Name: Saso
Location: Egypt
About me: If you are here then read it till the end. I'm an ordinary Egyptian girl, with lots of concederation of my country and my Dearest contenent Africa. I love million thing hate million thing wanna change million thing. This love-hate relationship is attending with me all over my life. I'm a GEMINI with all the cool sides, bad sides, funny sides and loony sides of a gemini
تلعبوا معانا
Finding Neverland
|
|
 |
 |
 |
الآن، بعدكِ... عند قافية مناسبةٍ
ومنفى، تُصلح الأشجارُ وقفتها وتضحك
إنه صيف الخريف... كعُطلةٍ في غير
موعدها، كثقبٍ في الزمان، وكانقطاعٍ
في نشيدِ
الآن، بعدك... عند قافية ملائمة
ومنفى... تُصلح الأشجارُ وقفتها وتضحك
أَشتهيك وأشتهيك وأنت تغتسلين
عن بعدٍ، بشمسك. إنه صيف الخريف
كعطلة في غير موعدها. سنعلم أنه
إنه صيف الخريف يجيء من وقت إضافيٍّ
فصلٌ يدافع عن ضرورته، وعن حُبّ
الآن، بعدك... عند قافية ملائمة
خرافيّ... سعيدِ
الشمس تضحكُ من حماقتنا وتضحك
لن أعود ولن تعودي
محمود درويش
sharing folder يمكن يبقي ذكري
الدستور المصري
انـي هـويـتـك قـد جـري نـهـر ولـسـوف يجري بـاسـمـك الـنـهـر ايـاك ان تـتـراجـعـي لا لـن يـجـدي الـتـراجـع فـالـهـوي ... قـهـر عـبـد الـعـزيـز شـرف
بـنـك القاهرة اتباع
هذا عن خلفيات القرار
سبتمبر 2005 أعلنت الحكومة دمج بنك القاهرة في بنك مصر-لتكوين كيان قادر علي المنافسة الدولية علي حد تعبيرها والحق أن هذا ما حدث في تركيا والإمارات- وفشلت الخطة لتعجل القرار غالبا فلم ينتبه القائمين علي الدمج لكم الديون علي بنك القاهرة- أغلبها ديون رديئة غير قابلة للتحصيل- وعدد العاملين به المفترض بهم العمل في الكيان الجديد، والأطرف أن فروق البنكين غالبا متجاورة فيتعين إغلاق إحداها للإبقاء علي الأخرى وتوسيع الأخرى بالطبع لتتحمل حجم العملاء –والعاملين- الجديد، فتحولت عملية الدمج إلي استحواذ بنك مصر علي بنك القاهرة
مقارنة بالأصول فلا يوجد سبب واضح للخسارة المتناهية التي قدرها الخبراء ب11 مليار جنية لإعادة الحياة للبنك، تكفلت الحكومة بسداد 3.1 مليار منها لسداد مديونيات البنك لشركات قطاع الأعمال وتكفل بنك مصر –المدمج فيه- بسداد ستة مليارات أخري. وبالطبع المبلغ مدفوع من الحكومة صاحبة البنكين ومقارنة بتقرير الخبراء –نظريا- فلا يوجد سببا لدمج البنك بدلا من تصفيه أصوله وإعادة تقديرها ثم البيع
أيا كانت الحاجة في نفس الحكومة فقد جاء قرار البيع ليلحق بسابقة الرائد بنك الإسكندرية
الحق ان حكومة الوطني كانت شفافة كما يحلو لهم التسمية في خطة الخصخصة –البنكية خاصة- إذ نوهت أن بيع بنك الإسكندرية خطوة تمهيدية لبيع باقي البنوك الحكومية في مدي زمني لا يزيد عن 2008 وقد كان
وعليه فان القرار تغير من إعادة الهيكلة الي الدمج فالاستحواذ وأخيرا البيع في ظروف غامضة
-----------
هذا عن تنفيذ القرار
