقوله ده كان تيجته الحتميه اللى أنا و ساسو بنقوله ما هو إنعدام العدل هيأدى لتهميش و تشويه نفسى و شخصى لتلات تربع الناس و لا إيه يا ساسو -
هـيـثـم مـحـفـوظ
عندك حق يا هيثم.. تهميش القادر علي الفعل لينضم الي اخوتة مستحقي الاعانه - اللي مش بياخدوها طبعا - التهميش خنق الفكر وخنق حتي الرغبة في الفعل
نيجي للكلام الحلو ده
:)
من غير ميرسي والحاجات العجيبة دي
انت عارف اني بحبها اوي وفرحانة بكل تعليق حلو عنها زيك تمام
حاضر يا جماعة هيثم مش زعلاااان
:)
سلااام نشوفك الحفلة اللي جايه -
مـحـمـد أبـو الـفـتـوح
ده يبقي اضطهاد يا محمد
:)
احنا بنضطهد وبنتعاقب علي دخول الكليات وعلي المشاريع الصغيره وعلي طلب تقارير او احصائيات وخصوصا علي محاولة المناقشة.. او الإستنتاج والعياذ بالله
واحدة واحدة تزهق وتبطل مناقشة وتفكير لو عرفت
زي ماقولت يا هيثم.. انعدام العقل .. تهميش وتشوية.. لا مبالاه .. ويرجعوا يسالوا عن سر لا مبالاة اللي في سننا -
Personally I find numbers from sources like the CIA fact book of Egypt way more reliable that the Egyptian government numbers. This process of national destruction began from a long long time, when I think about it I just loose track of locating its reference.
Egypt has a habit that the leader has two traits. He must be a dictator, and in the same time he must squeeze the nation off the last unit of currency according to each ruling era. Be it pharonic, arabic, roman, or whatever.
The process of depoliticization was always taking place along parallel lines with this national destruction. With the negative attitude from the majority of the the Egyptian people. Of course there is a percentage of inlightened minds which are the only hope of this nation. But this percentage still needs some sort of management. We are sick of this government, we are completely sure that we need a change, a complete change. By civil power. We are fed up with military involvement, or let me say military invasion. We are surrounded by sticky security influence.
Democracy needs force, needs violence. What will the security forces do if 1 million civilian smash the President's home for example? Will they get 10 million soldier?
Destruction vs Hope. -
IRC
i totally agree with u, those numbers was like here with your governmental numbers it still not the root of the enigma
personal attempts it's all about persons here no matter how much it's brillent it won't achieve the infuence it could be if it were supported with any kind of governmental support, mmmmm if 1 million civilian smash the Presidental house
i don't know it's not exactly my idea for neede revolution but i'm in :D
الرائعه صافي
مش ممكن انا اول واحد يعلق ده انجاز
بوست رائع وذكرتي كل مستوي التهميش والفقر بس نسيتي حاجه مهمه جدا
وهو التهميش النفسي او الانساني
عندما نصبح في مجتمع ليس انا اي وزن او قيمه وتجدي التافهين والهايفين هم الذين يجدوا كل وسائل الحياه الحياتيه ففي مجله البيان الامارتيه ذكرت ان اكبر دوله بها نسبه عنوسه هي مصر والنسبهكبيره مش متذكرها وتجدي الحكومه في هجوم دائم علي المواطنين
انتي جيتي علي الجرح يا صفاء ربنا يسامحك