Name: Saso
Location: Egypt
About me: If you are here then read it till the end. I'm an ordinary Egyptian girl, with lots of concederation of my country and my Dearest contenent Africa. I love million thing hate million thing wanna change million thing. This love-hate relationship is attending with me all over my life. I'm a GEMINI with all the cool sides, bad sides, funny sides and loony sides of a gemini
تلعبوا معانا
Finding Neverland
|
|
 |
 |
 |
الآن، بعدكِ... عند قافية مناسبةٍ
ومنفى، تُصلح الأشجارُ وقفتها وتضحك
إنه صيف الخريف... كعُطلةٍ في غير
موعدها، كثقبٍ في الزمان، وكانقطاعٍ
في نشيدِ
الآن، بعدك... عند قافية ملائمة
ومنفى... تُصلح الأشجارُ وقفتها وتضحك
أَشتهيك وأشتهيك وأنت تغتسلين
عن بعدٍ، بشمسك. إنه صيف الخريف
كعطلة في غير موعدها. سنعلم أنه
إنه صيف الخريف يجيء من وقت إضافيٍّ
فصلٌ يدافع عن ضرورته، وعن حُبّ
الآن، بعدك... عند قافية ملائمة
خرافيّ... سعيدِ
الشمس تضحكُ من حماقتنا وتضحك
لن أعود ولن تعودي
محمود درويش
sharing folder يمكن يبقي ذكري
الدستور المصري
انـي هـويـتـك قـد جـري نـهـر ولـسـوف يجري بـاسـمـك الـنـهـر ايـاك ان تـتـراجـعـي لا لـن يـجـدي الـتـراجـع فـالـهـوي ... قـهـر عـبـد الـعـزيـز شـرف
مشاريع كتابة مؤجلة للأبد ودي اخدنا عليها
واحد من عشرات الأشياء اللي وحشاني في المدونة دي هيا الفضفضة
إمتي بالظبط تحولت المدونة لشئ عجيب اشبه بكراسة تعبير .. معرفش
إمتي ابتديت اكتب عربي من بتاع الجرايد ..برضه معرفش
المهم
عساها تكون بداية فضفضة .. خير
قلم جاف – وشكرا ليه- مرر تاج علي حد تعبيرة " تاجاً جديداً وغريباً .. عن عشرة أسئلة صعبة "
مع رجاء بان تكون مرتبه تنازلياً وليس أحب الي - إن تعرف- من الترتيب التنازلي للأشياء، أساسا معظم اللي بعمله مش بترتيب تنازلي من قرايه الجورنال للمذاكرة للقرارات.. الأقل أهمية فالمهم وغالبا مبلحقش اوصل للأهم
وأسئلتي هي
10- كوبري الجامعة من عشر سنين فيه فتحات شروخ عرضية اتساعها يقترب من اتنين سم ان لم تكن لغرض جمالي سياحي عجائبي ومالهاش أي خطورة علي جسم الكوبري، مينفعش نفتح باب التبرع لشراء شيكارة اسمنت بورتلاند ونسدها؟
9- ليه خطوط الأوتوبيسات الشهيرة بنٌدرتها هيا الوحيدة اللي مبتزيدش ابدا سواء خضراء أو بيضا، بشهادة عاملين في موقف اوتوبيسات اسوأ خطين هما اوتوبيس 12 الشهير –بتاع الجامعة- واتوبيس 919 الشهير برضه- بتاع الجامعة التانية- وان عدد الخطوط اللي دخلت الخدمة المميزة اقل من باقي الخطوط من غير سبب واضح
علي جنب ده مش سؤال يتردد ان الاوتوبيسات المميزة بقت بتقبل كارنيهات اعفاء القضاة والضباط .. بس بـرضـة الصحفيين لا.. أحب الثبات ع المبدا
8- من كام سنة كده كنا نشوف محطة المترو عليها اسم السادات وهيا المعروفة لرواد المترو بانها محطة السردين تصعب علينا مدينة السادات اللي مفيهاش سردينة واحدة، لحد ما اتمدت انابيب السردين لمدينة السادات