بعد وضوح الرؤية حول بيع البنك بدأت الكوميديا الفعلية عندما أعلن رئيس اللجنة الاقتصادية بمجلس الشعب- وزير الاقتصاد أسبق- د/ مصطفي السعيد رفضه لبيع الحكومة البنوك العامة لجهات أجنبية!!! قائلا أن الحكومة لم تخطر مجلس الشعب بالبيع ولم تقم بإعداد أية دراسة وعليه فان النواب فوجئوا بالقرار والأطرف أن القرار جاء أثناء العطلة البرلمانية هذا :) عن مصطفي السعيد
ننتقل إلي د/ محمود محيي الدين –وزير الاستثمار-الذي تعهد أمام نفس البرلمان في وقت سابق بعدم بيع أي بنك عام لأجنبي مرة أخري بعد مأساة بيع بنك الإسكندرية. والذي لم يعلق علي الإطلاق عن التناقض في قرار البيع بالمزاد لمستثمر أجنبي
علي لسان محمد بركات رئيس بنك مصر إن نحو 13 مؤسسة أبدت رغبتها في التقدم بعروض فعلية للترويج لبيع البنك وقامت اللجنة باختيار 5 عروض منها وهي الأكثر قبولا من الناحية الفنية . وإن اختيار المستشار المالي للطرح سيتم من بين العروض التي تقدمت بها المؤسسات المالية ووفقا للمعايير المهنية مشيرا إلى أن دور المستشار ينحصر في 3 أمور أساسية هي تقييم أسهم رأسمال بنك القاهرة، وتقييم استراتيجية البيع، ثم تنفيذ حملة تسويقية للوصول لأعلى سعر ممكن
في بوست سابق تحدثنا عن أسلوب تقييم الاصول المتبع حال الخصخصة كما حدث مع عمر أفندي وأخرين فلا داعي للتكرار بالطبع، لكن التميز في حالة بنك القاهرة كانت في اختيار بيت الخبرة المنوط بتقييم الأصول وبالتالي تحديد سعر البيع للسهم
فقد تقدم أربعة عشر بيتاً للخبرة فرفضوا جميعا ووقع الاختيار علي «جي بي مورجان» والمتهم بأنه وراء انهيار شركتين وفقدان 3مليارات من الدولارات والذي يعمل بتوسع في المملكة السعودية والحق انه بيت خبرة كبير ولكن اختيارة في هذا التوقيت تحديدا ليس في صالح عملية البيع
كان البنك قد قام بعملية تقييم مشابهة في ايطاليا قبل عامين واخطا في تقييم الاصول فتسبب في خسارة المليارات الثلاثة فثار البرلمان الايطالي وهاجم البنك ولا تزال المعركة بينهم قائمة- لم يمنع بالطبع من اختيار البنك تحديدا للقيام بمهمة مستشار البيع لبنك القاهرة-أضف لهذا ان البنك يعاني منذ شهور أزمة بسبب خسائر القروض في قطاع التمويل العقاري مما استدي خفض نسبة العمالة فيه وتغيير قياداتة
أي ان البنك المستشار في حالة واضحة من التخبط. فلا أجد سببا واضحا للتمسك به
نقطة أخري تستعصي علي الفهم هي ما أظهرته الميزانية الأخيرة للبنك- من شهور أربع لا أكثر- فقد حقق البنك أرباحا ربما مساوية او تزيد عن أرباح بقية البنوك ال ق.ع
نقطة أخري لحسني النية البنك له 203 فرع ورأسماله حوالي تسعة مليارات وإجمالي أصولة المقيمة- علي اسوأ الفروض حيث اتفقنا ان تقييم الأصول أساسا غير عادل- بقيمة47 مليار جنية، بناء علي الأرقام السابقة حدد فاروق العقدة محافظ البنك المركزي التقييم المبدأي لسعر البيع ب 12 الي 16 مليار فقط
