Sunday, August 27, 2006,4:43 PM
الأزرق شديد الصفاء
.
استيقظ لاجد شمسا وليدة .. طازجة ... بريئة مثلي، حادة مثلي، تسطع بإلحاح كأنما الأفق مملكتها الخاصة فلا مكان فيه لغيوم او ظلال،، والأصفر الدافق كلوحات جوخ - التي لا أهواها - يسيطر علي الموجودات فيغرقني حنينا للأزرق .. ارتدي قطعة زرقاء وابتسامة وردية
.
البحر .. ومنذ متي أحن للبحر ،، لم يكن البحر يوما ضمن مفردات عالمي الأثير او ربما كان مجرد خلفية .. أهواه أم لا ؟ لا يهم وهل يطلب الحنين تفسيرا ليبرره
.
تحكم الشمس قبضتها يبتئس البعض، ينتعش البعض ، ينتصر البعض... ينشغل الكل وانشغل معهم ، وافاجئني في مرآة ما ابتسم ‍‍‍‍‍‍‍‍!! ينقضي يومي سريعا بطيئا لا أدري فقط ينقضي .. أفكر في ألف ألف فكرة وهذا ما اعتدت علية، فأين الجديد .. حسن لنصيغها ثانية : فأفكر في ألف ألف فكرة باسمة .. ألف فكرة صافية
.
قمر أزرق فضي .. يملك القمر جانبا ازرق لا يظهره دوما.. ليس بهذه السذاجة القمر، هو فقط يتخير ليلاته لينثر لآلئ بيضاء بانعكاس أزرق. اجمعها كلها وانتظر شمس وليدة .. طازجة دوما بريئة دوما.. ويوم جديد
.
هل تتذكرون آخر مرة أحسستم فيها باكتمال الرضا تجاه كل الموجودات .. كل مفردات يومك حتى لتتساءل أمن الممكن ان تغدو الأمور أفضل ؟ .. فقط لتجدها وقد تحسنت بالفعل .. فلا تفاجئ انعكاس وجهك في المرآة الا وتراه يبتسم راضيا .. وكأن الكون اختصر في تلك اللحظة فلا احتمال لتبدل او عبوس
.
كل شئ من حولك يدور كما اعتاد .. المفردات ذاتها .. بيت وعمل واختزال شديد لما بينهما، لكنك أانت .. أنت الجديد اصطبغت كلماتك وافكارك وابتساماتك باللون الأزرق الصافي شديد السكون، شديد الصفاء ... ولأول مرة اكتشف انها حروف اسمي .. وإنني ماسمعتها قط كما اسمعها الآن
.
هل تذكرون تلك المقولة الساذجة بان لكل منا نصيب من حظ اسمه.. حروفي الان فقط ليست حروف اسم هي الآن وصف
.
اسبوع مضي وأنا في تلك الحالة السنافرية
 
Posted by saso | Permalink |


28 Comments:


  • At 10:54 PM, Blogger قلم جاف

    اكتمال الرضا تجاه الموجودات.. ممم

    كان عندي حلم بسيط صغير ، أقعد على شاطئ البحر أبص عليه والهواء "النكي" بـ"يطس في جفايا" مع الاعتذار لأحمد بدير..

    حصل دة في راس البر ، وما كنتش سعيد .. ونفس القصة لما قعدت قبل أسابيع في كازينو على البحر في بورسعيد (والصراحة كان صاخب طحن) ..دايما فيه حاجة ناقصة.. حاجة لو موجودة حأفرح وحأخرج من حالة الضيق اللي ساعات بتلازمني كبني آدم .. حتى لو كتبت الحاجات اللي ممكن تبقى مفتقدة زي وجود الشلة والجو المرح والكوتشينة والحاجة الساقعة .. برضه حيفضل فيه شيء ناقص!

    إن كنتي بتسأليني عن آخر مرة حسيت فيها بالرضا عن كل الموجودات .. أنا شخصياً مش فاكر ، ومش في المواصفات اللي تخيلتها في الفقرة الأولانية ، ويمكن بأحس بالرضا في أوقات مبفكرش فيها في الحاجة الناقصة ، ولا بأكون مجهز نفسي ليوم ممتع ، ولا بألم كل اللي بأحلم بيه ومستني السعادة تنزل فوق دماغي زي المطر..

