Name: Saso
Location: Egypt
About me: If you are here then read it till the end. I'm an ordinary Egyptian girl, with lots of concederation of my country and my Dearest contenent Africa. I love million thing hate million thing wanna change million thing. This love-hate relationship is attending with me all over my life. I'm a GEMINI with all the cool sides, bad sides, funny sides and loony sides of a gemini
تلعبوا معانا
Finding Neverland
|
|
 |
 |
 |
الآن، بعدكِ... عند قافية مناسبةٍ
ومنفى، تُصلح الأشجارُ وقفتها وتضحك
إنه صيف الخريف... كعُطلةٍ في غير
موعدها، كثقبٍ في الزمان، وكانقطاعٍ
في نشيدِ
الآن، بعدك... عند قافية ملائمة
ومنفى... تُصلح الأشجارُ وقفتها وتضحك
أَشتهيك وأشتهيك وأنت تغتسلين
عن بعدٍ، بشمسك. إنه صيف الخريف
كعطلة في غير موعدها. سنعلم أنه
إنه صيف الخريف يجيء من وقت إضافيٍّ
فصلٌ يدافع عن ضرورته، وعن حُبّ
الآن، بعدك... عند قافية ملائمة
خرافيّ... سعيدِ
الشمس تضحكُ من حماقتنا وتضحك
لن أعود ولن تعودي
محمود درويش
sharing folder يمكن يبقي ذكري
الدستور المصري
انـي هـويـتـك قـد جـري نـهـر ولـسـوف يجري بـاسـمـك الـنـهـر ايـاك ان تـتـراجـعـي لا لـن يـجـدي الـتـراجـع فـالـهـوي ... قـهـر عـبـد الـعـزيـز شـرف
يعقد الشتاء ذراعيه في الأفق ويخبرني أني وحيد
أتلفت حولي عن الرفقة أبحث، عن الألفة ابحث، أتلفت فيصطدم وجهي بملامحها ، استغرق لدقائق في محاولة الوصف.. نسير متجاورين لبرهة تكفي أن أرسم صورتها في عقلي الغائم و استرجعها حين أسرع الخطي محاولا إيجاد الوصف المناسب. شتوية هي، كأنما وُلدت في ليلة كهذه أخذت منها ملامحها ، كأنما تشكلت ملامحها دقيقة غير حادة ولا بارزة لتختفي خلف دثار ومعطف وغطاء رأس وكفوف ملتوية في وضع غير مريح بالجيبين المعلقين. تمر في عقلي الخاطرة فاضحك: الشتاء انتصر عليها حتى أخذ منها الملامح
ينظر في عيني مباشرة ويتسلى ببعثرة الأمطار
القط البائس يزوم لاعنا إذ غمر فرائه البلل يحث الخطي كأنما ليلحق بالسيارة صاحبه الجرم ثم يلتفت ليلعق ظهره، لثوان يحدق في وجهي كأنما يلومني أو يلعن تطفلي ويعاود الخطي الواسعة لحاقا باللاشيء
يتنفس ريحا وبعض الهزيم
الذيل الملتوي المجنون لعصا زيوس* يشق الأفق فيلونه بالأزرق، يجفل الحارس الكهل ويشيح عني النظر كأنه الخجل. تبرٍق ثانية والحارس ينظر لي فأجفل مجاملا .. يتبعه الهزيم المتثائب كتحذير جاء متأخرا فأنظر للأفق لا متحديا ولكن منتظرا للمزيد من الجنون الأزرق
ينقطع التيار فجأة كأنما مل الشتاء العبث بقطع الشطرنج وقرر اللعب بالرقعة ذاتها
