حصلت كتير ، فيه فريق لدولة آسيوية هرب من البعثة أثناء مشاركته في بطولة عالمية ، كمان فيه عدد من اللاعبين المصريين هربوا من البعثة المصرية في دورة أطلنطا 96.. ومن ضمنهم اللي استقر واللي رجع ..

أهو دة اللي يمشي عليه العنوان : العيال هربت!

قلم جاف
بس كل اللي حاصل الايام دي ولسة العيال عاوزة تهرب
العنوان كنت هاكتبة كدة بس ماليش مزاج أهرّج العيال دول ضايقوني بجد

صحيح لسه فى شباب كتير مفيش فايدة منهم لكن متهيألى بقى فى شوية فيهم فايدة و بيزيدوا كمان دلوقتى

namlaaa
عرفوا ان مستقبلهم هنا كحلي ومعرفوش انة برة هيبقي اسود؟
الحياة هنا مش هتنفع تبقي وردي بس مش الحل انهم يطلعوا برة لأ وامريكا تحديدا امال مين اللي هيلوّن هنا

محمد ياسر
فيهم وفينا فايدة .. ودة اللي زعلني ان لسة في ناس فاكرة ان أي بلد أحسن من هنا

عزيزتي في بعض الجهلاء لا يهم ما يحدث خارجيا اهم حاجه هو الوهم الذي هو ااسمه السفر الي امريكا هي دي اقصي طموحه فلا تزعجي نفسك بهذه القله العوجاء ولا تبحي صوتك لانه فعلا مفيش فايده
بوست في الجون كالعاده وكانك مسئوله الهموم لدي الشعب ربنا يقويكي

صراحة أنا مختلف في الرأي معاكي شوية ....أنا شايف ان العيال دية لو كان عندهم أمل في مستقبل كويس في بلدهم مستحيل كانوا عملوا كدة و بعدين هما مش أطفال ..دوول شباب و متفوقين كمان ..يعني المسألة مش مش مسألة الحلم الأمريكي و ( القوالب الجاهزة) اللي احنا عاملينها لكل ظاهرة ...يعني الشباب دوول لو كان سافر "كشريستان " كان هرب ...و هية دية المصيبة ..ان فعلا كل الناس بقيت مقتنعة ان مافيش فايدة في البلد ...و اللي بيجيلو تمن فرصة سفر بيسافر على طوول ....وللأسف...عندهم حق !

للأسف اللي أيده في الميه مش زي اللي إيده في النار...طيب دول ناس متفوقين ...عملهم ايه التفوق...مش بيأكل عيش التفوق ده..والمشكلة انهم طالعين علينا في الجرايد...توفير 50 ألف فرصة عمل للشباب ومش عارف ايه..بس طبعا في مصانع الغزل...طيب واحد خريج أداب هيعمل ايه في مصنع الغزل...مش عارف...لو كان غيه هنا حاجة عدلة كان الواحد قعد...لكن الطبيعي ان ناس زي طول رايحين أمريكا عايزين يشتغلوا أب حاجة علشان يجيبوا فلوس...لكن تفوق وماجستير وكلام من ده معتقدش ..عموما هما خلاص قربوا يجيوا وأتحدد مكانهم كلهم والحلم الأمريكي اللي كانوا عيشينوا هيخلص كمان يومين ولا حاجة

لي صديق كان رقم واحد في ميزانه في منتخب مصر للكاراتيه عام 2000
اختير و معاه ولد و بنت كمان
يعني البعثه 3 لاعبين غير الجهازالفني من ضمن فرقه منخب كالمه دلاله علي انهم افضل تلاته فعلا
الولدين هربوا واحد فيهم رجع بعد كام شهر و طبعا اتعاقب و التاني فضل يهرب و اشتغل في محل بيتزا و اتجوز هولنديه ضعف عمره بس الحقيقه كانت فلقه قمر .. صحتها و شبابها تضاهي فتاه عشرينيه في بلدنا
عمل بيزنس و فلوس و بيجي مصر كل سنه يشتري عقارات و يتفسح في افخم الاماكن مع زوجته

محمد مفيد
عاوزين يفضلوا هناك خليهم بس لما يصطادوهم زي الارانب بلاش يرجعوهملنا
ميرسي يا جميل علي الكلام الحلو دة

captain silver
اوك ،حتي لو مفيش أمل هنا في أمل ف امريكا تحديدا؟
لو كان مش عارف انة هيتقتل أو هيترحل او الاسوأ هيضيع دي مصيبة .. وهيشتغل اية بالثانوية العامة المصرية في محطة بنزين ولا مطعم
المهم انت شايف انة في امل؟

mgm
مين اللي ايدة في المية دة؟
ما علينا الارنب اللي اصطادوة في الأول كان جايب مقبول زينا يعني كمان مش التفوق الفظيع بس برضة مش موضوعنا
مفيش حاجة عدلة هنا طيب في فامريكا في الظروف دي فرصة لعربي وياسلام لو كان مسلم ومن غير تخصص نادر؟