عملية بنك القاهرة جاءت بعد طرح نسبة الـ 20% من أسهم بنك الإسكندرية في بورصة الأوراق المالية الذي بيعت 80% من أسهمه لبنك انتيسا سان باولو الإيطالي، بواقع 15% في اكتتاب عام بالبورصة و5 % للعاملين بعد قيام الحكومة ببيع بنك القاهرة بعد بنك الإسكندرية سيصبح لديها فقط بنكان عامان هما بنك مصر والبنك الأهلي
علي الهامش: كان يوسف بطرس غالي وزير التجارة الخارجية سابقا -والمالية حاليا -قد أعلن عن استقدام 100 من المصريين العاملين في بنوك أوروبا وأمريكا أو في الدول العربية لتطوير القطاع المصرفي وقال إنهم سيحصلون علي مكافآت تعادل ما يحصلون عليه في الخارج
عدد السكان يقترب من 75 مليون مواطن والحسابات المصرفية لا تزيد علي 7 ملايين حساب فقط
بنك القاهرة كواحد من أهم البنوك العامة منذ انشائه في الخمسينيات برأسمال وطني ليساند بنك مصر كان قد قصر ملكية أسهم البنك علي المصريين فقط لمنع محاولات التدخل الأجنبي في سياسة البنك
| Permalink |
-
تنهيده كبيره
:(
هحكيلك موقف نفس موقف بنك القاهره حصل معايا شخصيا
وكلت لان أكون ضمن اعضاء لجنه التقييم
ووووقامت وزاره الاستثمار المبجله بتقييم شركات التأمين الثلاثه مصر والشرق والاهليه ولكي تخرج من فخ النقد الذي تعرضت له في بيع عمر افندي احضرت لجان تقييم من أمريكا وخرج التقرير ينص علي ان الشركات تحقق ربح كبير ولكن لابد من أعاده الهيكله الاداريه بها
فقامت الوزاره المحترمه بدمج هذه الشركات تحت مسمي القابضه للتأمين والكل يعلم طالما حملت مسمي القابضه فهي في طريقها للبيع
هل قطاع التأمين لم يحقق ربح ؟
ما يضار الحكومه اذا دعمت هذه البنوك بدلا من بيعها؟
اسئله تلقي الحكومه بها خلف ظهرها فبعد البنوك ما ذا تبقي لنا
واي شئ يباع داخل مصر المحروسه يتم تفصيل المناقصات لتذهب الي الشخص المراد
وأسألوا محمد المغربي ورشيد محمد رشيد
واصبحنا الان مستعمرين اقتصاديا
****************
ملحوظه صغيره
رغم ابتعادك عن الكتايه فتره طويله الا انكي عودتي متألقه ولكن لي عتاب عليكي أمام الجميع انكي تتأخري كثيرا في الكتابه ونفتقد السطور الجميله طيله الوقت
بجد الاقلام المحترمه قليله فلا تغيبي والا...............ولا بلاش
خالص تحياتي واحترامي لكي -
الموضوع ده بيمسني انا شخصيا لان انا في شركه الشرق للتامين طبعا زي ما انت عارفه وحصل معانا طبعا نفس الموضوع بالندماج مع شركه مصر للتامين وده وضع شاذ بكل المقايس لما شركه عمرها يعدي ال75 سنه تختفي كده من الوجوده يدوب بجره قلم من غير ادني تفكير في العملاء ولا فكر العملاء ودي المشكله اللي احنا بنواجها حاليا مع العملاء وحمله الوثائق حد حط في اعتباره اللي بيحصل ده
ده غير ما اقول ليكي عن اللي حصل في الميزانيه العموميه السنه دي الارباح السنه اللي فاتت كانت 95 مليون جنيه السنه دي الارباح اتلعب في الميزانيه عشان الارباح تنزل ل 45مليون
يعني في 50 مليون رايحين علي فين الله اعلم
وكفايه كده وربنا يستر
**** لاول مره من فتره افقد المركز الاول في الكومنت -
عودة قوية كالعادة..