دلوقت كل مكان في القاهرة بقي مترو وسردين ، نفتكر حلم ساذج بعاصمة جديدة لا اتحقق ولا باينله تحقيق ..لو بنينا مدينة سادات جديدة؟ هتقعد سكن للبوم والغربان كام سنة ؟ وفي الآخر هتبقي مدينة صناعية برضه؟
طيب هيطلع لها احمد عز جديد ؟
7- بمناسبة الأنابيب.. مين العاقل اللي أفتي بعدم توصيل الغاز للمباني المخالفة بأدوار عالية أو عليها منازعات ملكية الخ الخ، مادم في عاقل اخر قدر قيمة اسطوانة البروبان ب260 جـ بينما تقدم في الدعم ب 2.5 جـ، غير مخاطرها المعروفة في النقل والتركيب والدحرجة ع الاسفلت في سباقات التلي ماتش قبل ماتوصل للمستخدم او للمستودع
6- نفس السؤال تاني.. مطلوب مني كمواطن مش سوبر ومبشيلش حديد مدخليش غاز والمستودع اتقفل ومفيش انابيب ومحدش بيمر بأنبوبة غير كل تلات سنين مرة عشان اصلا مفيش زباين في الشارع غيري ، اني احلها ازاي؟ اقتل السكان او صاحب العمارة سبب التنازع؟ ولا اجيب انبوبة من مستودع علي بعد كيلومترات كتييير وانقلها بنفس اسلوب الدحرجة بتاع التلي ماتش المذكور عاليه؟
5- كل واحد حر في سياسته مقلناش لا، بس ليه –سؤال مش انتقاد- كمية المقاطعات في سياسة الاخوان تقريبا بقت اكتر من المشاركات
4- الانحدار المهووول في برامج LBC الاخبارية مجرد نحس أصابها بعد الاندماج السلمي مع الوليد الروتاني؟ مش كفاية ستار اكاديمي و المسلسل المكسيكي!
3- ايه سبب الشماتة العجيبة في افتتاح قناة ال BBC العربية وربطها بأفول نجم الجزيرة القطرية بعد عشر سنوات صدارة شئنا أم ابينا، واحنا مالنا مش نخلينا في مصيبة قطاع الاخبار ومساءك سكر زيادة
2- أعزائي بتوع حركة كفاية. كل حاجة فيكم حلوة ماعدا السبب من قيام الحركة . فرضنا انه كفاية وبعدين ؟
1- بعد اللي حصل – ولا تعليق- في اضراب 6 إبريل، نزل جزء تاني-محدش يقوللي استثمار نجاح الجزء الأول- ودعوة لاضراب جديد يوم 4 مايو. كان نفسي نستني شوية ملحقناش عيد ملاد الريس نلحق عيد ميلاد جمال
مش سؤال .. ده فضول علمي بحت ! ليه الصبوحة اتجوزت من كام يوم
نمرر التاج لمين بس، فركيكو مش هيعمله ولميا مش هتعملة وليوناردو وعبد الرحمن اتمررلهم، مفيش ضحية غير نور و محمد مفيد يعني؟
| Permalink |
-
At 12:47 AM,
abderrahman -
At 12:55 AM,
abderrahmanأسئلة جميلة
سؤال كفاية التاني، بيفكرني انه الحركة دي كلها اتعملت عشان تقول كفاية لشخص واحد.. وبعد شوية بقى هو وابنه، وبعد شوية بقى هو رجالته
أنا عن نفسي متأكد انه كفاية المفروض تتقال للجميع
**
الشقوق اللي في كوبري الجامعة دلوقتي ممكن الواحد يتفرج منها على النيل او ينزل منها الصنارة ويصطاد سمك، مش اتنين سنتي خالص
**
على فكرة أنا متخيل إنه اضراب عيد ميلاد الريس هيبقى مقلب، عارفة ازاي؟ الناس هتقعد في البيت، يقوموا يذيعوا على التلفزيون حفلة عيد ميلاد الرئيس، ده جزاء اللي يقعد في البيت، ويضرب
:D -
At 12:52 PM,
-
ازيك يا ساسووو
عاش من شافك
تلات أسئلة
واحد
الترتيب التنازلي من فوق لتحت وللا من تحت لفوق عشان بجد انتي كده زلزلتي معتقداتي الحسابية الابتدائية وأنا ليا أخ صغير ومش عايز أضيع مستقبله
:))
التاني
متعرفيش بقى مين اللي صباح اتجوزته؟
التالت
هو مفيش غير تدوينة كل شهر وللا إيه؟
ملاحظة بقى
