Wednesday, June 06, 2007,12:05 AM
عـدنــا
أيام دسمة في العمل تعود لبيتك مدركا بانك لا تصلح سوي للاكل فالنوم ، لم تعد فكرة التليفزيون تبدو بهذا السوء فعلي الأقل امامة انت لست مطالبا بتبرير الملل البادي علي وجهك والافضل انك غير مطالب بالكلام
عشر دقائق لا اكثر ثم .. فقرة اعلانية، ربما امعانا في التحذير تجد عبارة سنعود تخبرك ألا أمل في استكمال ما كنت تشاهدة ولا حتي في تذكره لطول الفترة عادة
.
الحق اني لا أمانع كثيرا في متابعة الإعلانات فهي في النهاية محاولة توصيل فكرة ما في اقل وقت ممكن، وبشكل يحاول ان يبدو براقا ومحكما
محاولة لتوجيه اهتمامك في اتجاة معين للدعاية غير التجارية وابتكار حاجة لم تكن لديك علي الإطلاق لمنتج ما او خدمة ما للاعلانات التجارية
.
وعموما ايا كانت الرسالة وايا كان المستوي التقني مقارنة بالبرامج والمتابعات الاخبارية شديدة الإملال، والافلام شديدة الطول - بالنسبة لي- والمسلسلات شديدة الإملال والطول معا ، فهي اكثر اغراء بالمتابعة
كعادتي اعود للخلف للاعلانات الأول في التليفزيون في الستينات ، الاعلانات الثلاث العتيدة
استغلال نجاح مطرب ما (ايامها كان عدوية في اعلان خضر العطار) واسلوب ما -الغناء الشعبي- لاغراء المشاهد بتجربة المنتج
النموذج المحبط للاعلانات المباشرة التي تتظاهر انها ليست كذلك (اعلان المحافظة علي الماء الشهير بست سنية )وبالطبع اعلان قليل التاثير والامتاع معا
.
النموذج الممتع للاعلان شديد الذكاء بموسيقي شعبية مميزة ابهار بصري مناسب لا يخلو من طرافة (اعلان ريري ) وتطويع للتكنولوجيا المتاحة ايا كان مستواها
سبق وتحدثنا في بوست الثمانينات عن تطور الاعلانات المبهر في اواخر الستينيات الي منتصف السبعينيات من فنون التحريك والتصوير الي بناء موقع تصوير متكامل مع خلفيات صوتية الي جذب ممثلي ومطربي الفترة بالاعلان
لعل اشهر الاعلانات كانت منتصف السبعينات اعلانات شويبس مع حسن عابدين




التطور التالي لم احبه كثيرا مرحلة الحملات الاعلانية كبيرة الحجم ، اعلانات الشمعدان تمثل مرحلة بذاتها من بدايات إغراءات الجوائز و التسويق بالالحاح والأسوا الاعلانات قليلة التكلفة .. والاضاءة ، لا اعرف حقا سبب سوء الاضاءة في غالب اعلانات الشمعدان