غير محتاج إلي النظر شرعت في مسح الأرض بقدمي مقاربا الخطوات أثبّت قدما لتنزلق الأخرى مستكشفة موضع الخطوة التالية. مستمتعا باللعبة انفلتت نغمة من بين شفتي نغمة تكافئ الخطوة التي تستكشفها قدمي وترسم انحنائها البياني أصابع أودعتها جيبي منذ زمن ونسيتها ، تعلو النغمة فتتوتر أصابعي راسمة انحناء صاعد وتتسع خطوتي حتى تبلغ الغماز * فأغير اتجاهي محترما القواعد. صوتي يتعثر والخطوات لا تعيره إلتفاتا فتستمر في التتالي والانتظام في اللحن
للحظات يعلو صوتي فالتفت محاذرا أناس وهميين. أتوقف فلا أصطدم بأحد، أتوقف فتسكن النغمات، أدندن قليلا قليلا فتحوطني الهمهمات المنغمات، تعلو فتعلو ، أخطو فاسمع حفيف الخطوات يتتالى وأستشعر الدفء
أنتحي الشارع الجانبي فتحوطني بعض النغمات وأفقد البعض، ونعود لنلتقي مرات ونفترق، لا أميز غناءهم ولا يميزون غنائي، بعينين لا تريان التفت لأقربهم إلي وأغني، عاليا أغني ، منتصرا أغني. مستمتعا بالدفء أغني
ضاحكا لخاطرة تمر بعقلي أغني. فتجيبني ضحكات عشر أو أكثر. ليس بينها ضحكة شتاء معقود الذراعين يتسلى ببعثرة الأمطار يتنفس ريحا وبعض الهزيم
--------
زيوس من ضمن وظائفه كأب لمعظم البشر أنصاف الآلهة، ومقرر للعقاب الأبدي العابث لمعظم المهزومين كان يعمل أيضا إلها للبرق*
الغماز هو الدرجة الحساسة "الدرجة الخامسة "من سلم أي مقام وأكثر نقطة محسوسة به*
| Permalink |
-
الوحدة هي تيمة هذه القصة بشكل عام ..
وكلما أقرأ سطورك أتذكر الشتاء في بورسعيد ، المرة الوحيدة التي قضيت فيها الشتاء في بلد ساحلي.. وكم كان الشتاء مختلفاً وقريباً من الجو الذي أثارته سطورك..
وأتذكر اليوم الأخير تحديداً في تلك السفرية الشتوية ، كانت النوة قد انتهت بالفعل وكان الجو أفضل بكثير من أيام المطر التي صاحبت تلك النوة القاسية ، وكان الزحام على أشده هذه المرة..
كل ماشٍ عالم مستقل بذاته..
كل "كابل" عالم مستقل بذاته..
كل شلة عالم مستقل بذاته..
وكل محل وكل مطعم في ممشى "النورس" الشهير في بورسعيد عالم مستقل بذاته..
وبما أنني أمشي وسط الماشين والكابلز والمحلات فأنا عالم مستقل بذاتي ، أرى ما لا يراه الآخرون كما أنني لا أرى ما يرون..
كأنك كنتِ تمشين في شوارع بورسعيد في الأمتار الأولى من فبراير 2007.. وسطورك تذكرني بهذه الحالة الشِتَوية الساحلية الرائعة.. -
At 10:53 AM,
محمد أبو زيد -
saso :
انا كنت بكره الشتا جدا ...لأنه بيجيبلي اكتئاب
اما دلوقتي فبقيت استمتع باحساس الحزن المقدس و الوحده خصوصا لما الدنيا تبقي بتمطر
فاكره آخر مره الدنيا مطرت جامد اول الشتا كنت مسافر اسكندريه وبدأت تمطر أول ما استلمت الصحراوي بس كنت مبسوط قوي رغم ان انا كنت مسافر رايح جاي في نفس اليوم علشان احضر خطوبه واحد صاحبي و يوميها وانا راجع نمت في العربيه في الصحراوي بس كان احساس لذيذ -
At 12:52 AM,
هيثم محفوظحمدالله بسه يا أستاذه
العالم ده حلو قوى
وصفه حاجات كتير قوى حسيتها,بس اكتر حاجه عجبانى حالة المقاومة اللى فيها الشخص المحورى
تشبيك الشتاء لدراعاته صورة انتى كتباها بشكل حلو قوى ووصلت احساس كبير قوى لسيطرة الكاٌبةعلى المشهد.
