Saturday, July 01, 2006,5:33 PM
اةة كدة احنا ف مصر

لو فاكرين كنت كتبتلكم عن العادة بتاعة اتهام كل حادث ارهابي بان الفاعل مختل عقليا ... ساعتها كنت فعلا قلقانة لان المتهم في حادث بني مزار الطب الشرعي أثبت اهليتة ومسؤوليتة عن الحادث لقيت نفسي بسال مش احنا ف مصر برضة؟

الحمد للة رجعنا لمصر بالسلامة
التقرير بتاع المتهم في حادثة كنايس اسكندرية بيقول ان الولد طبعا - ودائما وابدا- عندة فصام عقلي مزمن و غير مسئول عن تصرفاتة وعندة هلاوس وضلالات وحاجات مسلية اوي

المهم ان انا كدة اتطمنت وحمد اللة علي السلامة وهاعتبر حالة متهم بني مزار حادث غير مسئول من طبيب الطب الشرعي واتمني مايتكررش

والحادث اللي جاي يبقي واحد مختل عقليا واللي بعدية واللي بعدية واللي بعدية ... كدة بقي احنا ف مصر
 
Posted by saso | Permalink |


4 Comments:


  • At 10:27 AM, Blogger مـحـمـد مـفـيـد

    والله انا قرأت مقال لاابراهيم عيسي في صحيفه الدستور بعنوان ( وطن المختل ) اراه مناسب جدا للواقع الذي نعيشه
    اتمني ان نكون اصدقاء والميل بتاعي mido2252@hotmail.com

     

  • At 12:06 PM, Blogger saso

    اصل قانون الصدفة مايسمحش ان واحد بس من ضمن اكتر من خمسين حادث ارهابي يطلع الوحيد اللي عاقل ومسئول عن تصرفاتة والباقي كلهم مجانين

     

  • At 2:55 PM, Blogger Lion king

    على فكرة الغالبيه العظمى من المجنين كانوا اعقل ناس
    لكن من كتر الظلم والصدمات ومن كتر ما هما بيحاولوا يقولوا الحق والصح في وقت قل فيه الحق اتجننوا
    بسبب عدم قدرتهم على الاحتمال
    لكن عموما ربنا يتولاهم برحمته ويحفظنا من الجنان من كتر ما بنشوف

     

  • At 8:55 PM, Blogger saso

    ahmed
    انا معاك في ان اعقل الناس هما اكثرهم قابلية للجنون.. ولو ان الحد الفاصل بين العقل والجنون مش واضح للدرجة دي اللي بيقول راية وعارف انة مش
    هيتسمع اعقل ولا اللي ساكت ومش بيقولة اصلا اعقل؟

     
Post a Comment ~ back home
Cheer Up It's Spring Time is dedicated and designed by ferekico Special thanks and real appreciation for ferekico