الي ان بدأت الحملات الإعلانية العالمية في تغيير شكل الاعلان الي حد كبير باعلانات طريفة ومتوازنة، تلتها مجموعة اخري بنمط غير مصري علي الاطلاق ... ولا زال
عدا هذا فاننا بعد سنوات جاوزت الثلاثين لازالت الاعلانات تدور في ذات الخطوط ، لازالت اعلانات استغلال النجاح المؤقت لمطرب او ممثل او لاعب ما كما هي، لازالت اعلانات التهديد والترهيب لمصلحة الضرائب كما هي اعلانات الخدمة العامة المتظاهرة بالذكاء ضعيفة النتيجة وتلك المتوازنة المبهرة ببساطتها او بتقنيتها علي السواء
تنتهي الفقرة كالعادة بعبارة عدنا منهية عرضا شديد الاختصار
.
فاتلفت حولي لاقيس كم المواد الدعائية التي تحاصرني، جريدة الصباح عواميد الانارة المبان ذاتها هم مواد دعاية تتسرب حتي الي مفرداتك اليومية
.
اعلان موَجه وإعلان موجـِه
لنخرج قليلا عن مستوي الاعلانات التجارية الي الاعلام بما اننا في ذكري ذهبية للاعلام الموجِِة والمحفِز والمضلل احيانا ، لتجد انك يمكنك ايجاد عالم كامل غير موجود بالاعلان ، وبحسب قدرتك علي صناعة الاعلان بامكانك صناعة قرار ما ، مشروع ما ،برنامج سياسي او حربي ما، ربما كان الاستفتاء الرئاسي الاخير بداية هذا النوع من الحملات الناضجة للترويج لفكر سياسي بطريق اخر غير الشعارات الجامدة، باسلوب اقرب الي السينما وان كانت اكثر مباشرة واقل تقنية
.
دعاية مضادة
الالحاح في الاعلان بالنسبة لي ليس بسوء الاعلان سئ الإعداد والمستفز الذي يمنعني من استخدام مادة الاعلان للأبد، في هوجة اعلانات الشاي منتصف التسعينات كانت الاعلانات مضادة تماما مجرد تقديم للمنتج وربطة باغنية ما ربما لوحة سخيفة من الحركة المتشنجة امعانا في افساد الاعلان مما يجعلة مادة صالحة تماما للدعابة
موعدنا الاحد 11 يونيو
معنا من اجل مصر ملفوفة بالقماش .. ميدان كامل لفتة الأقمشة الملطخة بالاحمر في غير اتساق تجعلك تشك في الهدف منها هل هي مع ام ضد المرشح
.
في سابقتي الأولي لحضور سرادق انتخابي هذا العام وبما اني محاطة باللافتات سيئة التلوين والخطوط والشعارات والتي اتضح من التوقيع انها جميعا صنعت لدي نفس الخطاط مهزوز اليد حتما ،سعدت ان هناك من يستفيد من فوضي اللافتات ألا وهم الخطاطين
--------
علي الهامش
مين العبقري اللي زرع شوارع مصر بالتوت *
كل 5 يونيو واحنا فاكرين *
 
Posted by saso | Permalink |


57 Comments:


  • At 1:36 AM, Blogger مـحـمـد مـفـيـد

    مبدئياً لم اصدق الريدر عندما اخبرني ببوست جديد لكي
    كيف حالك ؟
    علي الرغم من الزعل الشديد منكي وانتي تعلمي لماذا

    المهم عوداً احمد
    حكايه استغلال النجاح وتطويعه في الدعايه مبدأ من وجهه نظري انا سخيف لانه استخفاف بالمشاهد
    فتري كل الاغاني تحول طوعا او كرها اما لاعلانات او فوازير أو مسابقات وفي النهايه لا تخدم السلعه المعلنه
    قديما كان الاعلان يضيف كثيرا للمنتج لذلك نتذكر أسم المنتج جيدا عكس اليوم

     

  • At 1:43 AM, Blogger saso

    Gosh u r amazing

    انا لسه بالعب حتي ماقررتش اكتب ولا لا

    مممم
    الزعل لك حق فيه بس شيري قالتلك بقي وعموما انت دايما احسن مننا
    :)

    عن الباقي فهاستني كده لحد ماكمل كتابة
    ممم
    او ماكملش

    :)

     

  • At 1:51 AM, Blogger Unknown

    حمد الله على السلامة :)

     

  • At 1:54 AM, Blogger saso

    Irc
    الله يسلمك
    :)

     

  • At 12:29 PM, Anonymous Anonymous

    عود أحمد

    محمد ابو زيد

     

  • At 12:52 PM, Blogger saso

    العزيز جدا محمد

    ميرسي
    :)

     

  • At 1:30 PM, Blogger يا مصر اكتب إليكي رسائلي

    حمدالله السلامة طبعا الاول
    بعد الفرحة دي طبعا ـ ما فيش عقل اكتب بيه تعليق على ـ عدنا ـ الا اني اقول حمدلله على السلامة.
    سعيد جدا انك بخير
    تحياتي لكي والاصدقاء ـ يو جت أ ميل

     

  • At 1:50 PM, Blogger NoOR

    ويلكم بااااك .....عامله ايه في الحر ده

    كل 5 يونيو و احنا مش مهزومين بس علي شرط خرجيا وداخليا وياريت داخليا الاول .........:)

    بس انتي نسيتي اعلانات تاريخيه زي سر شويبس و رابسو ده تاريخ

     

  • At 8:44 PM, Blogger قلم جاف

    عود أحمد يا ساسو ..كل متابعيكي افتقدوكي بشدة خلال الشهرين اللي فاتوا ..

    نخش بقى في الموضوع..