     

  • At 12:40 AM, Blogger littilemo

    ممممممممممم

     

  • At 1:44 AM, Blogger saso

    قلم جاف
    مممممم
    انا كل احلامي مكانش فيها بحر خاااااالص اساسا .. بس اهو تغيير

    هتنزل زي المطر.. زي مانت قلت لما ماتستناهاش.. تفاصيل غريبة وصغيرة اوي بتخليك سعيد وتفاصيل اصغر بتبوظ اجمل يوم
    جايز اللي ناقص هو الرضا عن الموجودات نفسة.. الاسبوع اللي فات مكانش مميز الاسبوع دة كل حاجة متغيرة.. رجعتلي حالة السنافر

     

  • At 10:55 AM, Blogger Mamdouh Dorrah

    SASOO...
    البحر .. ومنذ متي أحن للبحر ،، لم يكن البحر يوما ضمن مفردات عالمي الأثير او ربما كان مجرد خلفية .. أهواة أم لا ؟ لا يهم وهل يطلب الحنين تفسيرا

    القمر، هو فقط يتخير ليلاتة لينثر لآلئ بيضاء بانعكاس أزرق. اجمعها كلها وانتظر شمس وليدة .. طازجة دوما بريئة دوما.. ويوم جديد


    باكتمال الرضا تجاة كل الموجودات

    حروف اسم هي الآن وصف

    ساسوو.... كل شئ بأوان

     

  • At 11:15 AM, Blogger moorgen

    صافى
    كل مناله يوم يشعر به بالرضا ولكن لايدوم ذلك الشعور

    انا احب البحر واحلم ان يأخذنى البحر بين طيات امواجه فالبحر الوانه دائما اراها مختلفه حسب حالتى فالبحر ليس ارزق ولكن انظرى اليه وقت الغروب وقت الشروق وقت السعاده والفرح تجديه كل وقت بلون مختلف
    اما القمر فهو نو رالامل فى ظلام اليأس

    صفــــــــــاء كم اتمنى القلوب الصافيه
    صفوف الحب اتجمعت و
    ابتسامه صادقه
    فى القلب اتسكنت

     

  • At 11:20 AM, Blogger moorgen

    اه صافى انا اليومين دول مش مرتاحالك الحاله الغريبه دى انا كدا قلقانه عليكى

    وعلى فكرة بطلى تضحكى بالطريقه دى وتبينى سنانك اللى فرحانه انك غسلاها بكولوجيت
    :D
    ههههههههه

     

  • At 12:15 PM, Anonymous Anonymous

    يمكن يكون الأخ قلم جاف عبر عن شيء مهم جدا...موضوع أن في حاجة ناقصة ...بغض النظر عن الزمان والمكان...دايما بتكون في حاجة ناقصة علشان الواحد يحس بالإرتياح تجاه الواقع أو الحياة عموما.
    الحالة بتاعة السنافر اللي بتعيشها ساسو السنفورة...أو حالة الصفاء النفسي ساعت بتحصل ليا بس مش بتقعد غير ثواني بسيطة جدا...دايما بتحصل حاجة تنكد عليا..ما علينا...البوست جميل قوي وفعلا الواحد ممكن يحس براحة نفسية بمجرد قرأته

     

  • At 12:20 PM, Blogger saso

    littilemo
    :)

    cortex, cortex.. cortex
    اهو كل شئ باوان

     

  • At 12:48 PM, Blogger saso

    moorgen
    انا اذن الوحيدة التي لم تحلم بالبحر.. حسن لدي انا الاخري بحرا الآن
    صــفــاء .. هبتدي احب اسمي باين ولا اية

    دة كان الجزء المؤدب نبتدي التشرد بتاع المكتب بقي

    يابنتي الناس هنا مش شايفاني لية تقولي .. اللة !! وعموما دة كلوس اب مش كولجيت بقي ،مبسوطة اية اللة !!المكتب بقي موزاييك وعنبر مستشفي حكومي بس مبسوطة
    الحلوة مطلعة روحي بس مبسوطة.. يابنتي اديني منورالك المكتب وعملالك شيير اب
    بلاش هابقي اضحك في العنبر بتاعي و متجيش عندي تاني بقي