لكن مش ملاحظة إننا قدام فزورة من العيار الجامبو؟
فيه شركات مملوكة للحكومة أو القطاع العام أو أياً كان اسمه وبتحقق أرباح وبتتباع.. وفيه شركات تانية معلوم للقاصي والداني إنها بتسلم نمر وشوية ويتعمل لها صوان عزا ومحدش بيتكلم عليها!
فيه ناس عايزة تبيع الناجح وناس عايزة تبقي على الفاشل.. تضارب سياسي بيوصل لوسائل الإعلام اللي بنعرف منها عن دة وعن دة.. -
مش عارف .. لما قريت كلامك ياساسو -وفيه معلومات جديده بالنسبه لى زى حكاية تعهد الحكومة ببيع باقى البنوك على 2008 دى- وباقى التعليقات احترت
ياترى الموضوع مجرد عصابة وشلة حراميه زى ماأنا فاهم .. يعىن مسألة البيع والخصخصة والإفساد .. كل ده بغرض شوية عمولات -شوية ده مصطلح غير ملائم قطعا لقيمة العمولات !!- وللا فيه مسائل تانيه ؟
لو عمولات بس تبقى عمولات لمين بالظبط ؟
مبارك وللا ابنه وللا حد من العيله؟ رؤوس كبيره فى الحكومة والحزب ؟
جريمة منظمة بنظام المافيا ذات أذرع أخطبوطية فى الجهاز الحكومى ؟
وللا كل دول بنظام العصابة ؟ والمكسب يتقسم ع الكل ؟
وللا مش حكاية عمولات أصلا ولو فيها عمولات يبقى دى طريقة للتغطيه على حقيقة اللى بيحصل ... ضرب الاقتصاد والزراعه -ضرب القطن والقمح المحليين- والصناعه والدين بطريقة تكاد تكون شبه منظمه !
مش معقول كل ده يكون بدافع منطق السبوبه ؟
ولو كان حتى .. مين اللى بيدفع السبوبه دى ؟
والأهم , مين اللى بيستغلها ؟
ياترى حكاية إن ملاك البنك الإيطالى اللى اشترى بنك الاسكندرية مجرد واجهة ليهود أو هم أصلا يهود مجرد إشاعه وكلام فارغ ... وللا دخان مابيطلعش من فراغ ؟
أتمنى إنى أكون شكاك ومجرد موسوس آخر بنظرية المؤامرة :( -
brain storming:
1-إذا كان من باع من الشياطين ، أشك أن من أدار كان من الملائكة..
2-أعرف أن هناك تلاعباً كما ذكرتِ وكما ذكر الأعزاء في ردودهم .. لكن تبقى هذه مجرد حالات في وجود حالات أخرى.. وهناك اتجاه في داخل الإعلام المستقل والحزبوطني يسعى لتضخيم التلاعب بشكل يفوق حجمه الحقيقي سالف الذكر لتحقيق أمرين .. الأول هو التغطية على الفشل الإداري وإهدار المال العام ، والثاني هو الترويج للشر المستطير المسمى بالبيروقراطية السياسية .. (إذا كانت هذه المؤسسات قد نجحت تحت إدارتنا فإن البلد كلها ناجحة تحت إدارتنا وأن ما يثار هنا وهناك هو كلام من حاقدين موتورين مأجورين يسعون لتحقيق مصالح خارجية ولا يرجون مصلحة هذا البلد الطيب تحت قيادة زعيمه المفدى ...الخ)..
3-إحقاقاً للحق .. وبما أننا في
brain storming
فإن المؤسسات الناجحة هي التي يقع عليها الاختيار في البيع .. فالمستثمر لن يراهن على جواد خاسر وسيستفيد من الـ
goodwill
وحسن السيرة التي حققتها الشركات والبنوك في أوقات سابقة..
