Friday, September 22, 2006,3:36 PM
اعــتــيـــاد
.
تقترب عقارب الساعة من السابعة ، تنظر اليها مرة أخيرة بلا تعبير معين تتناول حقيبتها وتمضي
تضع ساعتها على معصمها كما اعتادت ، كم تكرة عدم اتفاق الدقات مع نبضاتها وعلو صوتيهما معا ،، طيلة عمرها تكره الساعات فلـِم ترتديها لا تعرف ،، يتوقف التاكسي كأنما اعتادها هو الآخر ، كلمة واحدة لا اكثر وينطوي الطريق
هي: خمس دقائق لأصل
.
يصل مبكرا ً كعادتة يقف على ذات المربع الرمادي من الرصيف متأملا الطريق قبل السابعة بدقيقتين ستصل، يعرف هذا جيدا ولا ينتظره ، يتخذ وضعيه الانتظار ويتذكر أن يبتسم
هو: في موعدك تماما
.
يحتضن كفيها بكلتا يديه ، ولا يحتفظ بهما فتسير بجانبه، لم يتخلى عن كفها ولم تحاول ان تسحبه دخلا مكانهما المعتاد لم يحاولا قط تسميته أو رفع الرؤوس ليقرأوا اسمه ، حتى العاملين حين اعتادوا رؤيتهم اكتفوا برفع أيديهم بالتحي’ ولم يقابلوها بشئ ، فقط غمغمة ما ... مكانهما المعتاد خالي ،، وان لم يكن فهناك مكانهما البديل وعند الشرفه بديل البديل
.
هو لذاته : مشروبك المعتاد سترشفيه ببطء ، عيناك المغمضه واللوحة رائعة التلوين على جفنيك ، تداخل الأزرق احببته فاعتدته فنسيتة تماما، ذات الخصلة ستنزلق على عينيك فتخفيهما للحظة ، سترفعين وجهك لتقولين شئ ما ثم ستصمتين
هي: مالك ... ساكت ليه ؟
.
هي لنفسها : جلستك المعتاده رأسك ترجعه للخلف ترتشف قهوتك بسرعة وتدير الفنجان شاردا لدقائق عدة وتعطينى ردا متأخرا لسؤال ما وتعود لصمتك
هو : انتي كمان ساكتة
.
هو لنفسة: اه لو تفهمين انا لا أريد الابتعاد ، فقط أريد ان أبحث عنك ، أن أقف أمام مرآتي فارى انعكاس بريق عيونك ، أغمض عيناي كي أجدك ، ابتعد قليلا فقط .. ليس عن كره أو زهد ولا ملل ولا عبث فقط أريد الأبتعاد وانت لا تريدين لن أجرحك سأظل
هو : هشوفك بكرة ؟
.
هي لنفسها : أنا لا أبحث عن الانبهار ولا الجنون لكني أبحث عن صورتك على الوسادة فلا أجدها ،، لا اقرأ اسمك ما بين سطورى ، انا فقط مللت اختصار اللقاء في خطواتك المعتادة ، كلماتك المعتادة ، صمتك وصمتي ، أريد الإبتعاد قليلا لابحث عنك وعني لكنك لن تفهم ، اعتدتك طفلا فإما كل شئ أو لا شئ على الاطلاق وانا لا أريد ان افقدك
.
هي : اشوفك الساعة سبعة
 
Posted by saso | Permalink |


69 Comments:


  • At 7:47 PM, Blogger أجدع واحد في الشارع

    تعالو شفونى وانا غبى

     

  • At 8:05 PM, Blogger يا مصر اكتب إليكي رسائلي

    تحياتي ولحد عندكم جي اقول
    بمناسبة الشهر الكريم كل عام وانتم والأسرة الكريمة وكل الأصدقاء والأحباب بالخير ومصرنا الحبيبة كلها بالخير واليمن والبركات

     

