Tuesday, August 08, 2006,4:01 PM
احنا من هنا ؟
بناية ما " علي الطراز المعماري المصري " يعني شكلها اية ؟
لية المصريين مش شبة بعض؟
مصر لونها اية ؟ طابعها اية ؟
هي مصر فراعنة...؟
ولا أقباط
ولا عثمانيينولا رومان
ولا طليان

ولا شوية من رمل سينا.... و

واتبعتروا
و ....... عملم بلد
 
Posted by saso | Permalink |


22 Comments:


  • At 8:21 PM, Blogger قلم جاف

    مصر بلد يشبه الاسفنج .. يمتص كل ثقافة تمر عليه .. وأخشى أن تكون اسفنجتنا الآن ..باظت!

     

  • At 8:32 PM, Blogger saso

    عارف كان في جملة هايفة في رواية أهيف بس مش قادرة انساها
    مصر كباية عصير لمون.. خد نقطة منها مش هتعرف تحدد النقطة دي اصلها اية

     

  • At 10:04 PM, Blogger القلجاوى

    ليه المصريين مش شبه بعض ؟
    غريبة مع أنى أرى الملايين منهم متشابهون ، فى الخوف من حكامهم ورؤسائهم مثلاً ، فى فهم الاشياء الكبيرة منها والصغيرة على غير حقيقتها ، فى الفقر ، وفى المرض ، متشابهون ، فى الحزن والفرح ، وأسالك ، هل التشابة فى البنايات وطريقتها يعد تشابهاً فى الاشخاص وملامحهم وعقولهم
    أعنى باختصار أن اختلاف البنايات طولا وعرضا لا يعنى بالضرورة اختلافا بين الاشخاص
    وبعدين يا ستى " اللى بنى مصر كان فى الاصل حلوانى ومصر يا ولاد مصر ياولاد حلوة الحلوات ( وبهدلها البهوات ) من عندى دى
    وللكلام بقية فسلام

     

  • At 10:12 PM, Blogger saso

    السيول السميرية
    متشابهين دي لسة هقول عليها حاجات.. يعني حطاها ف وسط البوست لهدف خبيث:)
    مش قصدي اختلاف البنايات طول وعرض بس انا قصدي اختلاف طراز
    اننا خليط من كل دة
    علي فكرة انا بحاول اخرج من الموود دة بلاش سيرة البهوات قدامي لحسن ترجعلي الحالة

     

  • At 2:32 AM, Blogger محمد أبو زيد

    أجمل ما ف مصر إنها خليط من ده كله
    مصر هيه البلدالوحيد اللي دخلها الغزاة فأذابتهم فيها ، خدت منهم ثقافتهم ، وفنهم ومعمارهم ، وحبهم
    وعشان كده تلاقي معمار يوناني واسلامي وقبطى وروماني
    وفرنمسي وانجليزي
    وكل دولا حبوا مصر
    احيلكغلى كتاب عالم المصرريات الفرنسي
    ماسبيرو عن الاغاني الشعبية في صعيد مصر
    تصوري الراجل ده لف الصعيد عشان يجمع حاجة لمصر
    فيه كتاب كمان مهم اسمه عمارة الفقراء لحسن فتحي
    ممكن من الكتاب ده تبدأي تدوري على مصر
    المعمار اللي في الريف في الصعيد
    قبل هجمة النفطيين الجدد
    البيوت المبنية بالعهجين
    والطين ومرسوم عليها موتيفات من دمنا
    البيوتدي تشبهنا
    وعشان كده هي مصر

     

  • At 2:50 AM, Anonymous Anonymous

    مالهم البهوات...دي أيام الملك كانت أيام زي الفل...الجنيه كان بخمسة دولار...ومفيش حاجة اسمها مجانية تعليم والحاجات اللي بوظت التعليم...ساعتها كانوا بيبعتوا بعثات بره علشان الناس تتعلم صح...هو فيلم رد قلبي اللي طلع البشوات حاجة مش كويسة

     

  • At 9:01 AM, Blogger Mamdouh Dorrah

    بصي يا ساسو
    احنا موزاييك مش مفهوم من كل الحاجات دي
    و يمكن هو ده اللي مدينا نوع من التفرد في الشخصية المصرية
    الصراحة ما اقدرش اجزم اذا كان ده عيب و الا ميزة
    بس اللي ما نقدرش ننكرة ان ده موجود
    شفتي مسلسل ارابيسك بتاع اسامة انور عكاشة؟

     