    1-كان أحمد يونس الكاتب في الأخبار علق من كذا سنة قائلاً : التليفزيون في رمضان عبارة عن إعلانات بينها مجموعة برامج!

    2-ما نقدرش نتكلم عن تاريخ الإعلانات في مصر من غير ما نتكلم على ظواهر عدة منها طارق نور..

    طارق نور ممكن الواحد يقول حاجات كتير عن أسلوبه ، منه إنه طبقي ، بس شاطر في عمل حاجة تلفت النظر وتشدك حتى عن المنتج اللي بيعلن ليه ، نطاق عمله محدود في شلل معينة وناس معينين ، واتسبب في شهرة ناس منهم محمد شومان اللي بيعمل إعلانات الضرائب اللي بيخرجها نور..

    نور صنع ذاكرة جيل بحق من خلال أغاني إعلاناته الغريبة والطريفة في نفس الوقت ، شاطر في الترفيه أكثر منه في الإعلان!

    3-على العكس تماماً من حملة مصر بتتغير بينا ، وبتاع ميعادنا يوم 11 يونية..

    الإعلان دة ، والله أعلم ، بيحمل بصمات الدكتور سامي عبد العزيز ، والراجل أستاذ متخصص في الإعلان ، يعرفه الدكتور اللي كان بيديني في الجامعة وكان بيشكر فيه ، يمكن يكون أكاديمي كويس لكنه لا يصلح لإخراج الإعلانات..

    في إعلان الاستفتاء على الدستور اللي لا بيهم المواطن من قريب أو من بعيد ألاقي سيادته بيعمل فيها عم المخرج وبيجيب لقطة لمواطن - بالبطيء - بيحاول يلحق الأتوبيس وما بيلحقوش ، آل يعني بيحاول تصوير أهمية إن التعديلات دي لازم تقر بسرعة وبأي طريقة..

    حركة العلم دي مش غريبة عليه ، ففي إعلان في حملة تشجيع الصناعة المصرية موقف مجاميع كتير جنب بعض ماسكين في إيد بعض على صوت رسالة بيقولها المعلق.. أسلوب خايب ومتقادم وممل..

    4-اخترتي موضوع قوي تعلني بيه عن عودتك.. خالص التهنئة..

     

  • At 9:42 PM, Blogger sherefins

    حمد الله علي السلامه يا ساسو وعود احمد انشاء الله وتستمري بدون اي انقطاع عن اصدقائك و بمناسبه الكلام عن 5 يونيو بس يا ساسو
    احب ابعت الرابط ده http://www.5june1967.com

     

  • At 3:24 AM, Blogger Reemo

    حمدالله على السلامه يا قمر
    سعيده بعودتك جدا
    ----
    بالنسبه لموضوع الاعلانات
    أنا عن نفسى بحبه جدا
    بحب فكره توصيل الفكره فى دقائق معدوده
    بدون إطاله أو ملل وكمان بجذب للمشاهد
    وإبهار فى التكنولوجيا فى بعض الاعلانات واختلافى الأفكار وتنوعها
    لكنى بعيب استغلال شهره مطرب أو ممثل فى الاعلانات وخاصه الاعلانات اللى بترتبط بلحن معين لاغنيه مشهوره مما بيضيع جمال الأغنيه وجمال الكلمات
    اعتقد ان ابهار الاعلانات يكمن فى اختيار فكره ولحن وصوره جديده
    زى اعلان كوكاكولا الجديد
    جذبنى جدا بيتمينز بلحن حلو واستخدام تكنولوجيا جميله وابهار فى الصوره ومتعه للمشاهد
    أعتقد انه من الاعلانات الناجحه بدون استخدام أى مطرب أو ممثل مشهور
    نجاح الفكره هو السبب فى نجاح الاعلان
    احييكى على البوست
    مميز أكيد
    حمدالله على السلامه مره تانيه
    محبتى

     

  • At 1:12 PM, Blogger محمد عبد الغفار

    حسن عابدين وشوبس فى حدود علمى كان فى الثمانينات والشمعدان واخواته فى بدايه التسعينات

    عود احمد ورائع

     

  • At 7:41 PM, Blogger حدوته مصرية

    الاعلانات شئ ضرورى و تحب نشوفها لما تبقى حلوة وبافكار و دلوقتى بقى فى اعلانات كتيير مملة غير انها بتيجى كتير فى وسط فيلم او مسلسل او برنامج لما بيخلينى اقلب من الزهق الا لو بشوف شئ يشدنى