  • At 8:36 PM, Blogger محمد أبو الفتوح

    إزيييييييك
    نفس الأسلوب الرائع المتجدد
    عجبتنى أوى كذا حاجه
    أولا : اللقطه بديعه و قليل اللى ياخد باله منها حتى من اللى عايشينها
    ثانيا: قليل اللى بياخد باله إن فيه حل تانى غيى الإنفصال
    ثالثا : فكرة الحديث مع الأخر و الحديث الموازى مع النفس خلتنى أحس إنى عارف كل حاجه
    رابعا : التفاصيل رائعه زى نفس البلاطه و المكان البديل للبديل أنتى فنانه بجد
    خامسا : المفارقه بتاعت (أنا عارف و انتى عارفه بس إحنا الإتنين مش عارفين)
    هو ده اللى بيحصل كتييييير فى العلاقه بين أى إتنين بصرف النظر عن طبيعة العلاقه
    أحيكى بجد يا ساسو بجد بجد
    و فرحان بكل ده عموما
    أحلى سلااااااااااااااااام

     

  • At 8:37 PM, Blogger مفلس افندى الرايق

    الساعه السابعه

    والاخت العاشقه

    والاعتياد على الصمت

    والعيون الشارده



    على فكره فكرك حلو جدا

    كل سنه وانتى طيبه

    تشربى شاى؟

     

  • At 8:45 PM, Blogger هيثم محفوظ

    الواد أبو الفتوح مخلاليش حاجه يا شموسه عشان أقولها:)
    بس بجد فيه حتت لازم أتكلم عنها
    حلو قوى ملاحظة وضعية الإنتظار
    حلو قوى أسلوب حوارك سواء مابينهم هما الإتنين أو ما بين كل واحد وذاته
    حلو قوى ملاحظة إن هو بيشرب القهوه بسرعه و متوتر وهى بتشرب على مهلها و مغمضه عينيها
    اللى خلاها ما تسحبش كفها من بين أحضان إيده إنتى كاتبه الجزء ده بطريقه حسستنى قد إيه إنها متشوقه للأمان
    بجد مش لاقى حاجه تانيه أقولها بس بجد إنتى وجودك مالى علينا البلوجز و الدنيا
    سلام يا جميل

     

  • At 11:38 PM, Blogger saso

    أجدع واحد في الشارع

    إرحم نفسك بجد انت قاسي علي نفسك اوي،، مين قال انك لازم تبقي مثالي علي طول الخط

    يا مصر اكتب إليكي رسائلي
    كل سنة واحنا طيبين :) ميرسي

     

  • At 11:51 PM, Blogger saso

    محمد أبو الفتوح
    أخـيـيـيـيـيراً انا قلقت عليكم بجد انا كويسة خالص خالص الحمد للة
    ميرسي بجد
    الملحوظة الخامسة دي اللي فرحانة انك شفتها اوي،، حقيقي مش اي حد يقول كومينت:)
    ميرسي بجد بجد
    واحلي سلااام علشان كنت مفتقداها

     

  • At 12:02 AM, Blogger saso

    مـفـلـس
    حلوة الإعتياد علي الصمت

    فكرك حلو جدا .. يا سلاام بجد ؟؟
    كـل سـنـه وانـت طـيـب
    بلاش شاي بشرب المشروب الرسمي بتاعنا خلي الشاي لبكره
    اتفقنا

     

  • At 12:33 AM, Blogger saso

    هـيـثـم مـحـفـوظ
    بجد ملاحظاتكم مفرحاني قوي،، انا مقريتش الكلام من بعد ماكتبتة بس عجبني من كلامكم:)
    انا كنت اقصد انهم مختلفين في طريقتهم المشترك بس احساسهم بالاعتياد
    البنت فعلا بتدور ع الامان زي ما قلت
    وجودك مالي علينا البلوجز :)
    واللة انا كنت بادور عليكم لما غيبتوا كام يوم الدنيا كانت فاضيه
    باي يا جميل

     

  • At 12:45 AM, Blogger Mamdouh Dorrah

    العشق وطن...و التفاصيل الجميلة حياة..و الحنين الحلو للحظة جنون...بيكي هاكون... بيكي بسافر للوطن ضحك و سكون... بيكي انبهار اللحظة يخلقني هوي...انتي الهوي ... و انتي الوطن ...و انتي الجنون

     