  • At 10:57 AM, Blogger saso

    محمد أبو زيد
    عمارة الفقراء قريتة اكتر من مرة
    وعلشان كدة مش عارفة مصر بيوت الريف ولا وسط البلد ولا دلوعة ماما سوزان مصر الجديدة

    mgm
    يامحمود ارحمني هوا عمل فينا كدة غيرهم ما علينا يحيي الخديوي اسماعيل اللي أورثنا الدين العام وخلاة طابع مصري أصيل (ولو اني مبنكرش انجازاتة بس مكانش من جيبة) مادام دة اللي هيريحك

     

  • At 11:08 AM, Blogger saso

    cortex
    طبعا شفتة وممكن كان في دماغي امبارح.. بس انا مش شايفة ان الأرابيسك مصري برضة دي المشكلة الحاجة الوحيدة يمكن اللي اقدر اقول عليها مصري هي بيوت الفلاحين وأبراج الحمام
    ولو ان الفلاحين بيقولوا احنا فراعنة ونرجع تاني لنفس الدايرة

     

  • At 11:49 AM, Blogger مـحـمـد مـفـيـد

    اعتقد ان من جمال وروعه مصر انها مزيج من جميع الحضارات التي مرت عبر التاريخ وتجد روعتها في الصوره المميزه اللي في البوست
    بوست جامد كالعاده

     

  • At 11:57 AM, Blogger saso

    محمد
    كنت هاروح أدور عليك .. مزيج غريب حتي جوانا مش في المعمار وبس
    طبعا زي كل مرة اقوللك ميرسي :)

     

  • At 2:32 PM, Anonymous Anonymous

    طيب السؤال الأهم...انت بتحب ايه...؟ يعني بتحب مصر القبطية ولا الفرعونية ولا الأسلامية ولا ولا ولا....كنت تحب تعيش في أنهي مرحلة؟

     

  • At 2:33 PM, Blogger Mamdouh Dorrah

    يا ساسو أنا ما بتكلمش عن الارابيسك..أنا بتكلم عن الفكرة بتاعة انور عكاشة في المسلسل..[إن الشخصية أو الهوية المصرية هي خليط من كل الثقافات اللي عدت علينا..مش مهم بقي فراعنة ..اجريك..عرب مسلمين..اقباط..المهم مصريين هو ده المغزي

     

  • At 3:05 PM, Blogger saso

    mgm
    لا انت عارف انا بتواجد هنا .. مش قصدي انهي كان أحسن قصدي اننا خليط
    ومش مراحل.. او حقب

     

  • At 3:08 PM, Blogger saso

    cortex
    لا أنا عارفة ودية كان ردها " طبعا شفتة وممكن كان في دماغي امبارح " الباقي كان من باب الشئ بالشئ يذكر
    مبنساش مشهد البرج زي ماسموة في المسلسل

     

  • At 11:23 PM, Blogger sherefins

    مصر ام الدنيا فيها كل حاجه المصري الفرعوني والقبطي والروماني والقبطي ولاسلامي والمملوكي والعثماني ودلوقتي الامريكاني بمعني تاني اعم واشمل مصر فيها (علي كل لون يا باطسطا) وهي دي مصر

     

  • At 11:49 PM, Blogger saso

    شريف
    مصر عجين من كل اللي دخلوها ( فاكر عجين دي :)) المهم ابقي قوللي يعني اية باطسطا دي.. شكلي حش وانا مش عارفاها كدة

     

  • At 2:51 AM, Blogger Mamdouh Dorrah

    ماشي يا ساسو
    اللي لازم نفهمه ان الشخصية دي هي تراكمات خبرات كتير اوي من ثقافات كتير برضه ..و لازم نتعامل معاها م المنطق ده

     

  • At 8:55 AM, Blogger أُكتب بالرصاص

    وده أحلى حاجة في مصر
    المزيج اللي أخرج كل هذا

    تلاقي 22 محافظة ب 22 لهجة

    فرعوني على يوناني على اسلامي على قبظي

    ودي احلى حاجة فيكي يا مصر

    هي اتسمت ام الدنيا من شوية

     

  • At 10:32 AM, Blogger saso

    اكتب بالرصاص
    ام الدنيا اكيد
    بس انا سايباهامن كام يوم كانت 26محافظة... كل حاجة بتتسرق الايام دي كدة؟

     

  • At 2:36 AM, Blogger change destiny

    مدونة جميلة و الاسم حيوي جدا

     

  • At 5:08 PM, Blogger saso

    change destiny
    ميرسي يا جميلة :)

     
Post a Comment ~ back home
Cheer Up It's Spring Time is dedicated and designed by ferekico Special thanks and real appreciation for ferekico