    غيبة طويلة اتمنى متتكررش وبتقولى يمكن متكمليش لا كملى و ليه اصلا الغياب ده و انا مبشوفكيش على النت نهائيا!!
    ايه الاسباب؟؟

    تحياتى

     

  • At 12:17 PM, Blogger saso

    يا مصر اكتب إليكي رسائلي

    الله يسلمك
    :)
    بجد تعليقاتك بتخليني مبسوطة اوي اوي اوي

    تحياتي ليك

     

  • At 12:42 PM, Blogger saso

    NoOR
    ياااااااااااه
    انت فين ..انت اللي يتقالك ويلكم باك

    انا في الحر مش باتضايق مادام في نور للساعة 8 يبقي استحمل الحر
    :)
    معقدة معقدة يعني


    كل 5 يونيو واحنا مش مخدوعين اعلاميا علي الاقل
    ممم داخليا ..تؤ تؤ تؤ انت بتلمح لايه دلوقت
    :P

    منسيتش الاعلان بس كنت مستنياه يترفع لما تدخل تاني هتلقي سر شويبس موجود

    سلام وماتختفيش تاني كده

     

  • At 2:39 PM, Blogger saso

    قلم جاف
    وكومينت كنت مستنياه جدا

    اولا مفيش شكر كفايه علي سؤالك عني في الكومينتات اللي فاتت
    وبما ان اللي هاقوله مش هيكفي .. فمش هاقول غير ميرسي بجد

    في الموضوع
    نفس التعبير كان في فيلم كارتون زماااان لجوفي -علي اساس انه مش بيفكر يعني- انهم بيعرضوا افلام ومسلسلات كتير بين الاعلانات

    رمضان بكل المقاييس فرصة للمعلنين بعد ما التليفزيون تراجعت نسب مشاهدتة لحد ما رمضان فرصة ذهبية للمعلن
    وفرصة لينا احنا لمشاهدة اعلانات احلي من المعتاد
    انا كنت باستني اعلانات امريكانا في رمضان هيبقي شكلها ايه
    :)

    بمناسبة امريكانا .. انا فضلت اني اسيب ده للتعليقات ، يادوب من باب الاشارة حطيت فيديو اعلان سر شويبس احد البدايات الذكية جدا لطارق نور

    طارق نور طبقي .. ممم .. انا باشوفها ابعد من كده باشوفها ان الاعلان خلق مجتمع غير موجود اساسا زي ماقلت في البوست، مش بس طبقية ده ايهام بوجود طبقة بصورة الموود اللي بيخلقة الاعلان
    واللي غالبا بتكون مش موجودة

    مستوي اجتماعي تاني لكن اللي يضحك ان حتي التفاصيل البسيطة زي لبس وكمية اكسسوريز الموديلز مش موجودة في الطبيعة -الحمد لله انها مش موجودة- بس بتشدك للاعلان جدا
    خط تاني كان فرقة زي فرقة امريكانا شو .. احمد الجبالي
    واللي منها خرجت عالية وهشام عباس
    كل اغانيها كانت بتتحط للاعلانات فعملت ارتباط تاني قوي جدا للشباب باعلانات طارق
    ولحد النهاردة بالقي اغنية مكنتش اعرفها بافتكرها بس بالاعلان اللي معمول عليها

    هنبقي نلعب اللعبة دي في تلعبوا معانا البوست اللي جاي
    :D

    عن الاعلانات الخدمية فانا بشوف انها فرصة احلي من الاعلانات التجارية حتي
    بس مشكلة نور مثلا انها بياخدها باسلوبة هو
    لكن واحد زي شريف صبري -اعزة الله- تخلي عن اسلوبة تماما في اعلان لا للختان واعتمد اسلوب شديد البراءة في التوصيل

    حملة مصر بتتغير بقي مثال للمباشرة السخيفة معرفش ان كان سامي عبد العزيز ولا لا ..اتابعة واشوف

    مم
    اعلان الدستور مكنش وحش لولا ان خلفيتنا احنا عنه كانت وحشة
    :)
    زي مانت قلت احنا مش متفائلين خير ولا مهتمين بالاستفتاء لكن الفكره من الاعلان نفسها كويسة
    المشكلة في ان المجاميع في غالبية الاعلانات بتكون حاجة من اتنين ، يا اما مش منتبهه خالص لحركة الكاميرا ومش مستعده
    يا اما -وده الاسوا -واخده وضع انتباه وتعبير ثابت علي وشهم لدرجة التصلب