  • At 2:44 AM, Blogger أحمــــــــدبــــــــــلال

    فأما كل شئ أو لا شئ على الاطلاق

    أحببتها للغاية
    يمكن علشان أنا كمان كده

     

  • At 2:50 AM, Blogger saso

    cortex
    لو اعرف انك هتكتب كومينت زي دة كنت حطيت البوست دي من بدري
    انتي الهوي،، انتي الوطن ،، وانتي الجنون
    ما دة اللي كانوا الاتنين بيدوروا علية

     

  • At 2:54 AM, Blogger saso

    أحمد بلال
    تصور وانا كمان كدة :)
    بس يا احمد يمكن دة اللي بيخلق التعود فالملل
    انا عندي الملل كابوس

     

  • At 6:54 AM, Blogger LAMIA MAHMOUD

    حسيتها اوي لانك وصفتي فترة من عمري .. ياريت لو الابطال حقيقيين قوليلهم يتمسكوا ببعض ياخدو اجازة نقاهة يسموها اللي يسموه بس ما يبعدوش لان العلاقة دي مش حتتكرر
    اسلوبك حلو قوي بجد

     

  • At 7:16 AM, Blogger layal

    قد لا يتفهم البعض الحاجه للابتعاد ليس هروبا ولا كرها
    هي حاجه في النفس اكبر من ان يمكن الحديث عنها

    وكل عام وانت بخير
    ورمضان كريم

     

  • At 10:25 AM, Blogger Unknown

    نفس الوشوش
    نفش المشاعر
    نفس زرقة السما
    بس احنا زى ما احنا واللا
    ؟؟؟؟؟؟؟؟

     

  • At 12:03 PM, Blogger saso

    lamia
    لميا انا لما دخلت عندك لقيت كل اللي فكرت اقولة مرات فهصدقك لما تقولي انك حسيتيه علشان انا حسيت كل كلامك

    ماهي مشكله اي اتنين مفيش وسط يا يقربوا بجنون يا يبعدوا فجأه

     

  • At 12:25 PM, Blogger saso

    layal
    صح كل واحد بيخاف يقولها او بيستني تيجي من التاني وساعتها اللطيف بقي انه ممكن يحس بوجع مع انه كان بيتمناها
    كل سنه وانت وكل البحرين بخير يا جميله

     

  • At 1:21 PM, Blogger moorgen

    This comment has been removed by a blog administrator.

     

  • At 1:23 PM, Blogger moorgen

    :)
    :)
    لا تعليق
    بجد روعة يا صافى

     

  • At 1:29 PM, Blogger sarah la tulipe rose

    كل سنة و انت طيبة و رمضااااااان كريييييييييم!!

     

  • At 2:51 PM, Blogger سندباد مصري

    عبقريه

    اعجبني ما دار بينهم

    جدا جدا

    دون وجل ها يحدث كل يوم

    وهو طبعا عيب الكب علي النفس والخوف من ال... اسف عارف ان الحاجات ديه مبتتشرحش

    بس هيا جميله جدا

    سندباد

     

  • At 3:44 PM, Blogger saso

    أبو أمل
    نفس الوشوش ونفس المشاعر بس من غير حريق
    يبقي مش احنا زي ما احنا صح؟

     

  • At 3:46 PM, Blogger saso

    moorgen
    بجد يا شيري عجباكي
    :)

    sarah
    كــل ســنــة وانـــت طــيــبــة يا جميلة

     

  • At 4:06 PM, Blogger saso

    سـنـدبـاد

    بجد عجب كل السناديب ؟!؟
    الخوف من ال ... صح

    :) ميرسي بجد فرحانه

     

  • At 6:39 PM, Blogger admelmasry

    كل سنه وانت طيب يا جميل

     

  • At 11:15 PM, Blogger مـحـمـد مـفـيـد

    كل مره اجي متاخر اوي
    معلش خليها عليكي
    رمضان كريم
    حلو اوي الكلام المتوازي المسترسل وتعبيراتك الرنانه التسي تجعلني اتوقف لاتامل

     

  • At 12:52 AM, Blogger Unknown

    Firstly Kol Sana wenty tayeba :)

    Considerin this short story, one of the most stories I enjoyed in my life. So detailed and so sensitive. I can't add to any other reply.