     

  • At 12:53 PM, Blogger saso

    mgm
    وهوا برضة حلها لما قال بيحس بالرضا لما مايفكرش في الحاجة الناقصة
    ساسو السنفورة بقالها اسبوع وشكلها هتطّول حبة :) لو حسيت براحة نفسية زي مابتقول يبقي دة احلي حاجة سمعتها النهاردة
    علي فكرة انا سمعت حاجات حلوة النهاردة كتير

     

  • At 9:25 PM, Blogger محمد أبو زيد

    أحيانا أنفخ في زجاج المترو
    حتى يجيء البخار
    فأكتب اسمي
    واسم قريتي
    بحروف منمنمة صغيرة
    ترتجف من الصقيع
    أحيانا أربت على أكتاف المراكب التي تعبر النيل
    وأنا أغمس عيني في أكواب البكاء


    هل هذا هو اكتمال الشعور بالأشياء يا ساسو

     

  • At 12:29 AM, Blogger saso

    محمد أبو زيد
    لعبتي الشتوية الأثيرة :)الفائدة الوحيدة للشتاء انة يجسم الكلمات فتخرج لها حجم ووقع وبخار ابيض

    غيرك لا يري الأشياء اساسا او يراها عديمة التفاصيل.. ياااااة تفاصيل الدنيا حلوة اوي اوي

     

  • At 4:28 PM, Blogger مـحـمـد مـفـيـد

    اعتقد ان دائما ما يعشق الانسان كثيرا ولكن متي يجد ما يعشق في ظل كل الافتقادات الموجوده حواليننا

     

  • At 7:13 PM, Blogger saso

    namlaaa
    ( لكى يحس الانسان بالجمال الموجود حوله يجب ان ينسى الواقع ويعيش فى دنيا الخيال)!!!! لا انا بالنسبة لي الموضوع جاي واقعي خالص.. وبرضة حلو اوي

    مـحـمـد مـفـيــد
    لك حق مادام حالة الهدوء والفرح بقي استثناء.. يارب يطول معايا :) سنتين تلاتة كدة

     

  • At 2:16 AM, Blogger Mamdouh Dorrah

    أنت الجديد اصطبغت كلماتك وافكارك وابتساماتك باللون الأزرق الصافي شديد السكون، شديد الصفاء

    برافو عليكي... الصورة دي شدتني.. بس اللون الازرق مش ساكن... و اسأليني أنا...ما انا قاعد قدامه طول النهار

    عارفه اية هو اللون الساكن فعلا.. الزتوني

    احملني... طيرني

     

  • At 3:10 AM, Blogger كلبوزة لكن سمباتيك

    جميلة يا ساسو
    بتستخدمي الكلمات بطريقة عازف كمان
    خالص تحياتي

     

  • At 8:05 AM, Blogger سندباد مصري

    يا بختك

    ممكن اعرف الوصفه السحريه الي خلتك توصلي لتلك الحاله

    من الهدوء

    سواء كانت اكل أو شرب ( أو غير ذلك ) انا مهتم

    اصغت الكلمات بأحتراف

    تحيه

    والسلام

     

  • At 1:28 PM, Blogger saso

    cortex
    بالنسبة لي كان ازرق..

    لم يزدني الورد الا

     

  • At 1:33 PM, Blogger saso

    سمباتيك
    ميرسي يا قمر.. انتي عارفة اني بموت في طريقتك .. الجد والتهريج احلي من بعض
    في المدة اللي فاتت كنت فرحانة بكتاباتك البريئة الرقيقة اوي اوي
    لحد مافوقتيني تاني بموضوع الخاطبة اونلاين:)

    بــحــب مـصــــــــر
    دخلت عليها دلوقتي
    بحييك علي السلوجان اللي كان عاجبني لما قريتة اول مرة .. هارد عليك هناك

     

