Saturday, July 01, 2006,5:18 PM
مش احنا ف مصر برضة؟


جرت العادة من اكتر من مية سنة ان اي حادث ارهابي يحصل يكون
اولا: المتسبب فية قلة مندسة ولا علاقة لها باي تنظيم ولا فكر ديني او سياسي لو اللي عمل الحادث نفسة حلفلك ماتصدقوش انت هتكدب الداخلية.. عيب

ثانيا: يكون الحادث فردي - حتي لو في اماكن متسلسلة في نفس التوقيت- برضة فردي انت هتكدب الداخلية.. عيب

ثالثا: الواحد السوبر اللي عمل كل دة كمان يكون معتوة ومجنون - اسم الدلع مختل عقليا- حتي لو كان الولد دة تعرفة او حلفلك انة عاقل اوعي تصدقة انت هتكدب الداخلية .. عيب
الغريب بقي بجد ان المختل عقليا بتاع حادثة بني مزار بافتح الجرنال النهاردة الاقية اية بقي .... النيابة تحققت من سلامة قواة العقلية !!!! غريبة دي

من امتي؟
والدكتور وكيل النيابة هوا اللي كشف علية و شايف كدة؟
انا قلقانة يا ولاد القاعدة دي مانكسرتش من مذبحة الاقصر
هوا احنا مش في مصر برضة ؟؟؟؟؟؟؟؟؟؟؟
 
Posted by saso | Permalink |


2 Comments:


  • At 11:59 PM, Blogger مـحـمـد مـفـيـد

    انا قرأت مقال الاستاذ ابراهيم عيسي في الدستور وكان عنوانه ( وطن المختل ) وهو تجسيد لكل ما يمر في مصر
    والله خايف ليقولوا عليما احنا كمان مختلين عقليا لاننا بان هي دي اخرتها

     

  • At 11:03 AM, Blogger saso

    لا اتطمن احنا هيقولوا علينا شوية عيال بنلعب بعروسة اسمها الحرية اشتراهالنا بابا نويل

     
Post a Comment ~ back home
Cheer Up It's Spring Time is dedicated and designed by ferekico Special thanks and real appreciation for ferekico