     

  • At 1:10 AM, Blogger mariam

    بجد مش عارفة اعلق على الكلام الحلو دة
    كل سنة وانت طيبة

     

  • At 1:30 AM, Anonymous Anonymous

    ايه الجمال ده احساس بجد احساس يعنى فيلينج استمرررررررررررى انت كويسه اوى

     

  • At 2:17 AM, Blogger أحمــــــــدبــــــــــلال

    أنا كمان عندى الملل كابوس
    ده غير أنى أصاب بالملل بسرعة

     

  • At 10:51 AM, Blogger saso

    adm
    :) كـل سـنـه وانـت طـيـب

    مـحـمـد مـفـيـد
    مش قلتلك بنستناك ولا يهمك :) اللة أكرم
    و كل سنه وانت وعبد اللة وشيرين طيبين

     

  • At 11:15 AM, Blogger saso

    IRC
    kol sana wenta tayeb my dear irc

    Ouch u mean that really, i'm so proud u said so
    thnx

     

  • At 11:22 AM, Blogger saso

    mano
    كـل سـنـه وانـتـي طـيـبـه يا جميلة :) ميرسي

     

  • At 11:26 AM, Blogger saso

    واحد من الناس
    ميرسي اوي اوي
    :) اةة..كل سنه وانت طيب

     

  • At 10:20 PM, Blogger saso

    أحمد بلال
    الملل وحش اة،، بس مش لدرجة الشعر الثوري اللي قريتة عندك :)

     

  • At 8:26 PM, Blogger كلبوزة لكن سمباتيك

    ايوة يا اختشي قولي
    تعود علي الصمت
    او
    بلع لسانه
    النتيجة واحده
    بس الخوف انه لما يبلع لسانه يتسمم
    يلا حصل خير
    جميلة انتي و كتاباتك
    رمضان كريم

     

  • At 8:37 PM, Blogger saso

    سـمباتيك
    الاتنين وحياتك يا جميلة... خرس مزدوج ما هي ناقصة
    ميرسي يا جميلة
    الله أكرم:)

     

  • At 3:00 AM, Blogger مفلس افندى الرايق

    معاكى ربع ريال فضه احول ومستوى سلف

     

  • At 1:19 PM, Blogger saso

    مفلس
    ربع ريال مره واحده.. طيب , و ترجعهولي ريال بعد اسبوع؟

     

  • At 7:27 PM, Blogger ayman_elgendy

    أهذا ما يدعونه....الأوتار الفائقة؟؟

    ...ربما

     

  • At 8:29 PM, Blogger sherif gharib

    ياه صعب قوى ان العيون تبقى عايزه تقول و اللسان عاجز عن التعبير على فكره انا عشت اللحظات ديه كلها و جربتها بس النتيجه ماكانتش فى صالحى لان الكلمات كانت الحل الغير متبع فكانت النتيجه..........
    يا ريت تفكرى كتير قوى قبل اى قرار
    تحياتى

     

  • At 12:10 AM, Blogger saso

    ayman elgendy
    ولو اني مش عارفه اية هيا الأوتار الفائقه بس اكيد هيا
    أيـمـن ممكن لو عديت تاني تفهمني ؟

     

  • At 12:53 AM, Blogger saso

    sherif gharib
    اة صعب لما يبقوا اتنين بيتقابلوا واغلب كلامهم مش بيتقال.. يعني انت شايف زيي انهم ياخدوا اجازة ويفكروا

    لا والله ما انا دي مجرد حدوته لو انا كنت قلت علي طول انا مبستحملش اصلا
    :))

     

  • At 3:01 AM, Blogger Gbalawy

    عارفه لو فعلا قدروا يخدوا فتره يبعدوا فيها عن بعض شويه زى ما هى اقترحت وقتها هاتعرف ان الروتين فى حد ذاته احساس بنحتاجه اوقات وهاتقدر قيمه انه يبقى جنبها وده فى حد ذاته كفايه جداا


    تحياتى

     