لكن اللي بيحكمنا كمان في عملية البيع حاجة مهمة .. أهمية القطاعات دي بالنسبة للاقتصاد المصري وللمصريين..عشان كدة فيه ضيق وغضب على تلك الصفقات..
دة ما يمنعش إن لو قررت الحكومة "تسريب" حاجات ما لهاش أي أهمية اقتصادية أو خدمية من قريب أو من بعيد وبتخسر الجلد والسَقَط حتلاقي برضه اللي حيتصدر ويهاجم ويطلع بالشعارات.. فرقة المنتفعين بعيد عنكم وعن السامعين..
4-كما سبق للعبد لله ذكره في مناسبة سابقة .. هناك جناح يريد البيع ، وجناح لا يريد.. ولا يوجد جناح يعرض ما يحدث على العقل ويدعو للتعامل بشراسة مع من أداروا وخربوا وهلَّبوا وحققوا مكاسب شخصية ، ويدعو لإعادة هيكلة وإدارة هذه الهيئات بشكل سليم.. -
At 11:01 PM,
هيثم محفوظمش عارف لية حاسس ان البوست ده كتباه بقالك فترة وعيناه فى الدرج
المهم
لو تلاحظى ان اى مرحلة اقتصادية مصر بتخش فيها او اى بيع بنك مرتبط دائما بحركة او تصريح لرجل اعمال من الذين يؤثرون على الحياة الاقتصادية والسياسية فى بلدنا
انا فاكر كويس ان تزامن مع بنك القاهرة مع بنك مصر رجوع رامى لكح للبلد وكتر الكلام على ان السبب الرئيسى فى تدنى سعر البيع مرتبط بما سيدفعه رامى لكح للبنك
الكلام زى منتى شايفة كده مش مترتب بس فعلا ده اللى ملاحظ انه اى خطوة بتأخذها الحكومة لبيع اى مؤسسة او بنك مرتبط بمصلحة واحد او اثنين من رجال العمال اللى موريينا الويل
ايام انتخابات القاعدة للحزب الوطنى كنت معدى فى مرة من جنب فرع الحزب فى المنصورة لقيتهم معلقين اعلان لاسماء الامناء المرشحين للانتخابات وتخيلى لقيت امانة فى الحسب اسمها امانة رجال الاعمال وبالمناسبة امين الحسب الوطنى فى الدقهلية رجل اعمال اسمة مصطفى عقل وده صاحب مصانع عقل لقطع غيار السيارات ورقم 2 بعد المحافظ قال نعم لمبارك فى انتخابات الرئاسة كفاية كدة انا اتكلمت كتير -
مـحـمـد مـفـيـد
اهلا بابو العبادله
اممم
نفس التنهيده الكبيرة
يقال ان تقييم بنك القاهرة مخرجش عن ان البنك بيخسر لسبب غير معروف وان اعادة الهيكلة هتحل كل المشاكل
فجاة تحول الموقف لاندماج ثم استحواذ واخير بيع
لما كل الأصول تتباع وكتير بتتباع لاجانب هيتبقي ايه اللي تملة الدولة
ايه اللي ممكن تتحكم ف اسعاره..المشاريع الجددية مين اللي هيعملها القطاع الخاص اللي اصلا جبان-كل واحد بيخاف علي فلوسة- ولا الحكومة هتعمل المشروع وتكبره وتبيعه
عرفت انهم كانوا عارضين فكرة خصخصة جزء من اسهم مصر للطيران للبيع
:D
*******
علشان الملحوظة اللي بتفرحني
مانت عارف مفيش مني امل
:)
المهم متزهقش انت -
sherefins
وادي تعليق تاني برضه من حد جوه الموضوع
يعني انا اتعامل مع شركة وبعد سنة القاها اندمجت والادارة اتغيرت والسياسة اتغيرت من غير ميتاخد رأيي
:D
الله علي الشفافية
-------
نقطة الارباح يا شريف ترجعنا لتقييم الاصول والربحية
اللي محدش عارف ازاي تضمن انهم بيتقاسوا بعدل.يظهر ان سهل تطلع شركة خسرانة او كسبانة
****
لول
انت جيت متأخر المرة اللي جايه تتعوض بقي متزعلش -
قلم جاف
تعليق رائع كالعادة
امممممم
مرة كان في كلام علي نفس وزن فزورتك في برنامج سخيف من بتوع دريم وأخواتها
كان الكلام معناه ان الشركة لما تكون ناجحة هتتباع تجيب فلوس
!!!!