وبعدييين تعاليلى هنا وقوليلى عرفتى منين حكاية الغماز دى هنأطع على بعض
سلام ومتغبيش كده تانى -
قلم جاف
ان كان شتائي مثل ذلك الذي قضيته في بورسعيد
فلم تكن وحيدا علي الاطلاق
لنقل فقط انها صحبه غير مألوفة
سطورك أشد قسوة اذ حملت الأمطار والمطر يفرض الوحده كما تقول انت
كل ماش عالم مستقل منفرد ومتفرد يملك حبا أو كرها أو أملا أو يأسا يختلف عن الاخرين لا يراهم ولا يرونه حتي وان تلاصقوا تحت المظلات
اللافت للنظر ان الجو في مصر امتلأ بالأمطار عن السابق ومع ذلك لم نعتاد المظلات بعد
امممممم
ان شعرت باني كنت هناك إذن سطوري جيدة
:)
تحياتي -
At 4:52 AM,
حدوته مصرية -
تحددالافتتاح لدار الكتب الخاصه بي يوم الخميس القادم - 10 يناير - الساعة 6 مساءا في مكتبه البلد , ندعو الجميع لكي نقص سوياً شريط افتتاح الموقع ونطلق شراره انطلاقه نحو خدمه كل المثقفين والمهتمين بالقراءة
العنوان / مكتبه البلد - ميدان التحرير بوسط البلد - 31 ش محمد محمود أمام الجامعة الأمريكيه
تليفون مكتبه البلد / 27922768
نتمني منكم أن تشاركونا هذه اللحظات والتي لن تنجح إلا بوجودكم -
NoOR
:)
كده يا نور
بعت بلدك
مصر يا نور
:D
بتحب الشتا وجي تكلمني
ماشي
--
لا انا يوم ماحبيته -او بلعته- كان علشان الفرح مش الحزن
يبعد عني الحزن حتي المقدس منه
:)
مبروك يا جميل حب الشتا الجديد
عمري مافهمت ايه الحلو في المطر وسط الشتا وانت لعبه بيلعب بيها الهوا شوية والمياة شوية والعربيات شوية بس ماشي هوا حلو برضه
احنا عندنا كام نور وكام خطوبة ف اسكندرية
:) -
At 10:52 AM,
abderrahman -
الشتاء مرتبط
بالوحدة
الظلام
الانكماش
البعد عن الناس
االكتئاب
بس انا مازلت بقراه أكتر من مرة علشانت اوصل للهدف بس تقريبا صعب أوصل بسرعة
بس حاجة كده ع الماشى
لو الواحد فضل مركز انه " بردان" هايعلن عن قريب انتصار الشتاء
لكن الى هايفضل يدندن ويتناسى البرد الى بيحاوطه هايتخطى البرد وهايقاوم فعلا ومش هايتغلب
ياريت أكون قربت
تحياتى وبوست أكثر من رائع -
At 8:12 AM,
-
Monzer
أهلا أهلا بمنذر
نورت الأول
اتفق انا جدا جدا
احساس البرد لما متقدرش تغلبه يفرض عليك وحدته وهدوءه وقواعده
امممممم
مفيش هدف معين
:)
ممكن تقول ان حقك تحاول تغلب حتي لو كان خصمك أقوي -او هو الطبيعة نفسها- ممكن تقول انك ممكن متكونش لوحدك بس مش حاسس لانك شايف الوحده ف كل جنب
ممكن منقولش خالص وتبقي حدوته وبس
:)
امممم
اه كده احلي كتير
بالمثل حاجات كتير تاني
لما تنساها وتفكر بقوه تقوي فعلا
نورت بجد يا منذر -
اقتباس من رد ساسو اللى فوق
انا الحمد لله بخير خالص وباين عليا هاعقل وارغي كتير بعد كده
:)
ولولا إن ساسو مش حاطه تاريخ جبن الردود كنا كلنا هنلاحظ إن ساسو أخدت وقت كبييييييييير قوى على ماتعقل !!