مش هقول البلد دي احسن من غيرها.. بس اللي يخرج منها يخرج باحترامة

namlaaa
الشغل في اي بلد عرض وطلب اية اللي عندك احسن من التانيين علشان تشتغل
طبعا الحياة هنا بقت صعب والمؤهلات مبقاش ليها اي داع.. لكن دة سبب أدعي انة يستني هنا ببساطة شهادتة المصرية برة مصر هتشغلة في محطة وقود بالكتير
يعني برضة زي مشاريع بيع الخبز اللي بتقول عنها
علي الأقل هنا محدش هيرمية بالرصاص او لو حظة حلو يرحّلة ويرجع مصر برضة بعد ماتتسرق منة سنين المفروض انها احسن سنين

bassma
يعني 50% مكسب لو اتفقنا ان الشغل في محل بيتزا والجواز من بنت ضعف عمرة مكسب
بس يا هدي أمريكا تحديدا؟ واليومين دول ؟

لو كان الموضوع شغل حرفي مش معتمد على التعليم بتاتا يبقى الواحد تاعب نفسه في التعليم ليه...لو أنا أقعدت أتعلم 17 سنة أو 15 سنة علشان في الأخر أشتغل بياع عيش ...يبقى مكنش ليه لزمة التعليم من أصله...والمشكلة أن الجرايد بتدي ضوء أخضر لموضوع ده...يعني بيحاولوا يخلوا الناس تشتغل في المهن الحرفية ...أنا عن نفسي مش ضد الموضوع ده بس المشكلة أنه وبعدين ...هيفضلوا على طول حرفيين ولا هيعملوا ايه...لغاية ما ربنا يفرجها ولا ايه اللي هيحصل ..

المسألة مش مسألة أن فيه أمل في أمريكا أد ما هيا مسألة يأس كامل من كل الأوضاع في مصر ...هو دة كان قصدي ...و زي ما قلت هيا دية المشكلة ...لأن من كتر الفساد و القرف اللي في البلد بقى كل واحد شايف انه يسافر و يتبهدل بره أكرم له مية مرة من أنه يحاول يصلح البلد هنا ...لانه هناك ماشي هيتبهدل أااة بس على الاقل هياخد نتيجة تعبه ...لكن هنا هتتطلع روحه وفي الاخر هياخد على قفاة !!!!!

mgm
هو انا قلت اعمل كدة؟ لا طبعا انا مش بقول الحياة هنا وردي منا عايشة فيها
بس مش الحل انك تهرب ويعاملوك كارهابي

captain silver
والحلوين اللي بيتمسكوا في الشوارع زي المجرمين كدة ماتبهدلوش ؟ ماشي يسافروا لو في شغل او مسافرين قانوني حتي

هو ايه الفرق بين طلبه في الجامعه طلعين بعثه مع الجامعه وبين معتقلين سجون امريكا ومعتقل جوانتنامو اللي رفضوا انهم يرجعوا مصر وفضلوا انهم يعيشوا في السجن الامريكي علي انهم يعبيشوا في السجن المصري وانا اعتقد انهم طلبه عباقره انهم وصلوا لحقيقه الفرق بين السجنين وهما لسه حتي مخلصوش الجامعه وده اللي المجتمع المصري اكتشفه بعد 25 سنه

sherefins
ماهم لو هيستنوا هناك مش هازعل.. خلي البلد تفضي بس هيرحلوهم برضة ويخسروا سنينهم وتعليمهم كمان

hytham
طبعا الظلم هنا أمّر من اي مكان تاني انا مش بحب أهلي وان ضنوا علي كرام دي من القريب دي اسوأ
زويل كان تخصص مهم لة شغل هنرجع تاني لموضوع العرض والطلب
ثانوية عامة مصرية وعربي ومسلم ومن غير تصريح عمل.. لسة لة فرصة؟
ثانية واحدة هو اية موضوع ايدة في المية دي؟ بسمعها كتير اليومين دول

وأضيف لكلام mgm..

اللي بيقول لك إن احنا بلد غني بثروته البشرية يبقى بيشتغلك رسمي.. الصراحة راحة مع الاعتذار لمروى!