ولا شركة خسرانة مش هتتباع أصلا
!!!
الناس دي بتبيع ايه بالظبط شركات ورأس مال وطني ولا محلات في شارع عبد العزيز
---
كل حاجة ليها طريقتين في التفكير..احداهما صح ومش هتتبع والتانية تمشي صح لو ضغطنا عليها
العقل بيقول مشروع خسران بيعه،تلقي حد بيقولك لا خسران مش هيتباع نبيع مشروع كسبان ونصرف جزء من الربح علي مشروع تاني وهكذا
تمام زي ما كان في فرق تقييم لأصول عمر افندي 600مليون جنيه الفرق بين تقييم اللجنة الأولي و تقييم المكتب الاستشاري اللي جه بعد شهادة رئيس شركة بنزايون
التقرير النهائي قال ان التقييمين صح
:D
دول بيهزروا في 600مليون جنية -
Leonardo
المختفي اكتر مني
الموضوع في ايد البنك الدولي بدرجة ما
امممم
نشوف ده
ده كلام الحكومة(الحزب الوطني) في جريدة الاهالي
هــنـــا
----
لول
احلي مجموعة علامات استفهام
من ناحية عصابة وحرامية يمكن
من ناحية ضغوط البنك الدولي بتتعامل بحرفية من غير اي تصرف
والأسوا لو سلمنا بنظرية المؤامرة
lol saso bt2ol mo2amra
يبقي بيع الاصول طريقة مضمونة وسريعة لتخريب الاقتصاد من ناحية والدعم والتحكم في السوق من ناحية تانية
امممم
عمولات لمين ده سؤال ظريف
:D
ارد عليه ازاي ده
علشان مسلمش بنظرية المؤامرة هقفل التعليق علي كده -
At 1:54 AM,
هيثم محفوظ -
قلم جاف
!!!
من أدار
من اكبر مشاكلنا الادارة في القطاع العام تختلف عن القطاع الخاص
دول مصريين ودول مصريين بس دول عليهم رقابة وتقدير ربحية تختلف عن دي
معظم الهياكل اللي اتغيرت فيها الادارة زي القطاع الصناعي اتحسنت معدلاتها.. بس الغريب ان ده مشفعش لتأجيل او إلغاء فكرة البيع
امممممممممم
بما ان المؤسسات الناجحة هيا اللي بتتباع ش من باب أولي تطلع ناجحة في التقييم الحكومي اللي غالبا بيقدرها بأقل من قيمتها بمراحل وبالتالي سعرها هيتناسب مع التقييم ويطلع قليل
بينما اللجان الخاصة بتطلع نفس المنشأة بقيمة أكثر
عن اهمية القطاعات بالنسبة للبلد فدي نقطة مهمة اوي
هينفع ييجي وقت ميبقاش في بنك حكومي أو مصنع غزل أو حديد وصلب
نظريا اه ممكن ..[س طبيعة المنافسة هنا وطبيعة الناس مش هتستوعب ده بسهولة
وهنقابل مشكلة احتكار عالية وأسعار مبالغ فيها
احنا لسه محتاجين مؤسسات حكومية تظبط السوق والاسعار والمنافسة، اشمعني دي اللي مستعجلين عليها
مبقالنا عشر سنين بنطبق الرقم القومي وخمسين سنة بنحارب الأمية
الإصرار ده مش طبيعي بالنسبة لنا
ممممممم
النقطة الرابعة فكرتني بحاجة ظريفة
مرة قريت مقال بيتكلم عن بيع الأصول والتوجة الرأسمالي والكلام ده