مرة أنبوبة متدحرجة أمام فتاة ريفية صغيرة ومتعبة من الزق داست على قدمي
:)))) -
هو كل واحد يتزنق في تاج يروح باعته لنور :-)
أولا: انا مضرب ....هما مش قالو الاضراب لحد 4/5
ثانيا : هو بالمناسبه العد التنازلي ده يعني مش من الكبير للصغير يعني من الاكثر اهميه فالاقل فالاقل و لا الدنيا اتغيرت عن زمان و لا ايه بالضبط
رابعا : وهو الأهم -عارف ان مفيش ثالاثا - اني بتقولي كوبري الجامعه امااال لو شوفتي كباري الاوتوستراد
مرااااجيح للصباح الباكر
اما عن البيب بيب انابيب احب احكيلك مغامراتي مع الغاز حيث اني ولله الحمد من قيمه شهرين او اكتر قالولنا ابشروا يا سكان النزهه امكوا دعيتلكوا و هاتركبوا غاز قووووم ايه
قالولنا شيلوا السخانات الكهربا و ركبوا السخنات الغاز علشان نيجي نركبهالكوا قلنا آمين و سمعنا الكلام و الحمد لله بقالي شهرين بستحمي بميه ساقعه علشان البهوات كل يوم يطلعولنا باختراع جديد ... والله لو قعدت احكي علي مغامراتي معاهم ممكن اعمل مجلد واسميه مغامرات وألغاز تركيب الغاز
يكفي اني اقول ان مصر المحروسه مكلفه اربع شركات لتوصيل الغاز للبيوت
شركه توصل لباب العماره
و شركه توصل لباب الشقه
و شركه لحد البوتجاز و السخان بس ما توصلهمش
و الحمد لله شركه توصل للسخان والبوتجاز بس هي فين الشركه دي الله اعلم بدور عليهم بقالي شهر
امانه اللي يلقيهم يقولهم نور عاوز يستحمى بميه سخنه لحسن الواد اتجمد
شكلي نسيت نفسي كالعاده
بس اوعدك اني هاعمل التاج ده في اقرب خطه خمسيه
بمناسبه كفايه ...الا هو مش كفايه بقي -
أسئلة كلها شريرة ولذيذة.. هوة دة الشغل ..دعيني أعلق عليها في عجالة:
1-مفيش إلا تلات بيتهيألي اتسموا على اسم السادات ، مدينة السادات ومعاش السادات.. ولا واحد يعرف عنهم الشيء الكثير..ومحطة مترو السادات!
من الألغاز المصرية : ليه مدينة السادات كانت من أقل المدن الجديدة اعتناءً بها من بعده؟
من كتر الإهمال اللي بنشوفه في أماكن كتير أشك إنها كانت متسمية على اسم الملك فاروق!
2-LBC.. الفضائية اللبنانية.. لم تعد فضائية ، ولا لبنانية!
أول ما جبنا الدش سنة 1997 كانت القناة دي فاكهة الدش ، منوعات وبرامج وسيمون أسمر والذي منه.. صحيح كانت اختياراتهم في المسلسلات المدبلجة والدراما تعبانة طوبة.. لكن دي تشيل دي..
ثم بدأ الانهيار..
LBC تحولت إلى مسخ.. بكل ما تحمل الكلمة من معنى..
2-حركة كفاية هي النسخة الشارعية من بعض الأحزاب الورقية مثل حزب رفعت السعيد التجمع سابقاً..والذي تحول إلى حزب مستأنس وأليف وهو الذي كان يزايد لفترات طويلة على كونه المعرض للحصار والاضطهاد..
هناك تصريح مضحك لرفعت السعيد نشرته صحيفته يقول فيه ما معناه: اللي بيعارض أكثر مننا يرفع إيده!
هل دة له علاقة بإكليشيه "اللي يحب النبي يقول هييه"؟
بلا سياسة بلا وكسة!
3-الحزبوطني هو الفائز الوحيد فيما حدث سياسياً في 6 أبريل.. والكل بما فيه الشعب المصري هو اللي حيدفع الفاتورة.. وبعد ما حتزداد الأمور سوءاً في الإضراب بارت تو حنبص نلاقي نفسنا قدام "تو يييرز أوف طوارئ"!
4-على غرار "ميلودي تتحدى الملل".. "الشحرورة تتحدى الزمن"!