    واخيرا
    باشكرك جدا علي تهنئتك واكثر علي تعليقك الوافي كالعاده
    :)

     

  • At 2:41 PM, Blogger saso

    sherefins
    الله يسلمك يا شريف

    بدون اي انقطاع ده يعتمد علي هيحصل زي ماحصل قبل كده ولا لا

    المهم
    ميرسي اوي اوي علي اللينك

     

  • At 6:04 PM, Blogger sherefins

    انشاء الله الدنيا تكون حلوة ومفيش اي انقطاع تاني والدنيا تظبط وتحياتي ليكي ولكن الموجودين في مصر حاليا وربنا يكون معاكو يوم 11 يونيو ويعدي بدون اي حالات من ايها بس دي عشم ابليس في الجنه زي ما بيقولو وبالنسبه للينك دي اقل حاجه اقدمها ليكي طبعا

     

  • At 1:17 AM, Blogger نقطة مية

    اول زيارة لمدونتك و زرت التانية كمان فكرتها حلوة جدا...مواضيعك جديدة...
    اما الاعلانات فأنا بعتبرها جزء من التكوين المصري حتى اعلاناتنا ليها شكل مختلف و بتختلف تبعا لتغير المجتمع و ميول الشخص المصري..
    بوست حديد و جميل..
    تحياتي

     

  • At 4:03 AM, Anonymous Anonymous

    بوست ممتاز يغفر لك الغياب
    .........
    انا كنت مستنى اشوف اعلان
    "محمود ايه ده يا محمود"
    مش عندك؟

     

  • At 4:37 PM, Blogger sherefins

    كل سنه وانت طيبه وعقبال 100 سنه انشاء الله

     

  • At 2:49 AM, Blogger ody911

    هههههههههههههههه

    إنتى جبتى الأعلانات دى من فين ؟؟؟

    ههههههههههههه

    يخرب بيت شيطانك يا ساسو


    لاء حلو بجد

    بوست يستاهل الغيبة


    والنميمة كمان

    ههههههه

    عادى بقة
    اودى

     

  • At 6:35 PM, Blogger محمود فهمى

    ازيك
    بجدبجد انا مش عارف بتجيبى الحاجات دى منين

     

  • At 6:36 PM, Blogger محمود فهمى

    انا سألتك عن اغنية سوليداد برافو جبتيها منين رديتى وقولتى الصح جبتها وانا مش فاهم حاجه

     

  • At 12:17 AM, Blogger saso

    reemoo
    الله يسلمك يا جميلة
    :)
    انا قلت هتنسي اسم الصفحة

    وادينا برضة متفقين ان حد يهتم بكل التفاصيل علشان يخرج بشكل مبهر يحفزك تشوفي اعلان انتي عارفة مقدما انه بيحاول يغريكي بالاستهلاك
    وفي الاخر ممكن ينتصر عليكي ؟.. دة فن

    عن جمال الاغاني حبه كده واوريكي اغاني الاعلان كان احلي من الاغنية
    :)

    كان في اعلان كوكا زمان كان يادوب المزيكا المعتادة وتركيب اصوات كولا بتتحط في كاس بتطلع وتنزل الاعلان كان طويل نسبيا بس مكنتيش تفكري تقلبية لانه فعلا حلو
    ومش مزعج خالص

    الله يسلمك يا ريمو
    وبجد بجد فرحانة بكلامك جدا
    :)

     

  • At 6:09 PM, Blogger vision

    لسه بحاول استوعب

     

  • At 7:19 PM, Blogger صاحب البوابــة

    السلام عليكم

    اشكر كل من تساءل عن غيابي

    ووقف بجانبي في محنتي

    تحياتي لكل شريف حر

     

  • At 7:21 PM, Blogger صاحب البوابــة

    السلام عليكم

    اشكر كل من تساءل عن غيابي

    ووقف بجانبي في محنتي

    تحياتي لكل شريف حر

     

  • At 10:47 PM, Blogger abderrahman

    موضوع تحفة، بالذات الفيديوهات دي
    إعلان شويبس ده أول مرة في حياتي اشوفه
    لووول

     

  • At 10:46 PM, Blogger sherefins

    This comment has been removed by the author.