احلفلك اني مفهمتش حرف ..يا اما هما بيتكلموا بلغة تانية عن بلد تانية
يا اما العيب فيا
وفي الاخر وصل المقال لنتيجة اننا لازم منبيعش بس انا مفهمتش ليه
:)
علي الأقل المقالات الحزب وطنية في الأهرام تتفهم حقايق مغلوطة يمكن بس قابلة للفهم والقياس عليها
تخرج من المقال فاهم انك بيتضحك عليك
بس علي الاقل فاهم
تحياتي وكل سنة وانت طيب وكل عصف ذهني وانت طيب
:) -
هيثم محفوظ
ليه ؟
حاسس انه بايت؟
:)
اممممممممم
كده بقت سياسة ومؤامرة مع بعض
بس المرة دي بنك اسكندرية اتباع لاستثمار اجنبي
LoL
مش مصريين وبس
عن الحزب الوطني فالصح بعينه انه يلم حوالية رجال الاعمال
من زمان لما ابتدت رياسة الوزرا بتاعة عاطف صدقي. وتلاه العزيز جدا عاطف عبيد صاحب الفضل في البيع لمجرد البيع. انتعشت سوق رجال الأعمال
كارت ربحان في اي نظام رأسمالي
والله وبقينا رأسماليين
:)
ان تكوت الحكومة فيها رجال أعمال
وبما ان نظرية الوزير والمرسيدس نظرية قديمة قدم الوزراء فان من واجبنا ان كل رجل وطني يمتلك مصنع وطني
:)
انا بقول كفاية كومينت كده برضه -
IRC President
لا مش اوي كده
يعني مثلا بنك اسكندرية نظامة الإئتماني مشابه تماما لبنك القاهرة فمفيش اي فايدة جديدة تغري المستثمرين
فروع البنك في أماكن متجاورة لحد التلاصق .. ايه الاستفادة اني احتفظ بفرعين في كل شارع
هيكل مالوش مميزات زيادة هيعتمد في تمويلة علي هيكل تاني عنده مشاكلة علي اي حال
:)
كده ولا كده كانت فكرة صعب
مين دي اللي مختفية
:D
والله مبقيت عارفة اقفله؟
:D لا
اكتب؟
مبقتش عارفة
يلا بقي خير خير -
شاب مصري مفروس
الاول بس أهلا بيك
وسعيدة جدا بمعرفة مدونتك
:D
لسه هنأمم تاني
مبقاش ينفع
ايام عبد الناصر كانوا اليهود اي كلام
ما عاش اللي يطردهم دلوقت (كرؤوس اموال) ويأمم ارض ومصانع الاقطاعيين الجداد
بغض النظر عن موافقتي من عدمها لفكر ناصر.. أيامه كانت اسهل، كان في عسكر وفي حرامية واللعبة سهلة
دلوقت الحرامية هما العسكر وصعب الحرامية يأمموا نفسهم
تحياتي بقي -
At 2:15 AM,
هااااااااااااااااااااي ساسو انا ميرو انا بقالي كتير بدخل ومش بعرف اعمل كومينت علي احلي كلام انت جامدة اويييييييييييييييييييييييييي كلامك حلو بس صعب بعض كتير علي ماافهموا بس هو جااااااااااامد وعايزة اقولك الف الف الف الف الف مبروك انت عارفة علي ايه انا مش عايزة اوضح بس بجد انا فرحنالك مووووووووووووووووت ربنا يسعدك يارب
This comment has been removed by the author.