أساسا هتلاحظ إن ساسو لسه ماعقلتش :)
ولحد ما ساسو تعقل وتخف من الاكتئاب الجماعى اللى مسيطر على المصريين كلهم وحالة الاذبهلال النفساوى اللى مخلينا كلنا مش عارفين نقول إيه بالظبط وللا نفكر إزاى فى وسط حالة التدهور المتسارعه فى كل حاجه حوالينا .. أحب أقول للأخت ساسو من أمام شاشة الكمبيوتر وأنا قاعد باسمع يوسف باشا غالى وهو بيبشر بالضريبه العقاريه اللى مش عارف هى جديده وللا عملوا لها بس طريقه جديده وللا إيه بالظبط ؟؟
المهم كل اللى أنا فاهمه من سعادته إن احنا هندفع فلوس تانى والحكومه هتقش !!
المهم أحب أقول للأخت ساسو :
ياترى قريتى انكسار الروح وللا لسه ؟
افتكرتها النهارده لما تابعت أحداث شركة غزل المحله فى مدونة كريم البحيرى -
At 1:17 AM,
أحمد سلامــة -
Leonardo
NO
كومينت من ليوناردو بجد
منا كنت ناوية أرغي واكتب عامية وبوست كبيييير طلع مفيش فايدة
هاقول الحكاية دي في الرد علي قلم جاف البوست اللي جاي علشان انا متغاظة مني أوي
مش حاطه تاريخ.. خدعة
:)
مش اكتئاب يا ليو قد ماهوتفكير. بقيت بفكر قبل ماكتب وقبل مارغي وقبل ماكتب كومينت
كبرنا بقي
اممم
شكرا يا رفيق ليو علي تذكيري بالمصايب اللي بتحصل
لا بس اسماعيل عبد الرسول من كام يوم قال الضرايب علي شريحة ملناش علاقة بيها 600 جنية ايجار في السنة
انا ايجار 9 جنية يا محترم
:)
انكسار الروح لسه ملقتهاش
متقوللي دار نشر ايه اسهل
انا في مود مناسب ليها -
انكسار الروح .. محمد المنسى قنديل .. روايات الهلال .. مش فاكر تاريخ صدورها بس من فترة يعنى
ولو إنى فاكر إن من ييجى سنه كده قلتى لى إنك اشتريتيها خلاص !!
ياإما بقى فيه حد خدها منك ومارجعهاش تانى .. ياإما الزهايمر بدأ يشتغل -سواء عندى فافتكرت إنك جبتيها أو عندك فنسيتى إنك جبتيها .. مش فارقه :)- ماهو احنا على رأيك ..
كبرنا :) -
Leonardo
بما اني ساكنة جنب دار الهلال
رحت بمنتهي البراءه اسأل علي انكسار الروح
بصلي استاذ احمد -ماهو لازم يكون اسمه احمد- باستغراااب اوي
وقاللي مهو حضرتك اخدتيها
المهم بعد رغي كتير فهمت اني طلبتها هيا وقمر علي سمرقند واحتمال اكون دفعت فلوس(!) انا كبرت للدرجة دي وخرفت؟ وغالبا مجتش اخدها
----
نفس الخدعة
في انكسار الروح ومفيش سمرقند.. خدتها لوحدها
اممممممممم
اقولك ايه بس
التزام السرد الطفولي من غير كلام كبير، كان ف وقته اوي
والشعر المستخبي جوه السطور وفي النداءات من غير قصد
دي هدية يا ليو بجد شكرا
********رجعت للمركز الاول تاني
انا اعرف انك بتحبي الشتاء بس مش اوي كده انا حاسس اني قاعد تحت الدفايه والمطر عمال ينزل علي الازاز فكرتيني برشدي اباظه وناديه لطفي في فيلم عدو المراه
المهم اسلوب رائع ودي حاجه اتعودنا عليها وكلام رقيق من انسانه رقيقه اكلت رقاق كتير في العيد (كل سنه وانت طيبه)
اخبارك ايه واخبارك سوده ايه
علي العموم وحشتينا كتير