     

  • At 9:23 PM, Blogger عين ضيقة

    أولا :عودا حميدا

    ثانيا: المقال شدنى جدا , معالجتك للفكرة جيدة الى حد بعيد

    ثالثا: انا لم أتوصل الى النوعية التى ليست محل نقد منك

    رابعا بقى: لحد امتى هنفتكر 5 يونيو وكأننا مضروبين فيه بالسوط, ياجماعة 5 يونيو ده مش هزيمة, الضرب بالشكل ده مايتسماش هزيمة
    وبعدين النا هى هى اللى صنعت النصر

    خليكم حقانيين

    شكرا ليكى
    كمان تحياتى ليكى

     

  • At 1:37 PM, Blogger .:.-=- ELGaZaLy-=-.:.

    ياهه

    اخيرا يا صفاء انتى كنتى فين بقى؟؟؟


    اولا الف حمدالله على السلامة
    لا انا شوفت الاعلان بتاع حسن عابدين
    عارفى نفسى فى اعلان اية

    الواد كان عندة حق عارفة؟؟

    ايون بتاع عرفة الجامع

    واية متكمليش دى هاتكملى

    صحيح شكرا على اول مبروك

    والقصة نزل الجزء الاخير منها بليل

     

  • At 4:29 AM, Blogger Diyaa'

    واو انتي مذاكرة أوي
    أكاد أجزم إنك لو عملتي دكتوراه في بلد محترم في موضوع الاعلانات ده هتاخديها
    المهم بقي
    ازيك ؟
    عوداً حميداً ...وعلي فكرة رأيي في اعلاناتنا المصرية إن 80% غسيل مخ واستهلاك ثم استهلاك ...فبالتالي أي حد بيفهم مش بيتأثر بيه وإن كان التأثير الأقوي اللي هوا تأثير السمع والتقليد ...يعني يجيب زي فلان أو مراتي تقولي هاتلنا كذا أقول حاضر من غير ما أعرف هي السلعة دي ليها جدوي ولا قيمة لا لأ
    والباقي بقي كدب بس كدب بابداع ..أما بره بقي ..وده غالباً بيبدأ من الخليج حيث الثراء بلا حدود لحد طبعاً الإبداع الرأسمالي في أمريكا والشركات العابرة للقارات
    أجمل إعلانات في توصيل الفكرة بتكون إعلانات تافهة أصلاً ...زي اديداس ونايكي والفياجرا....واعلانات كتير غربية بس بتتعرب في تليفزيونات الخليج بتقوم بوظيفة الاعلان كما يجب ..لكن عندنا...زن وتفاهة وبيع لأجسام عريانة مش أكتر


    مفهمتش الهامش الأول
    والتاني...احتفلوا بيها كما لو أننا محتلين صهيونياً
    وأكاد أجزم إن انتماء مبارك الصهيوني رغم إنه مش معترف بيه أو صريح...بس هو انتماء أقوي بكتير من انتماء عزام عزام
    انتماء ضعف أو كبر أو غباء..بس الراجل عمل اللي اسرائيل متقدرش تعمله فينا في ست قرون مش ست أيام بس
    تحياتي ونورتي بيتك التاني

     

  • At 8:17 PM, Blogger sherif gharib

    كنت اعرف اننى بعد غيبتى عن مدونتك اننى عندما ساعود ساجد ما يثير انتباهى
    حقيقه الدعايه هى حرفه من حرف النجاره و استغلال انبهار المشترى بالماده المعروضه
    اى كانت السلعه و اى كانت الطريقه الدعاثيه سواء كانت هذه السلعه سلعه جامده تباع و تشترى ام كانت افكار يراد الاعلان عنها لتطبيق فكر يراد ط
    رحه و اتلاتسويق له
    و فى النهايه يكون لنا الحق فى الاختيار و ذلك طبعا اذا ازلنا عامل الانبهار و اتجهنا لقيمه السلعه المعروضه
    تحياتى

     