  • At 2:15 PM, Blogger saso

    سـنـدبــاد
    يا بختي

    ولا اعرف اساسا انا متفائلة غالبا بس الايام دي السنافريزم زادت
    بحس وبالمس وبادوق المزيكا والشوارع والشمس والزحمة
    هتضحك لو قلتلك اني مارحتش الشغل النهاردة علشان قطة وليدة .. وامبارح مانمتش علشان اشوف الشروق
    غـــنّـــــــــي وبعلو صوتك

     

  • At 12:40 AM, Blogger saso

    beholder
    فاتحاهم علي وسعهم واللة
    بس انا عندي نور علي قدي .. زي القري المكتفية ذاتيا كدة ( خيال علمي (

    يا باسط .. اديني قلت اهو
    انا دخلت صدفة .. واللة جوجل دة بقي مسلّي ادور علي حاجات اوقات يفتحلي البلوج بتاعي :) بس حلو اهو جابني عندك

     

  • At 2:29 AM, Anonymous Anonymous

    عزيزتى
    انا حلمت بحلم شديد الخصوصية لى
    لم يكن فيه بحرا ولا برا
    كنت ملاك بجناحين اطير جوا
    كانت الارض بين يدى كحبة اللؤلؤ
    ظلت تتقلص فى حجمها حتى صارت كحبة رمل
    وتلاشت فيها كل الالام والاحزان والاطماع والصراعات
    ذاب البشر كلهم وكونوا ريش اجنحتى بكل الوانه
    ورفعنى لاعالى الكون
    يا ترى هل ممكن كل انسان يحس ان البشر تستاهل تذوب فى جناحيه وترفعه عاليا بدلا من ان تدفنه فى المقابر الجماعية او اسفل العمارات السكنية او فى قتيلااا فى القطارات او بعيدا عن الاحقاد الطائفية والدينية؟؟
    حلمك جميل
    بس صعب

     

  • At 2:14 PM, Blogger saso

    shahrzad
    حلم ؟!؟!؟!! مين بيحلم باية
    يا جميلة .. احلي ما في الموضوع انة مش حلم ... انا شايفة دة مش باحلم بية

     

  • At 10:42 PM, Blogger محمد أبو الفتوح

    لأول مره من زمن _مش طويل قوى عشان أكون صادق_ألاقى حد مش بيعيط و لا محبط و لا و لا و لا ...........
    عارفه أنا بعيش الحاله دى كتير و خصوصا لما أكون على شفا حرف قصيده جديده و عايز أسجل شهاده لكل الناس ماحدش عاش و لا هيعيش حاله أجمل من دى إلا إذا كان متصوف بقى و مع ربه
    أسلوبك و صورك و تركيباتك جديده و انا بعشق دهشة الجديد و صادقه و انا بعشق طيبة الصدق
    و أحلا سلااااااااااااام

     

  • At 4:19 AM, Blogger مـحـمـد مـفـيـد

    والله يا ساسو هتقولي عليا بتكلم كتير قولي
    بس معرفش البوست ده له تأثير مختلف في كل مره ادخل عندك واحسست بالهدوء التي في تعبيراتك رغم كونك عنيفه بعض الشي اليومين دول وباين عليكي

     

  • At 1:58 PM, Blogger saso

    محمد أبو الفتوح
    فعلا بشوف صحابي - اللي بيكتبوا حلو- في حالة مقاربة لما بيحسوا كلام او قصيدة جديدة.النص التاني مش هعرف ارد عليك غير ..أسعدتني
    :)

    مـحـمـد مـفـيـد
    مقدرش طبعا اقول كدة
    يادي المصيبة هوا انا باين عليا اوي كدة العنف :) .. انا بقيت شريرة فعلا انت شفت ردي علي شيري؟ احنا بقينا كدة قط وفار طول النهار :):)

     

  • At 9:16 AM, Blogger doha

    very nice post
    i like your idea a lot
    and am sure ill come back to visit this blog again

     

  • At 9:47 PM, Blogger saso

    doha
    thnx do7a , i'll be waiting for that next visit:)

     
Post a Comment ~ back home
Cheer Up It's Spring Time is dedicated and designed by ferekico Special thanks and real appreciation for ferekico