  • At 3:09 AM, Blogger saso

    gbalawy
    صح محدش فيهم قال انه عاوز يبعد بس الروتين هيخنقهم الاتنين والاتنين خايفين يقولوها

    تقبل الله عمرتك وكل سنة وانت طيب

     

  • At 2:32 PM, Blogger محمد أبو زيد

    تكرة عدم اتفاق الدقات مع نبضاتها وعلو صوتيهما معا


    جميلة أوي اللقطة دي يا ساسو

     

  • At 3:38 PM, Blogger saso

    مـحمد أبو زيد
    جميل ان انت الوحيد اللي لاحظتها

     

  • At 11:04 PM, Blogger tota

    العزيزة ساسو
    التصوير الدقيق والوصف المفصل مع الحوار النفسى وكلمات الشفاه شكلت كلها نصا جميلا حقيقة يوحى بمدى النمطية فى علاقة الحب مع الاحتفاظ
    بنفس ذا ت المشاعر التى تحمل القلق والرغبة فى الاستمرار على نفس النمط

    لا ادرى اعترتنى الحيرة ماذا بعد هل هذه المشاعر بداية النهاية ام هى استمرار غير محدد لنفس النمطية ؟

    تحياتى على النص المتشابك الجميل

     

  • At 11:38 PM, Blogger saso

    tota
    بجد يا جميلة عجبتك ؟
    استمرار غير محدد لنفس النمطيه.. حلو التعبير دة اوي
    افتكر اة استمرار لحد ما اللي بينهم يتخنق ويبقي معادهم واجب ثقيل

    ميرسي يا جميلة

     

  • At 11:42 PM, Blogger أجدع واحد في الشارع

    ياة هو لسه البوست ده موجد
    ايه هو انتو بتصمه رمضان
    وصيام فى البلوج كمان ولا ايه
    تعالى شوف البوست الجديد

     

  • At 11:54 PM, Blogger saso

    اجدع واحد في الشارع
    باكتب اهو دلوقتي تصور
    :)
    حاضر انا جايه

     

  • At 12:39 AM, Blogger moro

    انا عارفة إتى متاخرة اوىىىىىىىىىىىىىى بس يا جماعة انا و شيرى كنا من أول ناس نقراه مع ساسو أحلى حاجة فى البوست ان الاتنين عايشين فى حالة توتر و برده محافظين على مشاعر بعض، بس فى حاجة مش واخدين بالهم منها إن لازم الواحد يفرمل أما يحس إنو اتعود، يراجع نفسوا ما انا ممكن اتعود إن اشوف واحد كل يوم و بعد كده يجى حد تانى ينسانى الاول ، حافظوا على الحب و خافوا عليه من الاعتياد

     

  • At 12:42 AM, Blogger tota

    العزيزة ساسو
    دعينى احاول تفسير رأى الجميل ايمن الجندى الذى اشار بكلمتين الى مضمون كبير جدا واتمنى ان يصحح هو ما فهمته

    نظرية الأوتار الفائقة
    . تقول هذه النظرية ان الأشياء مكونة من أوتار متناهية في الصغر لا سمك لها. هذه الأوتار تتذبذب فتصدر نغمات يتحدد بناء عليها طبيعة وخصائص الجسيمات الأكبر منها مثل البروتون والنيوترون والالكترون وغيرها. وتكمن ميزة هذه النظرية في أنها تأخذ في الحسبان كافة قوى الطبيعة: الجاذبية والكهرومغناطيسية والقوى النووية، فتوحدها في نظرية واحدة، تسمى النظرية الأم.