ليييييييييييه؟

عندنا ناس كتير ، بس مش مستغلين ، غير خزعبلات كليات القمة المزعومة ما تحسش إن فيه نسبة وتناسب بين العدد اللي بيفتحه التنسيق المتخلف والجامعات المتخلفة للناس وبين اللي السوق محتاجه ، كلية طب بيدخلها عدد يفوق اللي السوق واللي الحكومة عايزاه .. وكلية تجارة بيدخلها جيوش يفترض بيها انها بتخدم على تلات قطاعات حيوية في الاقتصاد المصري هي قطاعات البنوك والتأمين والصيرفة .. ولا القطاعات دي عارفة تستفيد منهم .. السبب إن كل اللي يصم ويجيب مجموع يدخل الكلية اللي مش مؤهلة لاستغلاله ، يطلع هو الآخر من الكلية غلبان في مجاله ..والسوق مش مستفيد بيه..

اللي بيتعلم وبيشتغل في غير مجاله خالص زي النعامة اللي عايزة تقلد النسر ، لا بقت نسر ولا عرفت تقف .. صعب اللي درس محاسبة وطلع عين اللي يتشدد له من جنس البشر ينجح كميكانيكي مثلاً .. المحاسبة خسرت شخص وكار الميكانيكية ما كسبش صبي بتعريفة!..لاحظ كمان الحالة الكرب للتعليم الفني اللي المفروض يخرج ميكانيكية ..

فيه حاجة إحنا نسيناها خالص ويبدو إن فيه ناس مش عايزيننا نعرفها : الكاريير .. مش عيب ولا حرام إن يبقى لي كاريير ، سلك مهني أتدرج فيه طوال حياتي ، علشان أبقى متخصص ومحترف ومجيد فيه .. اللي درس إعلام بيتهيألي كاريره الإعلام .. يفضل يشتغل في المجال الإعلامي طول حياته في الإذاعة أو التليفزيون .. مش سواق على ميكروباظ بالنفر في خط الجلاء - الجامعة مثلاً..

أثر العملية اللي إحنا عايشينها .. إنك تتعلم حاجة وتشتغل حاجة وانت نفسك تبقى حاجة تالتة .. أثرها حيبقى وبال على مصر بكل ما تحمل الكلمة من معاني .. مش حيبقى عندك متخصصين .. حتضطر تشتري عمالة من برة يا عبقري الزمان..وشوف الوكسة إن البلد العربي أبو سبعين مليون بني آدم في عين العدو الصهيوني بيعاني من نقص في المتخصصين والحرفيين والمهنيين ..

نيجي بعد كدة لكلام الصالونات وقعدات البانجو على إن الشغل مش عيب .. حتكتشف لما تنزل الشغل إنه مش عيب وبس .. طبعاً لأن عقليات الناس لسة بتنظر بكل احتقار للي بيشتغل شغلانة بسيطة تبوظ للواحد جوازاته اخواته وجوازته نفسها .. ومحدش ليه دعوة بالمستوى العلمي والثقافي والكلية .. انت اشتغلت إيه يوماً ما قبل كدة؟

أنا لا بيأس ولا بأحبط من العزايم .. الحل واضح ومعروف .. آدي الجمل وآدي الجمال .. يا إما التعليم يأهلني كمواطن لأحترف شيء ما ، يا إما حيفضل أحمد عند الحاج أحمد .. وحنشوف محاميين كتير خريجين كلية زراعة وميكانيكية بكالوريوس سياسة وعلوم اقتصادية .. ورقصني يا جدع على ذرة ونص!

انا عندى ازمة ضخمة فى ان احنا نلوم الشباب ده على اختياراته من غير ما نكون عارفينه وبعدين لازم نعترف ان فيه حالة عالية جدا من الاحباط مخليا حلم الهروب حتى للمجهول افضل

ساسو اتمنى انك تشوفى فيلم المدينة ليسرى نصرالله واتمنى انك تشوفى فيلم المحطة وده تسجيلى لاحمد رشوان واتعرض على الجزيرة

اعتقد انك لما تشوفى هتحزنيلهم اكتر ما هتغضبى منهم

وللجميع رفقا بالبشر فالبشر مختلفين وليس للكل نفس القدرة على التحمل والمثابرة مثلكم

بس أنا مقوبتش أننا بلد غني بثرواته البشرية...تروة سمكية ممكن...لكن بشرية لأ
ممنك عدد العيال اللي بيلعبوا في الشارع ..ماهي دي ثروة بردوه ولا ايه؟
فكرة الكاريرير أو التخصص تمام بس متنفعش نظرا لوجود نظرية (بتاع كله) وطبعا بتاع كله ده مش بينجح غير بالفهلوة والنباهة