Sunday, August 06, 2006,12:47 AM
الولد مطيع ابن المهاود
استيقظ الولد مطيع المصري ابن المهاود حوالي الثالثة صباحا.. وجلس في سريرة مترقبا
اصوات في الردهة تتلمس الابواب .. اصوات انفاس متلاحقة خائفة
يتسمع الاصوات حولة فيميز انات مكتومة لابد وانها لاخية الصغير" عايش " تتبعها وقع اقدام ثقيلة كانما تحمل شئ
ما.. صمت
الاصوات عادت وهذة المرة لم تتلمس الابواب بل فتحتها بركلات الأحذية السوداء .. وحين غادرت ميز مطيع صوت اختة " سكون " تغمغم كعادتها بشئ ما .. صمت
واستمرت الأصوات طيلة ليلتة تروح ... تعود .. تأخد من بيتة حتي سكانة
ضم مطيع ركبتاة الي صدرة قائلا : بابا قال ماحطش ايدي ف فم الأسد
 
Posted by saso | Permalink |


29 Comments:


  • At 2:33 AM, Blogger محمد أبو زيد

    مطيع
    مهاود
    عايش
    سكون


    يبقى انت أكيد .. أكيد في مصر

     

  • At 2:53 AM, Blogger Captain L.J.Silver

    طالما ان اللي دخلوا ماجوش ناحية سرير مطيع ولا شالو من عليه الغطا يبقى لا حرج على محيط ....ولا انته عايزين الأسد يتسلى على ايدة !


    بي .اس : الcommentبتاع محمد ابو زيد جامد جدااااااااا !!!

     

  • At 10:29 AM, Blogger saso

    محمد
    ايوةةةة هو دة

    captain l.j.silver
    دول لو شالوة هو والسرير برضة مالوش دعوة

    shoowbash
    ما علينا من صايع مانا عارفة ان قصدك خير
    اللة يخليك

     

  • At 12:37 PM, Blogger قلم جاف

    وأفراد القبيلة كثر : صابر وراضي ومستكين ...طالما أن هناك من يريدوننا ودن من طين والتانية من العجين!

     

  • At 1:20 PM, Blogger saso

    قلم جاف
    ماحنا كمان اتعودنا بقينا لو حد اخد موقف او قال لازم ناخد موقف بنبصلة باستغرااااب
    يعني اية موقف ؟؟

     

  • At 1:24 PM, Blogger مـحـمـد مـفـيـد

    عزيزتي ساسو انتي ناسيه انك في مصر ربنا يرحمنا
    وطول مانت مطيع ومهاود هتبقي ميه ميه

     

  • At 1:49 PM, Blogger saso

    محمد مفيد
    معلش اصل نشرات الاخبار الفنزويلية بوظت الشعب
    اية رايك لو نشفرها؟

     

  • At 8:59 PM, Blogger Abhijit

    hey there...

    thanx for the information...i'll try to go through the Holy Quran and find out more about the whole thing...thanx again!!!

     

  • At 10:33 PM, Blogger saso

    Abhijit
    u welcome and inform me with what you'll get plz
    see u later

     

  • At 9:11 AM, Blogger أُكتب بالرصاص

    مع اني مش فاهم حاجة
    بس طالما قال دراع مرسي يبقى بيتكلم صح

    لا
    بصراحة
    فكر عالي قوي

    كلمات موجزة
    فكرة كويسة

    بس احنا اللي مش بنعرف نقرأ
    :)

     

  • At 10:18 AM, Blogger saso

    أكتب بالرصاص
    هو دراعك بيوجعك اوي يا مرسي؟
    مش عارفة اقوللك اية ميرسي

     

  • At 11:41 AM, Blogger أُكتب بالرصاص

    العفو يا آبليتي

     

  • At 3:38 PM, Blogger abderrahman

    التربية هي الأساس

     