  • At 8:53 PM, Blogger هيثم محفوظ

    فاكرة يا صافى الحملة الاعلانية اللى نظمها الحسب الوطنى ايام انتخابات الرئاسة وفاكرة ال كام طقم الكاجوال اللى لبسهم مبارك عشان يبقى روش وعماد اديب والكام حلقة اللى عملها مع مبارك واللى مع الاسف عمار الشريعى عمل مزيكتها.
    بيتهيالى بعض الناس كان ليها رد فعل ايجابى تجاه مبارك وتجاه الوطنى رغم ان فى بعض الاوقات كنت بشوف الحملات دى ساذجه واقل من العادى.
    استغلال خفة الدم لجذب الناس تجاه حاجات هما بيكرهوها لدرجة ان حد زى طارق نور قدر يعمل اعلانات دمها خفيف مع حاجه زى الضرائب وانتى طبعا عارفه يعنى ايه ضرائب بالنسبة للمصريين.
    بقالك فترة مجيتيش عندى المدونة .....انتى فين؟
    على فكرة فى ثلاثة اغانى نزلوا لينا على ال يوتيوب من الحفلة الاخيرة وعلى اللى نزلهم واحدة من الجمهور والتصوير كان بكاميرا خاصة بيها لو هتنزليهم اعملى سيرش لفرقة صبا على الموقع.
    اشوفك قريب

     

  • At 5:48 PM, Blogger mariam

    موضوع الأعلانات مستفز فعلا
    و خاصة ايام الدعايه الأنتخابيه
    لكن فعلا موضوع الأعلان الموجه ده ملفت للنظر بشده
    تحياتى ليكى يا ساسو و شكرا على سؤالك و بعتذر لك انى اتأخرت فى الرد

     

  • At 5:51 PM, Blogger No Fear

    السلام عليكم
    ياه علي دماغك دي أنت مش ممكن

     

  • At 3:38 PM, Blogger saso

    Mohamed A. Ghaffar
    موقع طارق نور اللي عامل الاعلانات بيقول انها في السبعينات
    :)
    انا كنت ناسياها خالص

    ميرسي ليك يا محمد وبجد مفتقدة مدونتك جدا

     

  • At 7:24 AM, Blogger طهقان

    اولا الحمد لله على الغيبة بعد عودة

    قصدي على العودة بعد الغيبة

    وثانيا
    فكرتينا بالاعلانات الحلوة بتاعة زماااااان


    زمن الفن الجميل





    بلا خيبة


    شكرا يا ساسو

    اشكرك من ساسو لراسو

     

  • At 5:58 PM, Blogger saso

    محمد ياسر
    تمام كده
    وفي اوقات اعلانات تخليك تقف متقلبش القناة غير لما تخلص حتي لو اتكررت

    غيبة طويلة انا عارفة.. وحاضر مش هتتكرر
    مش غياب قد ماهو زهق

    النت حكايات كتير وميل اتسرق وحاجات ظريفة جدا
    :)

     

  • At 6:02 PM, Blogger saso

    sherefins
    ان شاء الله
    ماهي الدنيا حلوة اهي وكويسة
    :P
    ممم
    يونيو بما اني بارد في اخر يوليو فكل حاجة عدت علي خير

    سلام

     

  • At 6:13 PM, Blogger saso

    نقطة مية
    اول زيارة ليا عندك
    لقيتك مشيتي
    بس لما قريت كلامك حاسة اني اعرفك من زمان

    اما الاعلانات فعلا كل مكان اعلاناته بتختلف عن التاني
    نفس الاعلان لما بيكون متدبلج باكتر من لغة بتحسية غريب عنك

    تحياتي يا جميلة وترجعي بالسلامة

     

  • At 6:23 PM, Blogger saso

    أحمد مختار عاشور
    ميرسي يا احمد

    محمود ايه ده يا محمود
    نزلنا الغنوة في تلعبوا معانا
    بس الاعلان نفسه مش عندي

     

  • At 6:24 PM, Blogger saso

    sherefins
    :)

    وانت طيب
    شفت تميت الخمسة وعشرين

    بس كان احلي عيد ميلاد عدي عليا .. تخيل

     

  • At 6:27 PM, Blogger saso

    ody911
    ههههههههههههه

    عجبك اوي كده يا اودي
    تمام


    تؤ تؤ تؤ
    ايه نميمة دي.. انا ان اانا بانم
    حاشا لله
    :P
    بلاش فضايح يا اودي

     

  • At 6:29 PM, Blogger saso

    محمود فهمى
    الحمد لله
    ياااااه دي اول مرة تشرفني

    هاقولك المرة اللي فاتت كنت في تلعبوا معانا
    وهناك مش انا اللي كنت حاطة غنوة سوليداد كان شريكي في البلوج هو اللي حطة
    فصححلك انه ولد مش بنت(جبتها مش جبتيها) زي ماقالك