    الكون في تصور هذه النظرية هو عالم ذو عشرة أبعاد، على خلاف الأبعاد الأربعة التي نحس بها. الا وهى الطول والعرض والعمق والزمن . فهذه النظرية تقدم تصوراً جميلاً للكون ضمن إطار موسيقي يقول لنا بأن كل شيء هو نتاج نغمات وذبذبات لأوتار صغيرة. ما نحن إذاً إلا
    نتاج الموسيقى وفق هذه النظرية الحديثة.
    وقصد ايمن ان منظومة البوست هو ذبذبات موسيقية تلعب بوتر الزمن

    تحياتى

     

  • At 12:51 AM, Blogger saso

    loca
    حياتي.. يفرمل دي حلوه اوي
    صح يا مورو يحافظوا علية من الاعتياد قبل اي حاجة تانية
    سيبك العربي بتاعك بقي قوي جدا انا بافكر تدي دروس عربي بقي

     

  • At 1:15 AM, Blogger saso

    tota
    انا مفكرتش فيها كدة خالص
    ياااه دى احلي كتير دلوقتي
    انتي جميلة بجد
    ميرسي يا توتة
    :)

     

  • At 12:28 PM, Blogger محمد أبو الفتوح

    إنتى فين يا ساسو
    أنا كتبت جديد

     

  • At 4:32 PM, Blogger ayman_elgendy

    سيدة القصر ساسو

    الأميرة الزائرة توتا

    :-)

    في اسطر معدودة استطعتي ان توضحي ما عجزت عن شرحه لساسو...حاولت اختصر ما اريد ان اقوله مثلك ولكنني فشلت و بجناحيكي الملائكيين جئتي هاهنا لتساعدي العبد الفقير

    ساسو

    الاوتار الفائقة....الابعاد العشرة.....نظرية كل شيء....المنمنات الكونية.....متي بدأت الابجدية؟؟....كيف يتولد الشعور؟؟.....هو وهي؟؟......الأدب والفلسفة والعلم والتاريخ والموسيقي.....من اين ابدأ واين سأنتهي؟؟

    مودتي

     

  • At 8:28 PM, Blogger sherif gharib

    ايوه انا شايف انهم ياخدوا فتره مش اجازه
    بس فتره كل واحد يحس فيها انه عايز يعيد مشاعره من تانى
    و على العموم اللى ايده فى الميا مش زى اللى ايده فى النار
    تحياتى من جديد

     

  • At 12:12 AM, Blogger moro

    ميرسى يا سوسو بجد فرح أوى اما تقولى كدا

     

  • At 4:07 PM, Blogger saso

    مـحـمـد أبو الفتوح
    والله بافتح عندك حالا دلوقتي
    نفس العيال اسمها
    هاقرا واقوللك رأيي :)متاكدة انها حلوه

     

  • At 4:10 PM, Blogger saso

    ayman- elgendy
    لما قرايت التعليق مفكرتش فيها خالص كده او ممكن حسيت انها كتير اوي
    مودتي وشكري
    :)
    وبجد ميرسي جدا يا توته

     

  • At 4:26 PM, Blogger saso

    sherif gharib
    خلاص مش هاسميها اجازه
    اللي ايده في المياة مش زي اللي ايده في النار دة انا صح ؟
    :)
    تحياتي ليك

     

  • At 4:39 PM, Blogger saso

    eng-crazy
    u know i really admired your blog,
    yeah mosireen, we don't even make the confession we just continue and waste the love

     

  • At 4:41 PM, Blogger saso

    loca
    اي خدمة يا أحلي مورو في الدنيا

     

  • At 11:11 PM, Blogger shimaa

    enty 3bkry ya bnty wallahy ..7war 3bkry bewsf 7alty eli ana feha..2lbty elmwag3..w adeny mkmla ze 2btalk belzbt l7d ma ashof eh a5rtha

     

  • At 11:33 PM, Blogger saso

    shaimaa
    ouch, 3abkareya mra wa7da :)
    asfa 3lshan 2alebt elmwage3
    yarab akhretha teb2a 7elwa ya gameela
    :)
    merci

     

  • At 8:12 PM, Blogger aMiR-El ZaLaM

    إسلوب جميل..

    وبالذات الحوار الذاتى اللى بيدور بداخل كلاً منهم...


    تحياتى للبوست اللذيذ أوى ده..

     

  • At 8:58 PM, Blogger saso

    ــلامaMiRالظـ
    بعد ما قريت اسلوبك في السرد
    يبقي افرح اوي اوي لما تكتبلي كده
    :)

     
Post a Comment ~ back home
Cheer Up It's Spring Time is dedicated and designed by ferekico Special thanks and real appreciation for ferekico