  • At 3:58 PM, Blogger saso

    عبدة باشا
    لأ لأ لأ بقي مطيع وبقية العيال متربيين زيادة عن اللزوم .. حقيقي بابا نويل عرف يربّي ولو ان الولد الصغير العفريت فلت منة شوية.. بس رجع وبقي أمين سياسات ما شاء اللة
    إلا دي كانت كوبون تنسيق رقم كام يا عبدة؟

     

  • At 6:50 AM, Blogger Mamdouh Dorrah

    الله عليكي يا ساسو
    يسلم فمك يا شيخة

     

  • At 6:51 AM, Blogger Mamdouh Dorrah

    علي فكرة الصورة الجديدة اللي انتي حاطها اعتقد انها بتعبر بنسبة كبيرة عن تخيلي ليكي,برافو

     

  • At 10:34 AM, Blogger saso

    cortex
    ميرسي اوي
    تصدق ان دة احلي تعليق وصلني انا باعمل زي القطة دي تمام لما بتنرفز :)

     

  • At 2:04 PM, Blogger Mamdouh Dorrah

    شفتي بقي..مش عارف اذا كنتي عارفة اني جوزائي برضه زيك..يا بنتي الجوزائيين بيفهموا بعض كويس

     

  • At 2:09 PM, Blogger قلم جاف

    والمضحك رغم كدة إن الأغاني المصرية أو اللي بيكتبها مصريين مليانة بالتهديد والوعيد "ما أبقاش أنا" ، "لازم أذلهم" ، "بالسلامة السلامة"، و"انده لي حد كبير أكلمه"، وقريباً "ح أربيك" ، "ح أطلع عين أهلك"!.. في حين لو قابل الشاعر البنت اللي عملت له العقدة دي ولا حيجرؤ يقول لها كلمة واحدة!

    آه يا ليل يا تايم!

     

  • At 2:40 PM, Blogger saso

    cortex
    قريتها يا جميل في البروفيل مانا قريتة مية مرة من وقت ماشفت مارسيل خليفة وفتحت اول بوست قلت بس انا حاسة بجوزائيين في المكان

     

  • At 3:45 PM, Blogger saso

    قلم جاف
    علي رأيك وقديما قالت الست سميرة سعيد
    هاوريلك ونهارك هتلاقية ليلك
    وسي عبدة قال بلادي أنا نار تحرق اعاديكي

    اة يا كانتري

     

  • At 8:52 AM, Blogger Mamdouh Dorrah

    ميرسي يا ساسو
    و علي فكرة في جوزائيين كتير اوي في المكان
    يعني م الاخر المكان كله محاصر
    و مسيري اعرفك عليهم

     

  • At 11:23 AM, Blogger saso

    cortex
    امبارح كلامك خلاني لفيت علي البروفايلز حبة لقيت جوزائيين وهوائيين عموما كتير
    :) دة غزو بقي

     

  • At 2:38 PM, Blogger Mamdouh Dorrah

    ما تيجي نعمل جمهورية..أقصد مدونة للجوزائيين فقط

     

  • At 3:12 PM, Blogger saso

    cortex
    قبل ماتبوظ الدنيا في لبنان كنت باكتب بوست عن طبعنا المجنون
    بس الدنيا ضلمت فأجّلتة
    يللا نعملها

     

  • At 2:46 AM, Blogger Mamdouh Dorrah

    أنا معاكي ..

     

  • At 12:58 PM, Blogger saso

    cortex
    ونتكلم عن اية؟ كل حاجة ولا خط معين

     

  • At 8:06 PM, Blogger Mamdouh Dorrah

    الحكابة دي عايزه خطة يا ساسو
    ابعتيلي ايميل

     

  • At 8:38 PM, Blogger saso

    cortex
    اتفقنا

     
Post a Comment ~ back home
Cheer Up It's Spring Time is dedicated and designed by ferekico Special thanks and real appreciation for ferekico