    :)
    سوري علي اللخبطة دي

     

  • At 7:08 PM, Blogger saso

    camera_girl
    طب وايه الاخبار دلوقت
    :)

     

  • At 7:09 PM, Blogger saso

    صاحب البوابة

    وعليكم السلام ورحمة الله وبركاته
    حمد لله علي سلامتك
    :)

     

  • At 9:13 PM, Blogger saso

    Abdou Basha
    ميرسي يافندم

    عندي 3 اعلانات تانيين .. لو عاوزهم قوللي بس

    :)

     

  • At 10:34 PM, Blogger saso

    عين ضيقة
    ميرسي يا جميلة

    ثانيا : ميرسي برضه علي موضوع المعالجة ومبسوطة ان البوست عجبك

    ثالثا النوعية اللي قلت عنها"النموذج الممتع للاعلان شديد الذكاء بموسيقي شعبية مميزة ابهار بصري مناسب لا يخلو من طرافة" ده عن اعلانات زمان

    و"وتلك المتوازنة المبهرة ببساطتها او بتقنيتها علي السواء"ده عن اعلانات دلوقت

    دي اللي عجباني
    :)
    هي مش باينة ولا ايه

    رابعا.. البوست عن الاعلام وافه النكسه كانت في الاعلام الناس معرفتش انها مهزومة بسبب الدعاية المغيبة
    وصادفت ان البوست في توقيت النكسة
    يعني بنتكلم عن تاثير الاعلام برضه

    يعني لما ننسي حاجة حصلت هننسي تاثيرها يبقي احنا بنتكلم من غير خلفية
    وهنفضل طول عمرنا نجرب من غير مانستفيد من اللي فات

    مـيـنـفـعـش

    تحياتي

     

  • At 10:36 PM, Blogger saso

    ELGaZaLy
    :)
    العزيز جدا جدا الغزالي
    انا اهو موجودة بس زهقانه حبه من التدوين وبالعب حبه وابعد حبه
    الله يسلمك

    ياااااه علي الاعلان ده .. مكنتش بحبه زمان بس دلوقت وانا بافتكره باضحك

    مبروك تاني علي القصه .. بجد دي تستاهل احتفال

     

  • At 11:12 PM, Blogger saso

    Diyaa'

    شفتني وانا مذاكرة
    الحمد لله تمام اخبارك انت ايه
    بمناسبة الاستهلاك .. اللي بجد تحس بالاستهلاك والاستنزاف فيهم اعلانات البيع التليفزيوني
    مستوي اعلان هااااااااابط جدا .. وموجة جدا وممل جدا

    عن الهامش الاول فسيادتك انا كنت باكتب وهدومي صعبانه عليا الشارع فيه شجرة توت.. وطبعا التوت لما بيستوي بيقع فالشارع كلة ملطخ بالاحمر .. ما علينا هفرض ان ده منظر مش وحش ولا يخوف.. بس هدومي انا تتبقع وانا ماشية ليه
    حظي التحفة التوتة نشنت عليا ووقعت علي كتفي
    :)

     

  • At 11:17 PM, Blogger saso

    sherif gharib
    ودائما تسعدني بتعليقك

    لا تعليق بعده
    تحياتي

     

  • At 12:26 AM, Blogger saso

    هيثم محفوظ
    ازيك الاول

    اه فاكره الحملة طبعا
    بص الحملة كانت شيك بغض النظر عن الهدف
    وفيلم مروان حامد مع انه خايب بس كان شيك
    .
    بقالي فترة مش باروح عند حد
    معلش بقي

    هاعمل سيرش حاضر
    سلام يا هيثم
    سلملي علي محمد اللي اختفي في ظروف غامضة

     

  • At 12:40 AM, Blogger saso

    mariam
    حمد لله علي السلامة يا بنوته
    :)
    وعودة جلوة اوي.. كعادتك

     

  • At 1:02 AM, Blogger saso

    No Fear
    عليكم السلام ورحمة الله
    يا رافع معنوياتي دايما
    :)

     

  • At 1:32 PM, Blogger saso

    طهقان

    طهقان وطهقانة اللي عاوزين اسبوع اقرالهم براحتي
    بجد انتم تجننوا
    :)
    وميرسي اوي علي كلامك

     
Post a Comment ~ back home
Cheer Up It's Spring Time is dedicated and designed by ferekico Special thanks and real appreciation for ferekico