ختاماً.. شاكر لكل من شكرني ، وأشكرك بشدة على كونك أول من أجاب عن التاج..ولو أعرف إن التاجات حتعيدك إلينا لعملت كل خمستاشر يوم واحد! -
Abdou Basha
لا في صحوة نسبية اهو
شكرا لشريف تاني اولاً
مش كده برضه
روح المدونة تقترب من الخريف، اذا كنت انا بقيت اقول عليها عاقلة بزيادة امال اللي بيقرا يقول ايه
:)))
حبه سبرنج بقي
حلوة اول انجلش اول ذا تايم
-----
يعني انت شايف ان كفاية نقول كفاية
حاولت اروح من ناحية الجامعة الاسبوعين اللي فاتوا كلهم بس حظي مساعدش
ما شاء الله الشقوق كبرت كده؟
دول عشرة عشر سنين رايحة جايه ثانوي
وجامعة وشغل اولاني
هاهاهاها
في الحالة دي انا مضربة عن الاضراب قبل مايذيعوا رائعة عبد السلام امين والشريعي اخترناه وبايعناه لما شاء الله..سامعينّي يا شعب -
مُزمُز
الحمد لله يا معاذ
عاش من شافني
:))
آمين
تلات أسئلة
واحد
من عشرة لواحد حسب الأهمية
في النص لعبت بديلي حبه وحطيت حاجات مهمة قبل مانوصل للواحد
بعد الشر عن الولد
هاته اديله كورس رياضة حديثة
:)
لا الحمد لله
الظريفة كانت بتهزر معانا كدبة ابريل
المفروض انها اتجوزت جوزيف غريب مصفف شعر او ستايلست حاجاة م الحاجات اللي ملهاش راس وديل دي
التالت
الفضفضة جابت نتيجة وبقيت ارغي اهو الحمد لله
احمد ربنا ان الانبوبة مقررتش الثورة
كل مرة اشوف المنظر ده افضل افكر لو الانبوبةاعترضت علي الدحرجة هيحصللي ايه -
NoOR
نعم يا نور بتقول حاجة؟
مبتقولش طيب اوك تمام
في الاسئلة هنا عملت الاقل اهمية فالمهم وفي النص طبعا عكست وغيرت كل حاجة
مش كتبت فوق في البداية مفيش مرة عملت حاجة تنازلي غير لما قلبت ف الاخر عكسي
وموصلتش لحاجة
:)
الاوتوستراد بنبقي ماشيين بسرعة مباخدش بالي من حاجة، اصلا مصلحتك متبصش جنبك علشان لو في حادثة متاخدش بالك
انا بقي يا محترم عندنا شقتين والاتنين مركبلهمش غاز دونا عن الشارعين
:)
واحدة ملك مشاع بيت عيلة اقتل العيلة يعني؟
والتانية في قضية ما بين اشخاص ما منعرفهمش وصاحب عمارة برضه منعرفوش
وكله جه فوق راسنا احنا
يا سيدي علي التخصص وتقسيم العمل
امممممم
انت شايف كفاية؟
:)
قول ومتقلقش المكان اكيد متراقب -
قلم جاف
صاحب الدعوة
عندك حق نسيت معاش السادات ال 53 جنية
لغز تاني ليه منفعتش كمدينة سكنية ولا عاصمة جديدة ونفعت بشده كمدينة صناعية بعد احمد عز
ههههه
حاليا الملك فاروق بقي موضة -الفضل لتيِّم الحسن- لو سميت حاجة علي اسمه الناس هتجري عليها
سبحان الله اغلب البرامج الحلوة علي ال بي سي تقريبا اتوقفت
مش باقي غير ستار اكاديمي واخواته بتوع الموضة واخيرا الرقص
:)
اه والله يا محترم.. برنامج طويل عريض عن الرقص الشرقي
اسم البرنامج لوحده كان فضيحة
بلا سياسة بلا وجع قلب معاك حق!
اممممم
معتقدش حد هيحس بالاضراب المرة دي
واوقات بقول كده احسن ..عشان منتبهدلش تاني
الحمد لله صباح طلعت بتهزر معانا، خدت حسنات م الموضوع ده كتير عشان اغلب اللي قرا شتمها بشكل او باخر
:)
اشكرك تاني بجد
تاج في وقته
هههه
كل اسبوعين خلاص يلا اسبوعين عدوا زيادة
ميرسي مرة تانية يا شريف
الله يسامحك
:)
لكن المره دي هجاوب بجد لانه في فكر مش زي اي تاج
شكراً علي التدبيسه وشكرا يا شريف